台灣組合

4月初1 chái-khí hông動員去參加『25年後重讀蔣經國』ê活動, che是góa chia̍h頭路ê單位贊助桃園1 ê聯合報退休記者辦--ê. 有同事無想beh去, 我是想beh去看in到底beh pìⁿ siáⁿ báng, 看in ē-tàng無恥到siáⁿ-mih程度.

Chit-má是án-chóaⁿ? 文化部『龍應台』管ê中正紀念堂bú 1 ê『台灣設計蔣——文創中正』, 用蔣介石kap宋美齡ê感情生活來o-ló獨裁者iáu無夠khùi, 文化資產局koh bú 1 ê『蔣經國攝影展』造神, 肯定威權beh koh重來?

今á日唯一hō͘ góa感覺心適--ê是, 蔣經國過身beh移靈去大溪ê時, 大路雙pêng民眾跪leh háu ê相片. 看tio̍h che相片, góa tō開始kā hiah-ê少年--ê講góa hit-tang-chūn ê經驗, góa kā in講he lóng是動員--出-來-ê, ùi國校á, 國中到高中, 甚至警察kap憲兵to hông動員khiā tiàm雙pêng路邊, 隊伍bē-sái斷--去, bē-sái làng-phāng, koh tio̍h事先演練, 前kúi工先去現場khiā位, 當工teh thèng-hāu ê時間mā ài預演, pi-á chi̍t-ē pûn tio̍h-ài sûi跪--落, koh tio̍h大聲háu. Hit-tang-chūn góa是桃園高中ê女童軍, m̄免跪, m̄-koh ài gia̍h棍á管理秩序, 防止同學無跪iah是hi-hi-hoa-hoa, 演練ê時ka-tī tō chiok beh笑koh m̄敢笑, hit-chūn tō感覺有影是hàm kah有chhun, 命令chi̍t-ē落--來tio̍h跪--落, koh tio̍h假哭.

Góa kā hiah-ê少年同事講chit段往事, chiâⁿ chē人lóng kioh是he是民眾主動去--ê, góa強調m̄是, lóng是hông動員--ê, 有老師chhōa隊koh有警察沿路維持秩序, tō是bē-sái hi-hi-hoa-hoa, ài像ka-tī厝--nih辦喪事kāng款悲傷, bē-su chit-má ê北韓kāng款. In lóng m̄敢相信, 笑講nah有可能, góa指hit本新冊內底ê相片做證, 沿路lóng是標語kap寫學校名ê柴牌á, 人kheh人, ta̍k ê to憂頭結面, 面頭前koh giú 1條soh-á, 男女童軍kap警察khiā tī soh-á頭前.

Chit-chām-á讀《孤寂的盡頭》chit本冊, 是1 ê德國記者寫1990年代以後ê拉丁美洲, góa ná讀ná感嘆, 拉丁美洲ùi脫離歐洲ê殖民, 到美國帝國主義支持ê軍人獨裁, koh到民主化了chē ê左派執政, 進行資源重新分配. 因為自然資源豐富, 拉丁美洲pìⁿ做歐美帝國siàu想ê 1 tè肉, ta̍k ê國家lóng有chiâⁿ chē in ka-tī悲慘ê歷史, m̄-koh ta̍k段歷史當中mā lóng有bē-chió反抗英雄, 留tiàm ta̍k ê民族ê心內, 甚至chiâⁿ做拉丁美洲共同ê英雄.

人民經過種種資源剝削ê對外戰爭, 內戰, hó-gia̍h-sàn kap不公不義等等ê苦難了後, 左派思想tī chiah-ê國家內底直直thòaⁿ--開, 甚至pìⁿ做解決困境ê手段, Venezuela ê Hugo Rafael Chávez, Argentina ê Néstor Carlos Kirchner, Brasil ê Luiz Inácio Lula da Silva, Ecuador ê Rafael Vicente Correa Delgado, Bolivia ê Juan Evo Morales Aym lóng是左派立場明確ê執政者. 特別是Argentina ê Kirchner, 本底Argentina已經kiōng-beh破產, 人民mā對國家失去信心, 有châi-tiāu--ê一直移民, i soah kā Argentina挽救--tńg-來, 重建國家ê尊嚴, 2005年美洲高峰會ê時, i koh領導左派執政ê國家拒絕美國總統George Walker Bush ê全美自由貿易協議, 2008年促成拉丁美洲國家聯盟(Unasur)成立, chò-hóe對抗美國主導ê美洲國家組織OAS. Chávez mā聯合左派執政ê國家成立南方銀行, 對抗美國ê國際貨幣基金kap世界銀行, 最近chit kúi冬koh制定拉丁美洲ê共同文化憲章. Ecuador ê Correa tī 2008年, Bolivia ê Morales tī 2009年分別通過in國家ê新憲法, kā原住民ê生活價值觀列入憲法, sui-bóng做ē到做bē到iáu tio̍h觀察考驗, 因為tō準原住民ê性命觀入憲法, m̄-koh tī in國內iû-goân有人用侮辱性ê語言teh叫in國內ê原住民, tī經濟開發上mā有chiâⁿ chē所在kap原住民發生爭議.

Chiah-ê左派執政者評價lóng無kâng, m̄-koh大部份lóng有落實資源ê重新分配, 國家ê資源無koh據在少數ê歐洲白人後代hām財團壟斷, 建立社會福利制度, 照顧中下階層ê人民, koh來in mā清算過去ê獨裁集團, 取消軍人ê特權, m̄免為tio̍h選票驚得失tio̍h少數特權. 當然chiah-ê左派執政者加減mā陷入經濟開發kap自然資源保護koh有原住民生存問題ê爭議, tī Brasil特別嚴重, 甚至獨裁kap o͘-se chit-kóa問題lóng出現 (che m̄-nā是左派執政ê特權, 右派mā án-ne甚至koh-khah嚴重, 台灣tō是1 ê例), m̄-koh siōng無左派思想潮流iáu繼續tī拉丁美洲生thòaⁿ.

翻頭tńg來看kāng款經過殖民, 獨裁, 民主化kap hó-gia̍h-sàn jú差jú大ê台灣, 左派思想soah無tè成長,「社會主義」根本tō hông當做青面獠牙, 過去ê台灣共產黨tī白色恐怖ê清鄉行動了後差不多消失--a, 左派思潮mā tī思想控制ê政策下hông消滅. Hit-kóa過去積極參與社會運動, 自認為是弱勢者代言人, koh講是左派政黨ê人參政了後, chit-kóa騙選票ê包裝sûi thǹg落來phiaⁿ還hō͘過去ê運動同志, 根本tō無toh 1 ê政黨, 政客iah是參政者敢講ka-tī是左派, iah是敢講出ka-tī敬重--ê是左派立場明確ê人物, 有--ê kan-taⁿ tī接受訪問ê時, kā有印Guevara人頭ê衫chit類chng-thāⁿ sa--出-來lāng, 本質lóng是kan-taⁿ替財團kap中產階級服務ê政客, the̍h tio̍h執政權oan-na是延續本底統治者ê政策, 換1 ê集團來分配資源niâ, 社會福利tō交hō͘慈善kap宗教團體去救濟.

面對kap台灣有chiok chē sio-siāng經驗ê拉丁美洲, lán soah一直chiâⁿ chheⁿ-hūn, tō準in有出chiâⁿ chē Nobel文學獎ê作家, m̄-koh台灣ê拉丁美洲翻譯文學soah chiâⁿ chió, 大部份lóng是得獎了後chiah hông翻做繁體漢字 (過去lóng kan-taⁿ有簡體漢字ê版本thang讀). Lán一直強調國際化, lán講ê「國際」事實上永遠kan-taⁿ有美國kap中國niâ.

4月1日上午被動員去參加「25年後重讀蔣經國」活動，這是我工作的單位贊助桃園某聯合報退休記者所舉辦的。有同事不想去，我則想說去看看他們到底在搞什麼，可以無恥到什麼地步。 

現在是怎樣，文化部龍應台轄下的中正紀念堂搞個「台灣設計蔣——文創中正」，以蔣介石、宋美齡的感情生活來歌頌獨裁者還不夠，文化資產局還來個「蔣經國攝影展」造神，搞威權復辟？ 

今日唯一讓我覺得有趣的是，蔣經國過世移靈到大溪時兩旁民眾下跪哭泣的照片。看到這照片，我就開始跟那些年輕人說我當時的經驗，我說那是動員出來的，從小學、國中到高中，甚至警察、憲兵都被動員站在沿路兩旁，隊伍不能斷掉，不能有空隙，而且還事先演練，前幾天先到場站位置，當天等待時還要預演，哨子一響就要下跪，還要用力哭。當時我是桃園高中的女童軍，不用下跪，但是要拿童軍棍管理秩序，禁止同學們不下跪或嘻笑，演練時自己就很想笑又不敢笑，當時就覺得真是愚蠢到極點，一聲令下就下跪，還要假哭。 

我跟那些年輕的同事提及這段往事，很多人都以為那是民眾主動去的，我說不是，都是被動員的，有老師帶隊還有警察沿線管秩序，就是不能嘻笑，要像家裡辦喪事一樣哀戚，跟現在的北韓一樣。他們都不敢置信地笑說怎麼可能，我指那本新書中的照片舉證，沿線都是標語和寫著學校名的木牌，人擠人，各個神情哀戚，前面還有一條繩子拉起來，男女童軍和警察站在繩子前。 

這陣子讀了《孤寂的盡頭》這本書，是一位德國記者描述1990年代以後的拉丁美洲，邊看邊感嘆，拉丁美洲從脫離歐洲的殖民，到美帝扶植軍人獨裁，再到民主化後多個左派執政，進行資源重新分配。因為擁有太多的自然資源，拉美成為歐美帝國的俎上肉，各個國家都有屬於自己的許多段悲慘的歷史，但每一段歷史當中都有多位反抗英雄，留存在各個民族的心中，甚至成為拉美的共同英雄。 

人民在經歷過種種資源剝削的對外戰爭、內戰、貧富差距、不公義等苦難後，左翼思想一直在各個國家中蔓延，甚至成為解決困境的手段，委瑞內拉的查維茲、阿根廷的基希納、巴西的魯拉、厄瓜多的柯瑞亞、玻利維亞的莫拉勒斯等都是左翼色彩鮮明的執政者。尤其阿根廷的基希納，更是讓已瀕臨破產、人民已對國家失去信心紛紛移民的阿根廷起死回生，找回國家的尊嚴，2005年美洲高峰會時，他更領導左派執政的國家拒絕小布希的全美自由貿易協議，2008年促成拉丁美洲國家聯盟（Unasur）成立，對抗美國主導的美洲國家組織OAS。查維茲也聯合左派執政的國家成立南方銀行，對抗美國的國際貨幣基金及世界銀行，最近幾年還制定拉丁美洲的共同文化憲章。厄瓜多的柯瑞亞在2008年、玻利維亞的莫拉勒斯在2009年分別通過該國的新憲法，將原住民的生活價值觀入憲，雖然落實尚待考驗，因為即使原住民的生命觀入憲，但在該國內仍有人以污辱性的語言稱呼該國的原住民，在經濟開發上也有許多地區與原住民產生爭議。 

這些左派執政者評價不一，但大部份都真正落實資源重新分配，讓國家的資源不再由少數的歐洲裔後代及財團壟斷，建立社會福利制度，照顧低下階層的人民，再來就是清算過去的獨裁集團並取消軍人的特權，不需為選票不敢得罪少數特權。當然這些左派執政者也不免陷入經濟開發與自然資源保護及原住民生存問題的爭議，巴西尤其嚴重，甚至獨裁、貪汙等雜音出現（這不只是左派執政的特權，右派也如此甚至更嚴重，台灣就是一例），但至少左翼思潮還是繼續在拉美流傳，甚至盛行。 

反觀同樣經歷過殖民、獨裁、民主化、貧富差距越來越大的台灣，左翼思潮卻無處成長，根本就視「社會主義」如洪水猛獸，過去的台灣共產黨在經歷過白色恐怖的清鄉行動之後，幾乎都消失了，左翼思潮也隨著思想的控制被消滅。那些過去積極參與社會運動、標榜弱勢者代言人，且自稱左派政黨的人參政後，這些裝飾、騙選票的外衣馬下脫下還給過去的運動伙伴，根本沒有哪個政黨、政客、參政者敢說自己是左派，或是敢說出自己的偶像是左翼色彩鮮明的人物，有的只是受訪時拿出印著格瓦拉人頭像的衣服這些裝飾品，本質都是只替財團、中產階級服務的政客，取得執政權也都是蕭規曹隨，換個集團分配資源，社會福利就交給慈善、宗教團體來救濟。 

對與台灣有許多相似處的拉丁美洲，我們卻一直相當陌生，即使他們產出許多諾貝爾文學獎的作家，但台灣的拉美翻譯文學卻不多，大部份都是得獎後才被翻成繁體字（過去都只有簡體字可讀）。我們一直強調著國際化，我們說的「國際」事實上永遠只有美國和中國。

──《TGB通訊》第164期(2013/5)