Kám beh相信? Lán已經se̍k-sāi超過37冬--a, ē-tàng kap lí做國校, 國中, 高中ê同學, 有影是chiok大ê緣份kap福氣. Lí kap lín tau ê人, 是góa se̍k-sāi siōng-kài善良koh溫和ê家庭, lí chéng tio̍h lín a母, 有siōng-kài溫馴ê個性kap善良ê心. 多謝lí, 總--是聽góa一直講thi̍h bē soah. 多謝lí, 讀國中, 高中了後, koh ta̍k工來goán tau等--góa, 有tú時á góa khùn過頭, piān-nā聽tio̍h goán a母tī樓kha樓梯頭hoah 1聲:「A鳳, A如來--a!」Góa tō ná像hông電--tio̍h, sûi peh--起-來, kā制服chhēng好, kap lí chò-hóe騎腳踏車去學校, tō án-ne lán tàu-tīn騎6冬.
Ē記得國校一年ê時, 有1 pái lí買1條pûn泡泡--ê (tn̂g-ko形), lí chiâⁿ a-sá-lih借góa pûn, m̄-koh góa soah thiau-kang kā kui條lóng chek-chek--出-來, lí tī邊--á看kah lóng gāng--去, kiōng-beh哭--出-來, góa soah koh chiâⁿ iāng想beh替lí pûn 1粒chiok大粒ê泡泡, 出力pûn kah kui面lóng漲紅--去, 是講泡泡pûn kah 1半tō破--去, lí chiok siūⁿ-khì oat--leh tō走入教室, hit-tang-chūn góa知影ka-tī做m̄-tio̍h tāi-chì, soah m̄知beh án-chóaⁿ處理. 一直到放學行路隊, beh經過lín tau竹林後piah ê田岸路ê時, hn̄g-hn̄g tō看tio̍h lín a母kā teh哭ê lí抱tiâu--leh, teh等góa行--過-去, lín a母講:「Goán秀如身體無好, lí mài欺負goán秀如......」聽tio̍h lín a母khiā tī青lèng-lèng ê竹林腳, 隔1區結穗kah黃gìm-gìm ê田án-ne kā góa講, góa kā頭àⁿ kē-kē, lóng m̄敢taⁿ頭看lí kap lín a母, kan-taⁿ頭lê-lê顧leh緊行--過, hō͘ lín a母ê聲留tī kha-chiah後, thèng-hāu聲音jú來jú hn̄g, góa chiah緊走tńg厝. Sui-bóng lín a母teh罵--人kap phiàn gín-á ê聲sàu是kāng款輕koh溫柔, chi̍t-sut-á tō bē pháiⁿ, m̄-koh góa有影hō͘ i chhoah--tio̍h, 後--來góa m̄-bat koh欺負phēng góa khah細hàn--ê, 人生無行chhoa̍h--去, 無的確koh tio̍h感謝lín a母hit-tang-chūn溫柔對góa講ê話leh!
Sui-bóng有chit-pái ê事件, lán kui-ê國校期間iû-goân是黏chò-hóe, 原因是lí siuⁿ好欺負--a (àⁿ頭懺悔). Hit-chūn一二年讀半工, 放學了後, chia̍h飽tàu góa tō ē走去lín tau寫功課, ta̍k工準時去lín tau報到, lín a-má看tio̍h góa tō ē hoah:「A如, 玉鳳來chhōe lí--a!」Hit-chūn góa ta̍k工to tī lín tau出出入入, 自在koh歡喜, 親像無受約束ê野gín-á. Gín-á時ê記tì--nih, lóng是góa去lín tau chhōe lí sńg, lí ná像無來過goán tau. 奇怪, 像góa án-ne 1 ê有sió-khóa Asperger's syndromeê gín-á, nah ē kap 1 ê有sió-khóa Kanner's Syndromeê gín-á sńg ē起--來? Koh sńg kah不止á和樂, 一直sńg到chit-má, 徹底phah破『物以類聚』chit句話.
細hàn時chūn lí tiām靜koh sán, 身體無勇, m̄-koh lí soah chiok gâu畫塑膠ê冊thiap-á頂ê bàng-kah人物,『三隻小豬』,『小英的故事』,『龍龍與忠狗』,『小甜甜和安東尼』, 連紙ang-á lí to有法度ka-tī畫, chiah koh the̍h chit-kóa ka-tī畫ka-tī做ê紙ang-á sńg pān-kong-hóe-á. Lán mā chhiâng-chāi phak tī lín tau ê埕, khioh紅磚á khà--落-來ê磚á角, 2 ê gín-á-phí tō tī thô͘-kha畫--起-來. 有tang時á lán mā ē sńg bih-sio-chhōe, tī lín tau ê大竹圍, poa̍t-á樹, 蓮霧樹, kap hit口ē-sái sńg水chhèng ê水井走sio-jiok, lín tau ta̍k sì-kè lóng有lán做gín-á時chò-hóe sńg ê影jiah.
Hō͘人m̄甘--ê是, 今年2013年秋天, lí用Line kā góa講lín舊厝hō͘ 怪手thiah掉ê消息, lí koh講lí有khioh 1 tè舊厝ê厝瓦做記念. Góa應lí講: He是充滿lángín-á時記tì ê所在ah! Hiông-hiông感覺ka-tī gín-á時ê記tì mā hông thiah掉--去! 是án-chóaⁿ美好ê tāi-chì總--是bē久長? 庄腳ê老大人kám m̄是siōng惜情--ê? 舊厝無--去-a, 相信惜情ê lí心內一定mā chiâⁿ無奈ho͘ⁿh! Góa南部厝--nih ê相簿內底, iáu有1張lán大hàn了後tī lín tau poa̍t-á樹腳hip ê相片, góa ē好好á珍惜chit張有lín tau舊厝做背景ê相片.
高中出業了後, lán分頭行tī人生另外ê階段, chiok長ê時間sui-bóng無chia̍p見面, 總--是ē-tàng ùi sī大人hia知影互相ê狀況. 了後1段時間, lí選擇tńg去故鄉chia̍h頭路, koh來結婚, 生kiáⁿ, ah góa去到熱帶ê南部, tī hia建立ka-tī ê家庭. 互相làng hiah hn̄g, 見面ê機會koh-khah chió--a, lán ká-ná m̄-bat特別beh約見面, m̄-koh piān-nā tńg宜蘭, 經過lín tau, góa lóng ē kā腳步停--落-來, 看māi-á lí ê車有tī--leh-無? Iah是入去問1聲:「A婆, A如有tńg--來-無?」有tang時á lán tú好tú--tio̍h, tō thang káng--chi̍t-ē, che是kiàn-pái經過lín tau, góa無變ê koàn-sì.
時間teh過chiâⁿ緊, lán 2 ê lóng已經是「前中年」ê o͘-bá-sáng--a, 前kúi年á身體mā lóng有出chi̍t-kóa狀況, lán koh輪流chiūⁿ手術台修理--過. 天公伯--á對lán有影公平, 連破病mā無例外, kiám-chhái天公伯--á beh hō͘ lán輪流經過1場人生ê生苦病疼, thang hō͘ lán koh-khah ē-tàng互相支持tàu-tīn度過人生ê khó流.
現代人已經無kah意讀siuⁿ長ê文章, 是講30 kúi冬ê感情, 顛倒感覺寫kah siuⁿ chió, chhun--ê tō留hō͘ lí來補!
永遠ê厝邊同學 A鳳2013.12.12
相信嗎？我們已相識超過37個年頭了，能跟你成為小學、國中、高中同學，真是有莫大的緣份和福份。你和你的家人，是我認識過最善良最溫和的家庭，你幾乎遺傳你媽媽，有最溫馴的個性和最善良的心。謝謝你，總是聽我喋喋不休，高談闊論。謝謝你，上國中、高中後，每天還來家裡等我，有時我睡過頭，只聽到老媽在樓下樓梯口叫一聲：「阿鳳，阿如來阿！」我就像被電到一樣，即刻翻下床，穿好制服，然後一起騎單車一起上學，就這樣我們一起騎了六年單車時光。
記得小一的時候，有一次你買了一條吹泡泡(細長膏狀)，你很慷慨地借我吹，但是我卻很故意地把整瓶都擠出來，一旁的你整個愣住，都快哭出來了，但我卻還很得意地使勁吃奶的力量，漲紅了臉要幫你吹一個大泡泡，只是泡泡吹一半就破了，你很生氣轉身就跑進教室，當時我知道自己闖禍了，卻也不知如何善後。直到放學走路隊回家，要經過你們家竹林後面的田間農路，遠遠就看見你媽媽把正在啜泣的你抱在胳膊上，等著我走過去，然後你媽媽說：「阮秀如身體無好，你不要欺負我們秀如......」聽到你媽媽站在綠色的竹林下隔著一片金黃稻田跟我喊話，我把頭壓得好低好低，都不敢抬頭看你和你媽媽，只顧低著頭快步走過，逕自讓你媽媽的聲音遺落在我的身後，等聲音漸漸遠去，然後我頭也不回地跑回家。雖然你媽媽罵人跟哄小孩的聲音是一樣的輕柔，一點都兇不起來，但是我真的有震撼到，而後我人生中不曾再欺負弱小，人生沒走偏差，或許還真要感謝你媽媽當初的溫柔喊話呢！
雖然有上述吹泡泡事件，但是我們整個小學時代幾乎都是膩在一起，原因是你太好欺負(低頭懺悔中)。當時低年級讀半天，放學後，吃完午飯我就會飛奔到你家寫功課，每天準時到你家報到，你阿嬤看到我就會喊：「阿如，玉鳳來找你啊！」那時我每天都在你們家進進出出，自在又愉快，像個不受約束的野孩子。童年記憶裡，都是我去你們家找你玩，你幾乎沒到過我家。奇怪，我這樣一個有點亞斯伯格症的小孩，怎會跟一個有點肯納症的小孩玩得起來？而且還玩得很融洽，一直玩到現在，徹底打破「物以類聚」這句話了。
小時候，你文靜瘦弱，但你好會畫塑膠墊板上的卡通人物，三隻小豬、小英的故事、龍龍與忠狗、小甜甜和安東尼，紙娃娃你都能自己畫，然後再拿著這些自製的紙娃娃，扮起甜蜜的家家酒。我們也常常趴在你們家的埕，撿拾紅色小磚頭敲落的碎片，兩個小鬼頭就認真地在水泥地上畫起各式的圖案。有時我們也玩捉迷藏，嬉戲追逐在你們家的大竹圍、芭樂樹、蓮霧樹，和那口可以一起打水戰的水井，總之你的老家每個角落都有我們兒時玩樂的足跡。
不捨的是，今年2013年秋天，你用Line傳給我你老家被怪手夷為一堆瓦礫的消息，你還告訴我說：你撿拾了一塊老家的屋瓦做紀念。我回你說：那是我們充滿童年回憶的地方啊！頓時覺得我童年的回憶也同時被埋葬了！為什麼美好的事物總不長久？鄉下老人家不是最念舊的嗎？老家不見了，相信惜情的你內心一定也很無奈吧！我南部家裡的相簿裡，還有一張我們長大後在你們家芭樂樹下的合影，我會好好珍藏這張有你們老家當背景的照片。
高中畢業後，我們各自踏上人生另一段旅程，好長時間雖然不常見面，卻還是能從父母口中知道彼此的狀況。而後一段時間，你選擇回到故鄉就業，然後結婚，生子，而我漂流到了熱帶的南方，在那建立起我自己的家庭。有了距離的阻隔，見面的機會更少了，我們幾乎沒有刻意約見面過，但是每次返回宜蘭，路過你的老家，總會停一下腳步，瞄一眼你車子在嗎？或進門問一聲：「阿婆，阿如有轉來無？」有時巧遇，總能聊上好一會兒，這是經過你家，我不變的習慣。
時光輾轉，很快我倆都已是步入「前中年」的歐巴桑了，身體幾年前也都出過一些狀況，咱們還輪流上過手術檯大修過。老天爺對我們真是公平，連生病都不例外，或許老天爺讓我們輪流都經過一場人生的生苦病疼，好讓我們彼此更能相互支持一起度過人生的低潮。
現代人已不喜歡讀文字太長的文章，但是30幾年的情誼，反而覺得寫太少了，留下的篇幅，就讓你補足吧！
永遠的鄰居同學 阿鳳2013.12.12
──《TGB通訊》第172期(2014/1)
留言列表
