常常若想到這個社會缺乏是非與希望，心裡就很不快樂，然而鬱卒、怨嘆有何用？想要有是非，就須先問自己，在生活裡、在工作上，自己認定的是非和原則，自己做得到嗎？
回想在工作場，在管理與被管理這種不對等的關係下，被交代的工作若與自己信念有所衝突時，敢明確地表示意見和態度嗎？若沒有堅持或沒有表示，為了職務的立場去執行時，心境是無奈？是吞忍？是軟弱？是麻痺？或是在等待著機會去轉變？
遇到須選擇立場時，仍然會猶豫，心裡考慮的是什麼？考慮利害得失？儘量閃躲，免得與人徒生糾葛？不要那麼計較，日子會比較好過？知道無法改變事情的發展，就乾脆保持沉默以免惹麻煩？會合理化自己的妥協嗎？什麼事能夠妥協讓步？什麼不行呢？
同事遭遇不平，或訴說他們的不滿和委屈時，真的懂得去聽，去理解他們的想法和感受，也去了解問題的源頭嗎？聽完就算了，反正事不關己？別人遭遇不平若沉默接受，我們應替人出頭嗎？能敏感地觀察事情的變化，並於必要時表示態度嗎？
在工作場，會為了要得到他人的接受和重視，來轉移立場嗎？遇衝突或爭論時，對頭家和上司用一種方式，對同事又用另外一種方式，這是不是投機？是不是為了避免得罪人？是不是抹壁雙面光，逃離暴風圈，換得更好的生存空間？是不是不願和人糾纏？或者是有警醒、有意識地在尋求更為妥當的處理方式？爭取更合理的結局？
遇到麻煩事，會急於跳離，不願花費力氣在那些有孔無榫的事上面？意識到自己的吞忍與懦弱，或捲入反彈的情緒，能誠實地接受自己心念的變化嗎？或是自認很行，不願承認自己有那樣的心思？
在生活裡、在工作場，觀察到自己的心念轉折，就能夠看到自己的不足，敢面對自己的心念，承認並接受自己的不足，才是改變社會的開始。不然，自認人應該活成什麼樣子，卻沒有這樣自我要求，那麼怨嘆有何用？
Tiāⁿ-tiāⁿ若想tio̍h chit-ê社會欠缺是非kap希望, 心肝頭tō ē chiâⁿ bē爽, m̄-koh ut-chut怨嘆有siáⁿ lō͘-ēng--leh? Beh有是非, tio̍h-ài先問ka-tī, tī生活--nih, tī khang-khòe場, ka-tī認定ê是非hām原則, kám做ē到?
回想tī khang-khòe場, tī管理kap被管理chit款無對等ê關係--nih, 若hông交帶ê事工kap ka-tī信念有衝突ê時, kám敢真明確表示意見hām態度? 若無堅持iah是無表示, 為tio̍h職務ê立場去執行ê時, 心境是無奈? 是吞忍? 是nńg-chiáⁿ? 是麻痺? Iah是teh thèng-hāu機會去kā tńg-se̍h?
Tú-tio̍h ài選擇立場ê時, iû-gôan ē tiû-tû, 心肝底考慮--ê是siáⁿ? 考慮利害關係? Khah tiām--leh khah無báng? Mài計較hiah chē m̄是khah好過日? 知影無法tō͘改變tāi-chì ê發展, tō kui-khì tiām-tiām khah mài惹麻煩? Kám ē kā ka-tī ê妥協合理化? Siáⁿ-mih ē-tàng妥協讓步? Siáⁿ-mih bē-tàng?
同事tú-tio̍h不平, iah是teh kā lán講in ê不滿hām委屈ê時, kám正經ē-hiáu聽, 有beh理解人ê想法hām感受, mā去了解問題ê源頭? Kám ē聽了tō準soah, 橫直he kap lán無tī-tāi? 別人ê不平, 人nah kek-tiām-tiām, lán kám tio̍h ke-pô替人出頭? Kám ē-tàng真敏感來觀察tāi-chì ê變化, tī必要ê時chūn表示態度?
Tī khang-khòe場, kám ē為tio̍h beh hō͘人接受kap重視, 來kā立場sóa tín動? Tú-tio̍h有衝突iah是爭論ê時, 對頭家kap頂司用1種方式, 對同事koh用另外1種方式, che是m̄是投機? 是m̄是驚得失--人? 是m̄是siàu想ē-tàng抹壁雙面光, thang得tio̍h koh-khah大ê生存空間? 是m̄是為tio̍h無愛kap人a-ḿ a-peh? Iah是有警醒, 有意識teh chhiâu-chhek khah妥當ê處理方式? 爭取koh-khah合理ê結局?
Tú-tio̍h hùi-khì-tāi, kám ē緊beh póe hō͘ lī, 無愛了khùi力tī hit款有khang無sún ê tāi-chì? 若tì覺tio̍h ka-tī吞忍nńg-chiáⁿ, iah是ká落去倒彈ê情緒, kám敢誠懇面對ka-tī心念ê變化? Iah是當做ka-tī真gâu, m̄願承認ka-tī hit款ê心思?
Tī生活--nih, tī khang-khòe場, 若有夠清醒來觀察ka-tī ê心念變化, tō ē看tio̍h ka-tī ê不足, 敢面對ka-tī ê心念, 承認mā接受ka-tī ê不足, chiah是改變社會ê開始. 若無, ka-tī認為人應該活kah siáⁿ-mih形, ka-tī soah做bē到, án-ne怨嘆有siáⁿ lō͘-ēng?
留言列表
