民進黨又要搞公投了！為了2008年中華民國的總統選舉想多拉一些所謂的本土派的票，民進黨計畫再搞一次不倫不類的公投，簡稱「廢話公投」。我之所以說「以台灣名稱加入聯合國」的公投是不倫不類的廢話公投，理由如下：
台灣的黑道財源收入管道有很多種，有包娼、包賭、包工程、走私、販毒等等數不完的方法，其中有一種是開賭場賺抽頭，但這必須是有人來賭的情況下，才有抽頭可賺。如果來賭場的人不多，那賭場怎麼生存？簡單，押人來賭。黑道地方勢力都知道在村裡誰開工廠賺錢，誰做生意一帆風順，誰又是土財主暴發戶，賭場開張後都會找這些人來捧場。邀請你是給你面子，乖乖來的，評估你的能力給你三五百萬額度，輸完額度才能走；邀請不來的，是給臉不要臉，往往額度無上限，許多一夜敗光家產的多屬此類。在殖民體制下的台灣警察，往往也都是賭場股東，輸光了報案沒用，只能跑路離鄉重新開始或是一死了之。除非你能展現比他們更大的勢力(黑或白都可以)。想要在黑道的賭場裡贏回輸去的是不可能的事。
民進黨所推的公投就像是想在黑道開設的賭場贏錢，如果勢力夠(台灣人的建國意識)，那就直接宣佈建立台灣國就好了嘛；如果台灣人的建國意識還不足，那幹嘛公投？而且還是跟黑道(1945年後來的殖民集團及其後代)公投，這樣的公投不是不倫不類是什麼？不是廢話公投是什麼？想建立台灣國，只有先瓦解中華民國體制後，由台灣人決定自己的社會制度及資源分配方式的公投，才是我們需要的。2008年在黑道的賭場辦的廢話公投台灣輸定了，民進黨不損一分一毫，拿台灣人的拳頭揍石獅，痛的是我們，殘廢的也是我們。
許多人常會問為什麼這麼努力支持民進黨還無法建國？難道是努力不夠嗎？其實不是的，是努力方向錯誤了。民進黨根本不是台獨黨，之所以會被台灣人誤以為他們是台獨黨，是因為民進黨的「吳樂天現象」所造成的。
廣播名人吳樂天，以廣播劇傳奇人物廖添丁縱橫台灣廣播界數十年。故事主角廖添丁殺壞人無數，當然壞人也不斷出現新的，廖添丁也一再遭遇苦難，但總又能化險為安，反正就是壞人死不完，好人死不了，但是目標要推翻日本人也達不到。講到沒什麼好講了就放錄音帶重播，聽眾也不在意，因為聽眾要的是說故事的精彩過程而不是結局。吳樂天的廣播錄音開始常有這樣的一段自嘲：「講添丁說添丁，添丁說不盡。」又說：有聽眾問他怎麼講那麼多年都講不完，吳樂天自答：「講完就沒頭路了。」說完又自笑了起來。
民進黨跟吳樂天一樣，吳樂天把說廖添丁的傳奇當工具，目的是要聽眾聽廣播後對他有信任，進而買他所推薦的藥品回去吃，廖添丁有沒有結局不重要。民進黨也把台獨建國當成獲取選票的工具，建國有沒有達成也不重要，重點是要在選舉缺票缺錢時不斷的講台獨，因為他們知道台灣人愛聽，聽到爽了，鈔票和選票就會進來。
吳樂天是生意人，聽眾可以接受他把廖添丁當工具一直重播，反正是娛樂，聽眾沒什麼損失。但是不願後代子孫繼續受中華民國殖民體制統治，以建立台灣國為目標的台灣人，怎麼可以再掉入民進黨的「吳樂天現象」，去支持把獨立建國當故事不斷重播的民進黨呢？看到這裡你還要去投他們的話，那別再說你是獨派，你只是把台獨口號當流行娛樂的追星族罷了。
民進黨koh beh辦公投--a! 為tio̍h 2008年中華民國ê總統選舉想beh ke giú kóa所謂ê本土票, 民進黨計畫beh koh bú 1 pái不三不四ê公投, 簡單講tō是「廢話公投」. 是án-chóaⁿ góa ē講「用台灣名義加入聯合國」ê公投是不三不四ê廢話公投?
台灣烏道ê財源有開cha-bó͘-keng, 開kiáu-keng, 包工程, 走私, 賣毒chē-chē管道, 其中1種是開kiáu-keng khioh-tōng-á, m̄-koh tio̍h-ài有人來po̍ah chiah有tōng-á thang好khioh. 來po̍ah ê人若無chē, kiáu-keng是beh án-chóaⁿ生存? 簡單, 押人來po̍ah. 烏道ê地方勢力lóng知iáⁿ tī庄內siáⁿ人開工場thàn-chîⁿ, siáⁿ人做seng-lí好過, siáⁿ人是土財主好額人, kiáu-keng開--落lóng ē chhōe chiah-ê人來phâng場. 邀請lí是hō͘ lí面子, 乖乖á來--ê, 評估lí ê能力hō͘ lí 3~5百萬ê額度, 額度輸了chiah ē-tàng走; 邀請m̄來--ê, 是hō͘ lí面子lí無ài, 往往額度無限制, chiâⁿ chē 1暝敗了ke-hóe--ê tō是chit款. Tī殖民體制ê台灣警察, 往往mā是kiáu-keng股東, lí若輸了報案無lō͘用, kan-taⁿ ē-tàng走路重頭來iah是死死--ê khah kui-khì. 若無, lí tio̍h-ài有phēng in koh khah大ê勢力(烏白lóng ē-sái). 想beh tī烏道ê kiáu-keng kā輸--去-ê贏--tńg-來, nah有可能!
民進黨sak ê公投tō ná siàu想beh tī烏道開ê kiáu-keng贏kiáu, 若bá-kuh有夠chāi(台灣人ê建國意識), 直接宣佈建立台灣國tō好--a; 若台灣人ê建國意識iáu無夠, 辦公投beh chhòng siáⁿ? Koh是beh kap烏道(1945年了後來ê殖民集團kap in ê後代)公投, chit款公投m̄是不三不四無是siáⁿ? M̄是廢話公投無是siáⁿ? Beh建立台灣國, tio̍h先瓦解中華民國體制, koh來台灣人ka-tī決定社會制度kap資源分配方式ê公投, chiah是lán需要--ê. 2008年tī烏道ê kiáu-keng辦ê廢話公投, 台灣穩輸無贏, 民進黨siáⁿ to無損失, the̍h台灣人ê拳頭母cheng石獅, 疼--ê是lán, 破相--ê mā是lán.
Chiâⁿ chē人chhiâng-chāi ē問講是án-chóaⁿ chiah-nī phah拚支持民進黨iáu無法tō͘建國? Kám講是iáu無夠phah拚? M̄是, 是phah拚ê方向têng-tâⁿ--去. 民進黨m̄是台獨黨, ē hō͘台灣人kioh是in是台獨黨, 是民進黨ê「吳樂天現象」造chiâⁿ--ê.
出名ê廣播人吳樂天, 靠廣播劇傳奇人物廖添丁tī台灣廣播界行踏kúi-nā 10冬. 故事ê主角廖添丁thâi chiâⁿ chē pháiⁿ人, 當然新ê pháiⁿ人一直koh bùn--出-來, 廖添丁mā一直tú tio̍h困境, m̄-koh總--是ē-tàng順利化解, 橫直tō是pháiⁿ人死bē了, 好人bē死, m̄-koh目標beh推翻日本人mā做bē到. 講到無siáⁿ thang好講--a tō放錄音帶重播, 聽眾mā無要緊, 因為聽眾beh ài--ê是講故事ê精彩過程m̄是結局. 吳樂天ê廣播錄音開始tiāⁿ ē án-ne講:「講添丁說添丁, 添丁說不盡.」Koh講: 有聽眾問i nah ē chiah chē冬--a koh講bē soah, 吳樂天應講:「講soah tō無頭路--a.」講了ka-tī koh笑--出-來.
民進黨tō kap吳樂天kāng款, 吳樂天kā講廖添丁傳奇當做工具, 目的是beh ài聽眾聽廣播了後對i有信任, 續--落-來買i推薦ê藥á tńg去chia̍h, 廖添丁有結局iah無無重要. 民進黨mā kā台獨建國當做得tio̍h選票ê工具, 建國有實現iah無mā無重要, 重點是ài tī選舉欠票欠chîⁿ ê時不斷講台獨, 因為in知iáⁿ台灣人愛聽, 聽kah ē爽, chîⁿ kap選票tō ē入--來.
吳樂天是seng-lí人, 聽眾ē-sái接受i kā廖添丁當做工具一直重播, 橫直是娛樂, 聽眾無siáⁿ損失. M̄-koh m̄願後代kiáⁿ孫koh繼續hō͘中華民國殖民體制統治, beh kā起造台灣國做目標ê台灣人, nah ē-sái koh lak入去民進黨ê「吳樂天現象」, 去支持kā獨立建國當做故事不斷重播ê民進黨--leh? 看到chia, lí若koh beh去tǹg票hō͘ in, án-ne tō mài koh講ka-tī是獨派, chit款--ê kan-taⁿ是kā台獨口號當做流行娛樂ê『追星族』nā-niā.
留言列表
