了解歷史，能夠讓我們從前人走過的經驗裡, 看到我們目前面對的狀況和接續的趨勢。讀SPD(德國社會民主黨)發展史，好像看到台灣這20年來向中華民國體制妥協和投降的影子。
1869年成立的SPD，起初很明確是個革命黨，要推翻德意志帝國，消滅階級統治，爭取勞動階級的解放。實際上卻為了爭取選票及國會的多數席次以執政，變成放棄革命、信念與群眾的選舉黨。
面對黨內死硬的「革命派」，選舉派嘴裡喊出「修正主義」和「改良主義」，主張應放棄「革命」, 以「體制內改革」的「合法」鬥爭，取得國會多數和執政的機會。「修正」與「轉型」的結果，黨最終得到執政權，黨官僚集團在黨內排除革命派，並壓制群眾的自主性，控制了黨發展的方向。
第一次世界大戰後，幾乎崩解的德意志帝國體制和統治集團，卻被執政的SPD挽救起來。SPD的黨官僚政客不但壓制進步自主的勞動階級群眾運動，還勾結舊軍人，鎮壓革命派，殘殺左派同志，踏在革命同志的屍體上當上了新德國的總統。後來SPD政府的無能，更造就了希特勒納粹奪權的大悲劇。
當時革命派羅莎‧盧森堡一再批判「轉型」的SPD投機頭人，為了個人的利益及權力，把群眾運動當做一把刀子，需要時拿出來，群眾運動若超出他們的控制或威脅到他們的利益，他們就把刀子收進口袋裡，禁止別人使用。盧森堡強調，實現信念的保證不在議壇，不是選票和席次，而是革命的群眾，是群眾的覺悟與組織程度；最終解決問題是在街頭！她批判說，主導黨方向的政客和黨內幹部變成了黨官僚，進步的基層勞動階級被黨官僚貶為沒有判斷力的群眾，壓迫群眾必須服從黨官僚的決定和要求；被壓迫階級的政治鬥爭，實際上被縮成了議會鬥爭，被壓迫階級的革命黨，也成了維護體制的小資產階級投機黨！
SPD原本是代表被壓迫階級的革命黨，SPD原本要消滅德意志帝國統治集團，後來為了執政和選票，為了取得統治集團的信任，「修正」黨的路線方向，改走向體制內改革，目的與手段倒置，進步的信念和行動都變為成就黨官僚利益的棋子。
這個過程中，SPD政客、官僚為了執政，「修正」路線也許是嘗試可能的選擇，然而原本該推翻的統治階級和優勢階層反而更加穩固，被壓迫的勞動階級注定要被犧牲，因為他們本來就是投機的選舉黨拿去和舊勢力交換利益的籌碼。
拿SPD「修正」與「轉型」的過程來看台灣，是不是似曾相識呢？
了解歷史, ē-tàng hō͘ lán ùi過去人行--過ê經驗--nih, 看tio̍h lán chit-má面對ê狀況kap續接ê趨勢. 讀SPD(德國社會民主黨)發展ê歷史, ná像看tio̍h台灣chit 20冬來向中華民國體制妥協kap投降ê hō-jiah.
1869年成立ê SPD, chhím頭á真明確是1 ê革命黨, beh kā德國帝國政府ián hō͘倒, 消滅階級統治, 爭取勞動階級ê tháu-pàng. 實際上soah為tio̍h爭取選票kap國會ê多數席次thang執政, pìⁿ做放棄革命, 信念kap群眾ê選舉黨.
面對黨內死硬ê「革命派」, 選舉派嘴hoah「修正主義」kap「改良主義」, 主張ài放棄「革命」, 用「體制內改革」ê「合法」鬥爭, 爭取國會多數kap執政ê機會.「修正」hām「轉型」ê結果, 黨終其尾sa-tio̍h執政權, 黨官僚集團tī黨內排除革命派, 壓制群眾ê自主性, kā黨發展ê方向la̍k-ân-ân.
第一次世界大戰了後, kiōng-beh崩盤ê德國帝國體制kap統治集團, soah hō͘ sa-tio̍h執政權ê SPD救活--起-來. SPD ê黨官僚政客m̄-tāⁿ壓制進步自主ê勞動階級群眾運動, koh勾結舊軍人, 鎮壓革命派, kā左派同志thâi-thâi--死, 踏tī革命同志ê死體頂á chiâⁿ-chò新德國ê總統. Lō͘尾SPD政府ê無能, soah造chiâⁿ Hitler fascism奪權ê大悲劇.
Hit tang-chūn革命派Rosa Luxemburg一直批判「轉型」ê SPD投機頭人, 為tio̍h個人ê利益kap權力, kā群眾運動當做1支刀á, beh用ê時tō giâ--出-來, 群眾運動若脫出in ê控制, iah是威脅tio̍h in ê利益, in tō kā刀á收tiàm lak袋á--nih, 禁止別人使用. Luxemburg強調, 實現信念ê保證m̄是tī議會, m̄是選票kap席次, 是革命ê群眾, 是群眾ê覺悟kap組織程度; siōng尾beh解決問題是tī街頭! I批判講, 主導黨方向ê政客kap黨內幹部pìⁿ做黨官僚, 進步ê基層勞動階級hō͘黨官僚當做m̄-bat字, 無衛生兼無水準ê群眾, 壓迫群眾ài服從黨官僚ê決定kap要求; 被壓迫階級ê政治鬥爭, 實際上soah sok做議會鬥爭, 被壓迫階級ê革命黨, soah pìⁿ做teh維護體制ê小資產階級投機黨!
SPD本底是代表被壓迫階級ê革命黨, SPD本底是beh消滅德國帝國主義統治集團, lō͘尾為tio̍h執政kap選票, 為tio̍h beh得tio̍h統治集團ê信任,「修正」黨ê路線方向, 改行體制內改革, kā目的hām手段倒péng, 進步ê信念kap行動lóng pìⁿ做成就黨官僚利益ê棋jí-á.
Tī chit-ê過程--nih, SPD政客官僚為tio̍h執政權,「修正」路線hōan-sè是teh試可能ê選擇, m̄-koh本底ài ián hō͘倒ê統治階級kap優勢階層顛倒koh-khah穩固, 被壓迫ê勞動階級注定ài hông犧牲, 因為chiah-ê群眾生本tō是投機ê選舉黨kōaⁿ去kap舊勢力hoah價ê kho͘-jí-á niâ.
Kā SPD「修正」kap「轉型」ê過程the̍h來看台灣, 是m̄是beh kâng á beh kâng?
留言列表
