Lán出門kap lí ê gín-á伴共學chhit-thô ê時, lín thǹg赤腳tī公園內底走跳, chhiâng-chāi ē tú tio̍h邊--á ê gín-á講:「In真無禮貌.」
Lín tī樹林á iah草埔ó͘ thô͘ sńg沙á, mā不時ē有人勸講án-ne ó͘ kah 1 khang 1 khang, ē害人行路poa̍h-tó, m̄-thang hō͘ gín-á án-ne sńg.
若有水khut-á, lín koh-khah歡喜, tiāⁿ-tio̍h sńg kah kui身軀tâm-lok-lok, sûi tō有人hoah講:「Lóng無照規矩, pàng hō͘ gín-á o͘-peh sńg.」
Lín tī公園khioh樹oe iah是葉á sńg, mā tiāⁿ-tiāⁿ有人ē阻擋, 講án-ne lah-sap無chheng-khì.
Tī公共便所hō͘ gín-á使用khah ke ê水槽á洗手, mā ē有人lé講:「水滴kah kui thô͘-kha, lín nah pàng hō͘ gín-á來chia sńg水?」
若是khioh石頭khian, hīⁿ-khang邊koh-khah chhiâng-chāi ē聽tio̍h:「Gín-á lóng無teh教.」
Lán mā bat tī電車車頭khoah-khoah ê巷路共學, 坐kui工經過--ê to無超過20人, soah mā有人ē去「反應」, 講hia是通道, 叫管理者tio̍h kā lán趕走.
經過ê人beh勸goán m̄-thang hō͘ lín chiah-ê gín-á án-ne sńg, 口氣平和是無要緊, goán mā ē好禮說明goán ê想法, iah是kā in解說講goán大人有tī邊--á顧tiâu--leh, bē發生危險. M̄-koh lán mā chhiâng-chāi tú tio̍h人pìⁿ面大聲lé罵, 威脅, 恐嚇, pháiⁿ-siaⁿ-sàu iah是氣phut-phut, bē-su lín chit-tīn gín-á án-ne sńg ē gāi tio̍h in ê khi-mo͘-chih.
Lán ê公共空間有太chē有形kap無形ê限制, 有形--ê是有kui tho͘-lá-kuh「禁止án-chóaⁿ tú án-chóaⁿ」ê規定, kap隔開人óa近iah出入ê設計, 無形--ê是真chē人ê認知無法度接受有人「無都市人ê文明kap禮數」.
使用公共空間是án-chóaⁿ有hiah-nī chē限制? 若無危險性, 若無影響tio̍h其他beh使用ê人, 是án-chóaⁿ bē-sái照ka-tī ê需要使用公共空間? 特別是tī公園, 樹林á iah是草埔, peh樹á, ó͘ thô͘沙, bán草á, tó tī草埔liàn, hō͘ gín-á án-ne來kap自然環境互動, 是án-chóaⁿ對別人ē有hiah-nī大, hiah-nī無法度忍受ê困擾?
公共空間ê使用到底是siáng thèng好決定--ê? Hit-kóa li-li-khok-khok ê禁止規定是siáng制訂--ê? 是為tio̍h siáⁿ考慮制訂--ê? 是為tio̍h siáⁿ-mih人ê方便來訂--ê? 是考慮使用者iah管理者ê方便? 是使用者照ka-tī ê需求使用, iah是tio̍h顧慮邊--á無teh使用ê人ê感受?
Chit ê公共空間若是hō͘人活動, chhit-thô, hioh-khùn ê公園iah是開放性ê廣場, 是án-chóaⁿ bē-sái大聲hoah-hiu? 是án-chóaⁿ bē-sái歡歡喜喜走跳? Peh樹á無sè-jī siak--落-來kám ē án-chóaⁿ? Bán草á葉á來so-so--leh, phīⁿ chi̍t-ē-á無kāng草á葉á有siáⁿ無kâng ê氣味, án-ne kám tō是m̄知影尊重性命?
Chhōa lín chit-tīn gín-á伴tī外口活動, 盡量hō͘ lín免受tio̍h sok-pa̍k去體驗世界, poa̍h-tó koh peh--起-來, tio̍h傷ka-tī kô͘ 藥á; tī thô͘-kha畫圖, ó͘ khang, sńg soah lán ē回復現場; 若ē影響tio̍h其他人, ē kap lín參詳調整. Chit款做法, mā是lán大人kap gín-á chò-hóe學習「ka-tī負責」ê機會kap經驗.
M̄-koh chit ê無教lán siáⁿ-mih號做「責任」ê社會, soah無容允lán keng開chit款ê空間; kan-taⁿ beh ài培養出順從無意見ê奴隸ê社會, 當然mā bē koàn-sì面對lán對ta̍k種規定iah是勸說ê質疑, 反省kap思考.
是講, 面對hiah-ê有形ê規定, iah是無形ê限制ê時, hit-kóa「bē-sái」ê理由, goán若lóng無法度說服ka-tī接受--a, 是beh án-chóaⁿ叫goán tio̍h「要求」lín接受「禁止」kap「限制」?
出門, 行出去到公共空間, 面對眾人, 面對社會, 面對外口ê世界, 是án-chóaⁿ lán bē-tàng有自在使用ê權利? 無危險性mā無影響tio̍h其他人ê時, 是án-chóaⁿ lán bē-tàng ka-tī決定, ka-tī選擇beh án-chóaⁿ使用公共空間?
Bē-sái óa近水, kám講tō有法度降低tū--死ê危險? Bē-sái kha̍p tio̍h公園ê草á,樹á kap花, kám tō ē khah知影尊重性命ê道理? 禁止gín-á粗魯無禮貌, kám tō ē hō͘ lán脫離「拳頭母大粒, 講話tō khah有力」ê現實社會狀況?成長ê過程, gín-á ê心思, 感受kap情緒無得tio̍h夠額ê理解, 包容kap尊重, kám tō有thang hō͘ gín-á o̍h ē-hiáu尊重kap同理? 限制lín對外口世界自由探索ê機會, lín ē ka-tī生出獨立自主ê能力?
詳細kā想, chiah-ê lán tú--tio̍h ê現象, 是有kāng款ê思考, hit款思考, 是beh限制lán ê自主kap發展, beh kiu sok lán對無合理ê質疑kap挑戰, lán當然mā ē-sái選擇無愛hō͘ chit款教出奴隸順民ê道理牽leh行!
我們出門和你的囡仔伴共學玩耍時,你們打赤腳在公園裡跑跳,常會遇到旁邊的囡仔說:「他們很沒禮貌。」
你們在樹林、草地挖土堆沙,也不時會有人勸阻說這樣挖地上會不平,會害別人走路跌倒,不應該讓囡仔這樣玩。
若有水池,你們更高興,一定會玩得滿身軀濕答答,馬上會有人喊說:「都沒有照規矩,放任囡仔烏白玩。」
你們在公園撿樹枝或葉子,也常常會有人阻止,強調說這樣很髒不乾淨。
在公共廁所給囡仔使用較低的水槽洗手,也會有人罵說:「水滴得整地,你們怎麼讓囡仔來這裡玩水?」
若是撿石頭丟,耳邊更是能聽到:「囡仔都沒在教。」
我們也曾在捷運站開闊的通道共學,坐了一整天經過的不超過20人,卻就是有人會去「反應」,說那裡是通道不能逗留,叫管理者得將我們趕走。
路人好心勸我們不該讓你們這些囡仔這樣玩,口氣平和的話還沒關係,我們能夠好禮說明我們的想法,或是跟他們解釋我們大人有在旁邊跟著,不會發生危險。但我們也經常遇到路人變臉大聲咒罵、威脅、恐嚇、壞口氣或是憤怒大吼,好像你們這群囡仔這樣的玩法會礙到他們的情緒似的。
我們的公共空間有太多有形或無形的限制,有形的是有一大堆的「禁止怎樣怎樣」的規定,以及隔開人靠近或出入的設計,無形的是很多人的認知無法接受有人「沒有都市人的文明和禮貌」。
使用公共空間為什麼有那麼多限制?如果沒有危險性,如果不影響到其他使用者,為什麼不能照自己的需要使用公共空間?特別是在公園、樹林或草地,爬樹、挖沙、拔草,躺在草地翻滾,讓囡仔自在地和自然環境互動,為什麼對別人會產生那麼大、那麼無法忍受的困擾?
公共空間的使用到底是誰能夠決定的?那些禁止規定是誰制訂的?是為了什麼考慮制訂的?是為了什麼人的方便訂的?是使用者或是管理者的方便?是使用者照自己的需求使用,或是必須顧慮旁邊未使用者的感受?
這個公共空間如果是讓人活動、嬉戲或休息的公園以及開放性廣場,為什麼不能大聲喊叫?為什麼不能無拘束地跑跳?爬樹不小心跌下來會怎麼樣嗎?拔草、葉子來搓一搓、聞一聞不同草、葉有什麼不同的氣味,這樣就會不知道尊重性命嗎?
帶你們這群囡仔伴在外面活動,盡量讓你們不必有拘束地體驗世界,跌倒了再爬起來,受傷了自己擦藥;在地上畫圖、挖洞,不玩了我們會恢復原狀;若會干擾到其他人,能夠和你們商量調整。這樣的做法,也是我們大人和囡仔一起學習「自我負責」的機會和經驗。
然而這個不教我們什麼叫做「責任」的社會,卻不容許我們撐起這樣的空間;只想培養出順從、無意見的奴隸的社會,當然不習慣面對我們對各種規定或勸說的質疑、反省和思考。
是說,面對那些有形的規定或無形的限制時,那些「不行」的理由,我們如果都無法說服自己接受,我們要如何「要求」你們接受「禁止」和「限制」呢?
出門,走到公共空間,面對眾人、面對社會、面對外面的世界,為什麼我們不能有自在使用的權利?沒有危險性也不會影響到其他人時,為什麼我們不能自己決定、自己選擇要怎麼樣使用公共空間?
不能靠近水,難道就有效降低了溺水的危險?不能碰觸公園裡的花草,難道就會因此懂得尊重生命的道理?禁止囡仔粗魯沒禮貌,難道就會讓我們脫離「弱肉強食」的社會現況?成長的過程,囡仔的心思、感受和情緒沒有得到足夠的理解、包容與尊重,難道就能讓囡仔學會尊重和同理?限制你們對外面世界自由探索的機會,你們能夠自己長出獨立自主的能力?
仔細地回想,這些我們遇到的現象,是有著相同的思考的,那種思考,是要限制我們的自主和發展,要約束我們對不合理的質疑及挑戰,我們當然也能夠選擇不讓這種教出奴隸、順民的道理牽著鼻子走!
──《TGB通訊》第172期(2014/1)
留言列表