台灣組合

Hō-ló台語是1 ê有音樂性ê語言, che是góa ùi gín-á hia發現--ê.

A-siâng出世了後, 厝內tō是全Hō-ló台語ê生活環境, tn̄g tio̍h chiok chē少年父母lóng ē問goán是出tī koàn-sì iah是有意識teh kap gín-á講台語? 其實2項lóng有. Hō-ló台語是goán ê生活用語, 是goán ê母語, goán當然tō用siōng自然koh直接ê話語kap gín-á講話. 另外1方面, Hō-ló台語m̄-nā是goán溝通ê工具, koh-khah是goán思想, 體驗文化, 傳承經驗, 知bat歷史ê ke-si頭á, 無chit支鎖匙, A-siâng無法度進入goán iah是a公a-má ê世界, goán mā無法度精確引chhōa i了解生活ê社會.

A-siâng一直到beh óa 2歲chiah「開始講話」──講goán聽有ê話. 聽i 1 ê詞1 ê詞teh o̍h講, 無kāng音節ê koân-kē變化, chiok sêng teh唱歌--ê, tiāⁿ-tiāⁿ hō͘ góa聽kah笑哈哈. 台語有8 ê聲調, gín-á teh o̍h講話ê時, chiah-ê聲調變化ē giú長放大, chiah ē聽--起-來bē-su teh聽音樂--leh, che hoān-sè是chhiâng-chāi有人對goán講gín-á講台語chiok好聽ê原因.

Gín-á是大人ê 1面鏡, 好--ê bái--ê, 所講所做, lóng ùi gín-á身軀頂反映--出-來, hō͘ lán無tè走閃. 無想tio̍h講透過gín-á單純ê話語, mā hō͘ góa看tio̍h台語ê另外1面, koh有母語傳承ê意義.

Holo台語是一個具音樂性的語言，這是我從孩子那裡發現的。 

阿翔出世後，家裡就是全Holo台語的生活環境，遇到很多年輕父母會問我們是因為習慣還是有意識和孩子講台語？其實兩者都有。Holo台語是我們的生活用語，是我們的母語，我們當然就用最自然最直接的話語和孩子說話。另一方面，Holo台語不僅是我們溝通的工具，更是我們思想、體驗文化、傳承經驗、認識歷史的家私頭仔，沒有這把鎖匙，阿翔無法進入我們或是阿公阿嬤的世界，我們也無法精確地引領他了解生活的社會。 

阿翔一直到近2歲才「開始講話」──講我們聽得懂的話。聽他一個詞一個詞在學講，不同音節的高低變化，很像在唱歌，常常令我聽得笑哈哈。台語有8個聲調，小孩在學講話的時候，這些聲調變化會拉長放大，才會聽起來像是在聽音樂，這或許是經常有人對我們說小孩講台語很好聽的原因。 

小孩是大人的一面鏡子，好的壞的、所言所行，都會從孩子身上反映出來，令我們無所遁逃。沒想到透過孩子單純的話語，也讓我看到台語另外一面，以及母語傳承的意義。

──《TGB通訊》第159期(2012/12)