香港chiâⁿ千chiâⁿ萬ê少年家khiā出來「反洗腦」, 迫香港總督撤回洗腦教育政策. 台灣媒體報導chit項tāi-chì ê kāng 1段時間, mā直直報導中國共產黨『十八大』ê權力交替過程, koh特別突顯出中國新領導者『習近平』開明ê形象.
民進黨年初中華民國總統選舉輸--去了後, in認為beh koh得tio̍h執政權「siōng尾1哩路」, bē-su tio̍h-ài先通過中國北京. 中國對Tibet kap East Turkestan ê壓制直直加強, 過去1冬外來, Tibet已經有chiâⁿ百人自焚, 用性命強調in反抗ê意志; tī台灣, 民進黨ê權力頭人soah siàu想thèng好得tio̍h北京關愛ê眼神, 一直pàng出對中國真善意ê表示.
日本國會改選, 財團政治ê代表, mā堅持bē-tàng關核電廠ê自由民主黨大贏, 安倍晉三(Abe Shinzō) koh 1 pái chiâⁿ做首相, 台派kho͘-á普遍認為che對台灣真有利, 因為chit ê新總理對中國態度khah強硬, kap台派大老koh有政治交情.
韓國總統大選, 獨裁者朴正熙(Park Chung-hee) ê cha-bó͘-kiáⁿ朴槿惠(Park Geun-hye)當選, tī台灣, hō͘台派支持者當做ǹg望ê政治明星soah肯定講che是韓國女性從政, 民主發展kap轉型正義ê成果.
台灣在額kap退休ê軍公教lóng享受過頭好ê待遇, ta̍k回若講tio̍h軍公教優惠政策ê改革, in tō哀父叫母, hoah講若減in ê收入in ē真pháiⁿ過日子, m̄-koh自kúi-nā 10冬前, 軍公教ê月給tō一直phēng台灣平均所得khah kôan. Chit ê議題kan-taⁿ是選舉ê sio罵本, 一般人sōan bóng sōan, 對chit款chiah-nī無合理ê tāi-chì, 台灣社會kám正經有teh憤怒不滿?
Chit kúi項tāi-chì有siáⁿ sio關聯?除去權力kap選票ê考慮, 除去對優勢者既得利益ê考慮, tī chia看bē tio̍h對被壓迫階級處境ê思考!
1 ê人, 1 ê group iah是1 ê黨chiūⁿ台, 無代表既得利益ê統治階級tō ē有大ê改變, mā無代表掌握政治經濟ê權力結構ē有根本性轉變ê可能. 韓國kap日本ê例tú-tú hō͘ lán看--tio̍h: 政黨輪替ê改革派, 終其尾無châi-tiāu改變本底造chiâⁿ社會矛盾ê權力結構, 改革若kha̍p tio̍h chit ê既得利益ê結構, 改革派tiāⁿ-tio̍h是thô͘-thô͘-thô͘, 社會普遍為tio̍h趕緊回復安定kap穩定, soah顛倒頭懷念hām支持舊底khiā tī既得利益立場ê保守派ê統治.
Tī chit款情形, 改革派為tio̍h koh得tio̍h選票kap執政權, tio̍h-ài調整ka-tī ê立場kap主張, tio̍h-ài「修正」本底改革ê訴求, ǹg「主流民意」óa--過, ǹg既得利益ê統治階級ê立場óa--過; 政黨koh-khah án-chóaⁿ輪替, 意識形態洗腦工具iah是文化霸權(hegemony) iáu是hō͘統治階級la̍k kah ân-ân-ân, 靠「政黨輪替」chiūⁿ台ê改革派kap既得利益kà力kui-po͘, 造chiâⁿ社會無公平ê權力結構iáu是teh決定社會ê發展趨勢.
意識形態工具無變, 文化霸權無變, 既得利益掌握ê社會權力結構無變, 被壓迫階級ê頭殼(思想) mā無變,「改革」m̄-tāⁿ pìⁿ無lián, lō͘尾「改革派」soah tio̍h ǹg既得利益勢力àⁿ頭屈服.
Án-ne來, beh án-chóaⁿ樣chiah thang有根本性ê改變--leh?
香港成千上萬的年輕世代站出來「反洗腦」，迫使港督撤回洗腦教育政策。台灣媒體報導這個事件的同時，也不斷地報導中國共產黨「十八大」的權力交替過程，並特別突顯出中國新任領導人習近平開明的形象。
民進黨年初中華民國總統選舉敗選後，他們認為要再取得執政權的最後一哩路，似乎得先通過中國北京。中國不斷地加強對圖博（西藏）和東土耳其斯坦（新疆）的壓制，過去一年來，西藏已上百人自焚，以生命強調他們反抗的意志；在台灣，民進黨的權力頭人卻夢想著得到北京關愛的眼神，一直對中國表達誠摯的善意。
日本國會改選，財閥政治的代表、堅持不能廢核的自民黨大勝，安倍晉三重任首相，台派普遍認為這對台灣很有利，因為這個新總理對中國態度較強硬，和台派大老也有著政治交情。
韓國總統大選，獨裁者朴正熙的女兒朴槿惠當選，在台灣，被台派支持者視為希望的政治新星卻肯定這是韓國女性從政、民主發展以及轉型正義的成果。
台灣現職和退休軍公教享受著極優渥的待遇，每當論及軍公教優惠政策的改革，他們就哀父叫母地表示，他們這些收入若被削減，日子會很難過下去，然而自幾十年前至今，軍公教的薪水卻一直高於台灣人平均所得。這個議題只是選舉的相罵本，一般人罵歸罵，對這麼不合理的事，台灣社會真的有發自心底的憤怒與不滿嗎？
這幾件事有何相關聯？除了權力和選票的考慮，除了對優勢者既得利益的考慮，這裡看不到對被壓迫階級處境的思考！
一個人、一個群體或是一個黨上台，不代表既得利益的統治階級就會有大改變，也不代表掌握政治經濟的權力結構就會有根本性轉變的可能。以韓國和日本的例子來看：政黨輪替的改革派，終究無力抵擋原本造成社會矛盾的權力結構，改革若碰觸到這個既得利益的結構，改革派只會「滿面全豆花」，社會普遍為了趕緊回復安定與穩定，而回過頭擁抱、支持站在既得利益立場的保守派的統治。
在這樣的情形下，改革派為了再得到選票和執政權，必須調整自己的立場與主張，必須「修正」原本改革的訴求，向「主流民意」靠攏，向既得利益的統治階級的靠攏；政黨再怎麼輪替，意識形態洗腦工具或文化霸權（hegemony）依舊牢牢地握在統治階級手中，靠「政黨輪替」上台的改革派與既得利益角力後，造成社會不公平的權力結構終究仍決定著社會的發展趨勢。
意識形態工具不變，文化霸權不變，既得利益掌握的社會權力結構不變，被壓迫階級的腦袋（思想）也不變，「改革」不但搞不出名堂，最後「改革派」卻得向既得利益勢力低頭屈服。
這樣來看，要怎麼樣才能有根本性的改變呢？
──《TGB通訊》第160期(2013/1)
留言列表
