今年(2007) 11月第二次開了三個小時的山路，再度造訪新竹深山裡的泰雅部落──司馬庫斯(Smangus)。
山路由於受到今年夏天颱風的肆虐，有多處坍方，至今仍在修復中，行駛在山路上，非常顛簸難行也很危險。由於是星期日上山，遇到的都是要下山返回平地的旅客，讓我不敢相信的是，途中遇到了八台下山的十幾人座小巴士在崎嶇的山路上迂迴而行。由於山上的民宿假日都客滿，心裡想小小的深山部落，每個假日的夜裡，都有如平地夜市裡的人聲鼎沸，慶幸自己不會遇見這樣的景況。
星期日晚上只有四十人的旅遊團體進駐，夜裡還算安靜，因為旅客被分散住宿於散佈部落不同位置的小木屋裡，氣候也比平地低了十幾度，所有旅人都早早就寢，儲備體力為了明早要走幾小時的山路去看神木。
星期一早晨，登山客都已早早出發了。溫暖的陽光驅走了一夜的寒冷，深藍的天空襯著四周環繞的青山，山谷下的塔克金溪傳來潺潺的溪水聲，教堂旁學校裡8個小學生、3個老師已傳來上課讀書聲。族人也在忙碌的週末後，展開屬於自己的勞動生活──婦女在餐廳、小木屋裡忙著；雜貨店裡的bnkis(老人家)一邊顧店一邊看著電視；門口一個年輕的yaya(媽媽)顧著六個學齡前的小孩在曬太陽，她就像是Smangus幼稚園園長。
走在部落主要的水泥路上，遇見部落裡幾個年輕的yaba(爸爸)，大家精神抖擻地互道早安，看著他們背著除草機有說有笑，迎著朝陽、踩著落葉，緩緩地往山裡走去。路旁滿山遍野的蘆葦花在陽光下，閃閃發亮隨風搖曳，美麗的Smangus。
其實Smangus真正吸引我的地方，不是山上明媚的風光，也不是深山裡的千年神木群，而是族人一起勞動、一起共享、一起運作組織的「共產生活」，這是旅遊網站及搜尋有關Smangus相關訊息不會提及也看不到的重點。為什麼在21世紀，他們在資本主義駕馭的思考行為模式下，還能保有部落傳統的生活運作組織模式？
在這個海拔1,500公尺的部落，1979年才有電力(比蘭嶼還晚)，過去被登山客稱為「黑色部落」；1991年距離部落腳程數小時的森林裡的神木群曝光，部落才有了「可利用」的價值──觀光商業價值，於是開始開路，為了讓平地與部落間車輛可以通行，終於在1995年底山路開通，族人也可以不用背著重物跋涉四小時，過塔金克溪到溪谷對面的新光部落才能對外聯繫，於是Smangus被看見了。
如果按照台灣各地觀光發展的模式，哪個地方有了賣點，當地政府配合商人開始「有效的開發(破壞?)」，然後整個當地的地景、地貌甚至風土民情，便開始走樣、走味、變調，譬如北橫上的拉拉山，又如中橫的東埔、盧山，又如靠近城市「開發很早」的烏來及最有「觀光情調」的夜市墾丁，以及這幾年財團青睞的日月潭開發，都如出一撤。雖然比起來 Smangus是個小部落，目前部落共28戶154人，但卻是有特色的泰雅部落，在那些商業嗅覺敏銳的商人眼裡，也是垂涎的商機。
為什麼Smangus沒有走如此「被開發」的老模式呢？
由於部落與所謂的「文明世界」接觸較遲，族人的向心力仍維持著舊有部落的傳統，對外來的入侵也有一定的警覺和防衛，在台灣多數有觀光資源帶來收益的原住民部落，其收益大都被漢人及財團給獨占。
神木的商機出現後，Smangus不允許任何外來者在部落內從事商業經營及土地買賣承租，部落有「共同生活組織公約」約束族人，部落共同經營所有民宿小木屋，還有種植果樹、竹林、蔬菜、小米，所有收入盈餘由族人共享，族人各司其職，每月領取薪水，孩子到外地上學的學雜費及生活費，國中、高中、大專學生，部落完全負擔費用。族人藉由共同經營、共同參與、共同分享的模式，在山上自給自足地生活。
神木是祖先對部落的祝福，看到活潑可愛的小孩、勤奮工作的年輕人、有尊嚴的老人家，這是個有願景的泰雅部落，願聖山Papakwaga永遠守護Samangus。
今年11--月第2 pái駛3點鐘久ê山路, koh去到新竹深山林內ê Tayal部落----Smangus.
今年jo̍ah--人ê風颱雨, kā山路sià kah chiah崩hia崩, 到taⁿ路iáu-bōe修理好, tī chit-lō山路駛車, 真thiám mā真危險. 因為是禮拜chiūⁿ山, tú--tio̍h-ê lóng是beh落山tńg平地ê觀光客, hō͘ góa m̄敢相信--ê是, 路--nih tú-tio̍h 8台落山ê 10 kúi人座小型bá-suh, tī山路彎來oat去. 山頂ê『民宿』hioh-khùn日lóng客滿, 心內想講chit-ê無jōa大ê深山部落, ta̍k ê hioh-khùn日ê暗時, lóng bē-su是lāu-jia̍t滾滾ê平地夜市á, 真ka-chài ka-tī bē tú-tio̍h chit款情形.
禮拜暗時kan-taⁿ有40人ê觀光團體留tī chia, 暗時iáu算tiām靜, 因為觀光客hông分散tòa tī部落無kāng所在ê柴厝á, 天氣mā比平地kē 10外度, 觀光客lóng早早tō去khùn, khùn有飽眠bîn-á-chài透早chiah有khùi力行kúi-lō點鐘ê山路去看神木.
拜1透早, peh山ê人真早tō出發--a. 溫暖ê日頭kā kui暝ê kôaⁿ氣趕了了, khòng色ê天, 4 pêng邊青lèng-lèng ê山, 山坎ē-kha ê Tarkerking溪傳來水流聲, 教堂邊ê學校有8 ê學生 kap 3 ê老師, in已經teh上課--a. 無閒chhih-chhah ê hioh-khùn日過了, 部落ê人mā tńg去原底ê勞動生活──cha-bó͘人tī餐廳kap柴厝á teh無閒; kám-á店ê bnkis ná顧店ná teh看電視; 門kha口1 ê少年yaya chhōa 6 ê iáu-bōe到讀冊年歲ê gín-á teh pha̍k日頭, i tō ná像是Smangus幼稚園ê園長.
行tī部落主要ê âng-mn̂g-thô͘路, tú-tio̍h部落內底kúi-ê少年yaba, ta̍k-ê真有精神互相ai-sat-chuh, 看in phāiⁿ除草機有講有笑, 日頭pha̍k tī身軀頂, kha踏kui thô͘-kha ê葉á, ta̍uh-ta̍uh-á行ǹg山--nih去. 路邊滿山phiâⁿ ê koaⁿ-bâng花, tī日頭kha hō͘風吹kah bî-bî-á hàiⁿ, Smangus有夠súi!
其實Smangus真正siâⁿ--人ê所在, m̄是山頂ê súi光景, mā m̄是深山林內chiâⁿ千冬ê神木, 是部落ê人tàu-tīn勞動, chò-hóe分享, 共同運作組織ê「共產生活」, che是旅遊網站kap網路頂有關Smangus ê資料看bē-tio̍h--ê. 是án-chóaⁿ tī 21世紀, tī資本主義統治ê思考行為模式, in iáu ē-sái保持部落傳統ê生活hām運作組織ê模式?
Tī chit-ê 1,500米kôan ê部落, 1979年chiah有電(比紅頭嶼koh-khah òaⁿ), éng-chūn peh山ê人kā號做「烏色部落」; 1991年離部落行路kúi-nā點鐘hn̄g ê樹林內底ê神木hông發現, 部落chiah有「ē-tàng利用」ê價值──觀光商業價值, choaⁿ-á開始開路, 為tio̍h hō͘平地kap部落車ē通, 山路總算tī 1995年底通車, 部落ê人mā ē-sái免koh phāiⁿ mi̍h-á行4點鐘久, 過Tarkerking溪到溪坎對面ê新光部落chiah有法tō͘對外聯繫, Smangus chiah開始hông「看--tio̍h」.
若照台灣ta̍k所在觀光發展ê模式, toh 1位有消費價值, 政府tō ē配合seng-lí人開始「有效ê開發(破壞?)」, koh來在地ê光景甚至風土民情, tō ē開始cháu-cheng, 像北橫ê拉拉山, 中橫ê東埔hām盧山, koh有óa近都市「真早開發」ê烏來, kap siōng有「觀光情調」ê墾丁夜市á, iah是chit kúi冬財團báu--去ê日月潭開發, lóng kāng款ê情形. Sui-bóng比較--起-來, Smangus無kài大, 目前部落lóng總有28戶154人, m̄-koh是chiok有特色ê Tayal部落, tī hiah-ê seng-lí人看--來, chiok有觀光資源ê利益.
是án-chóaⁿ Smangus無行tùi hit款「hông開發」ê舊模式--leh?
部落kap所謂ê「文明世界」接觸khah òaⁿ, 部落--nih ta̍k-ê iáu真團結, 部落ê傳統iáu維持tiâu--leh, 對外來ê侵入mā有一定ê警覺kap防衛, tī台灣大多數有觀光資源利益ê原住民部落, 利益差不多lóng hō͘漢人kap財團佔--去.
神木ê觀光資源出現了後, Smangus無允準外來者tiàm部落做seng-lí iah是買賣土地, 部落有訂「共同生活組織公約」來互相約束, 部落共同經營所有ê『民宿』, mā種kóe-chí, 竹林, 菜蔬, 小米, 所有收入部落chò-hóe分享, ta̍k人分工choh-sit, ta̍k月日領薪水, gín-á去外地讀冊ê學費kap生活所費, 國中, 高中hām大學學生ê費用, 部落總負擔. 部落用chit款共同經營, tàu-tīn參與, chò-hóe分享ê模式, tī山頂過ka-tī ê生活.
神木是祖先hō͘部落ê祝福, 看tio̍h活跳kó͘-chui ê gín-á, phah-piàⁿ做khang-khòe ê少年人, 有尊嚴ê老歲á人, che是有希望ê Tayal部落, ǹg望聖山Papakwaga永遠守護Smangus.
留言列表
