台灣組合

前kúi工á tī報紙面頂看tio̍h施明德寫了1篇文章, 題目是〈英靈kap冤魂〉, i寫講, 北京kā tī台灣因為支持共產黨soah hō͘中華民國統治集團chhèng-sat ê人, chhāi 1支「無名英雄碑」, 施明德看過chiah-ê人hông chhèng-sat chìn前大聲hoah「共產黨萬歲」, 北京替chiah-ê人chhāi石碑記念, ná像chiâⁿ受tio̍h施明德肯定.

M̄-koh góa soah感覺有問題, 問題tō是: 當年hō͘中華民國統治集團chhèng-sat ê人, 大部份lóng有名有姓, 查hō͘清楚chiah chhāi碑, kā名刻--起-lih chiah tio̍h ā, 是án-chóaⁿ北京無án-ne做? 政治現實, chhāi記念碑是teh應付niâ, 中國共產黨早tō無需要chiah-ê人ê故事來做政治宣傳--loh!

施明德chit篇文章另外1段講--tio̍h, i講i親目chiu看tio̍h 228事件台灣人主動參與反抗軍隊來戰死, 所以i對228受難家屬一直提出質疑, 是án-chóaⁿ kā受難者講做是冤枉死--ê, thang好去領補償金?

Góa ka-tī mā bat寫過chit款ê文章, 提出chit款質疑當然是應該--ê, m̄-koh真怪奇, 是án-chóaⁿ施明德kan-taⁿ質疑228受難家屬, 是án-chóaⁿ無去質疑美麗島事件i hit-kóa同志? 是án-chóaⁿ無質疑i ka-tī認中華民國chit ê賊做父? 施明德siōng愛講「權力hō͘人腐化」, m̄-koh 228受難家屬無掌握權力, 是án-chóaⁿ mā腐化--a?

Góa認為, 體制hō͘人腐化, 腐化ê人kan-taⁿ ē kéng符合ka-tī需要--ê去做, 北京是án-ne, 228 hit-kóa衰尾道人ê後代mā án-ne, 施明德tō koh-khah m̄免góa koh ke講--a.

前幾天在報紙上看到施明德寫了一篇文章，題目是〈英靈與冤魂〉，他寫說，北京為在台灣因為支持共產黨而被中華民國統治集團槍斃的人，立了一個「無名英雄碑」，施明德看過這些人被槍斃前高喊「共產黨萬歲」，北京為這些人立碑好像還滿讓施明德肯定的。 

可是我卻覺得有問題，問題就是：當年被中華民國統治集團槍斃的人，大部份都有名有姓，查清楚再立碑刻上名字才對啊，為什麼北京沒這樣做？政治現實，立碑只是應付一下，中國共產黨已不需要這些人的事績來做政治宣傳了！ 

施明德這篇文章的另外一段提到，他親眼看到228事件台灣人主動參與反抗軍隊而戰死，所以他對228受難家屬一直提出質疑，為什麼要把受難者說成是冤死以領補償？ 

我自己也寫過類似的文章，提出這樣的質疑當然應該，只是很奇怪，為什麼施明德只質疑228受難家屬，為什麼不質疑美麗島事件他自己的同志？為什麼不質疑自己認中華民國這個賊做父？施明德最喜歡說「權力使人腐化」，但228受難家屬沒握有權力，為什麼也腐化？ 

我認為，體制使人腐化，腐化的人只挑符合自己需要的做，北京如此，228倒楣鬼的後代也如此，施明德就更不用我說了。

──《TGB通訊》第172期(2014/1)