年初立委選舉時，每天上班走路去捷運站途中，總會看到顧面桶候選人興建淡北快速道路政見訴求的紅布條。從那時候開始我就很注意這項建設案，不過選舉後，卻不見官方對此有所動靜。
8月中，知道竹圍人組成「反淡北道路聯盟」，就自己跑去參與。那時反淡北聯盟成員每晚輪流擺連署攤位，起初我就負責每週二的攤位，廖大哥總是會來一起顧攤位兼開講。
廖大哥原本住在北投，搬來竹圍才7、8年。他很少去捷運外的溪埔綠地，那裡要蓋路不蓋路，他並不怎麼在意；不過7月時，在他那棟大樓外的廣場，每晚看黃小姐、陳小姐那麼用心在發傳單，呼籲在地人連署反對政府這個開路計畫，也從傳單上發現政府根本就亂搞，又看到那幾個小姐那麼努力在做事，他決定跳下來幫忙，8月初退休後，更是全力投入。就這樣，有活動他就一起出門，四處去發傳單、宣傳，也每晚都會到連署攤位幫忙發傳單。廖大哥是外地人，自參與反淡北聯盟至今，不僅對竹圍了解更深，也多結交到不少朋友。
有一次和陳小姐兩個跑去捷運紅樹林站對面發傳單，管區警員竟然穿防彈衣、荷槍實彈跑來開罰單。這實在太不可思議，整條路上都是建商賣房子的廣告，從未見警察開過罰單，政府要開新路，不管人民贊成或反對，開個說明會竟又怕大家去參加，而淡水四處都是鎮公所支持蓋路的紅布條，人民若反對無處發聲，竟連發送傳單都會被警察開罰單，這就是所謂「民主時代」嗎？
後來新聞有報導，縣長喊話說這條路就算違法也要在年底開工；官方雖然掌握著龐大資源和權力，10月中，鎮公所竟發動支持開路的遊行，從淡水遊行到竹圍，聲稱不能因少數人反對就不開路；聯盟裡做生意的成員，也不時有地方勢力去「關心」「勸說」。不少聯盟的參與者因此慢慢地不願公開出來活動，時間又愈來愈逼近年底，人力愈加不足，然而他們並未因此退縮。廖大哥強調說，有黑白兩道的壓力，有妻兒的心理上難免會有所顧慮，但是他的子女都已出外，自己一個人住，沒什麼好擔心的，而且也不願這樣就向惡勢力屈服。
那段期間顧攤位時，常常聽廖大哥說，淡海開發案牽涉的利益太大了，對政府來講，財團的利益當然大過我們一般人；要擋下這個開路案，成功機會雖不大，可是難道要眼睜睜地看政府就這樣把那片綠地破壞掉？既然站出來了，就算不會成功，還是要撐下去，最後即使必須抗爭也應該站出來，把我們該做的做到結束，才對自己能夠交代。
廖大哥以前在BB call工廠工作，也曾有韓國企業要挖角，不過後來手機興起，他們的技術趕不上，才改行。講到台灣現在的局面，他總是感嘆地說，過去他們那個時候，只要肯拚總是能過日，現在卻都被財團搞得大家都難過生活。台灣的勢面愈來愈糟糕，不是年輕人工作難找而已，像他退休的也不得安心過日子，雖有退休金，但哪天政府若破產，再多退休金都沒有價值。
他無奈地說，那些大財團大企業，無論是王永慶或張榮發，真的那麼會經營企業嗎？他們哪一個不是依附國民黨，靠政府扶持才發展起來的？他說，特別是經過陳雲林事件後，更可看出國民黨政府不但無能，而且仍然如過去一樣惡質，在這樣亂搞下去，幾十年前四萬換一元的歷史，年輕人應該很快就會遇到了。
以前反國民黨的街頭運動時代，他也曾參與，像520農民運動，十多年前一次把中華路的火車擋下來的示威，他也參加了。小時候住北投時，他就常聽大人提起228時，國民黨如何屠殺台灣人，也曾聽人說當時的圓山，有多少年輕人被軍隊打死。
廖大哥很憂心我們這個社會再來到底會變成怎樣？國民黨掌握整個政府，那麼鴨霸，要怎樣就怎樣；執政8年的民進黨卻也同樣無法給我們希望；無論國民黨多麼惡質，民進黨無能腐敗就是不對！若不願承認民進黨是錯的，那我們過去反國民黨是在反什麼呢？民進黨變得這樣，再靠選舉能有什麼大轉變嗎？我們的未來，也許得靠自己從頭再開始了。
就像廖大哥所說的，反對政府蓋淡北快速路，即使難以成功也應堅持下去，現在反淡北道路暫時成功了。面對台灣社會的未來，即使看不到希望，我們若不拚看看，難道要坐著等死？
年初立委選舉ê時, ta̍k工上班行路去坐電車路--nih, 總是ē看tio̍h顧面桶候選人beh起「淡北快速道路」chit-ê訴求ê紅布條. 自hit-chūn開始góa tō真注意chit項建設案, m̄-koh選舉了官方chit-ê案soah無消無息.
8月中, 知影竹圍á組織「反淡北道路聯盟」, choaⁿ-á走去參與. Hit-chūn反淡北聯盟ta̍k-ê ta̍k暗輪流顧連署ê tàⁿ-á, chhím頭á去, góa tō負責ta̍k禮拜2 ê tàⁿ-á, ta̍k禮拜廖大哥總是ē走來tī tàⁿ-á chia kap góa tàu顧兼phò-tāu.
廖大哥本底tòa北投, 搬來竹圍á chiah 7~8冬. I罕得去電車路外口ê溪埔地, hia beh起路m̄起路, kap i是無siáⁿ tī-tāi; m̄-koh 7--月ê時, tī in大樓外口ê廣場, ta̍k暗看黃小姐, 陳小姐teh pun傳單, 呼籲在地人ta̍k-ê連署來反對政府chit-ê開路計畫, 傳單the̍h--來chi̍t-ē看, soah感覺政府根本tō烏白來, koh看in cha-bó͘ gín-á人soah hiah piàⁿ勢teh走chông, i choaⁿ-á mā liâu落去tàu-kha手, 8月初退休了, koh-khah全力投入. 自án-ne人若kā招i tō行, chi̍t-sì-kè去pun傳單, giâ mài-khuh放送, mā ta̍k暗to ē來tiàm tī連署tàⁿ-á chia tàu pun傳單. 廖大哥是外地人, 自參與反淡北聯盟到taⁿ, m̄-nā對竹圍á加了解真chē, mā加se̍k-sāi真chē朋友.
有1 pái kap陳小姐2 ê招--leh去電車紅樹林站hia pun傳單, 管區--ê soah giâ chhèng koh穿防彈衣, 走來kā in開紅單. Che實在是大hàm-kó͘, kui-chōa路lóng是建商賣厝ê廣告單, a̍h m̄-bat看警察去開單, 政府beh起路, 無beh chhap人民贊成iah反對, hām開說明會to驚人知, koh淡水sì-kè mā lóng是公所支持起路ê紅布條á, 人民若反對無tè出聲, soah hām pun傳單ia̍h tio̍h ē hō͘警察來開罰單, kám講che tō是「民主時代」?
Koh來, 新聞有報講, 縣長chhiàng講chit條路準違法mā beh tī年底khai工; 官方sui-bóng掌握hiah大ê資源kap權力, 10月中, 鎮公所soah發動支持起路ê遊行, ùi淡水hia行來竹圍á chhiàng聲, koh公開講bē-tàng為tio̍h chió數人反對路tō bòai開; 聯盟內底做seng-lí ê成員, mā不時有地方勢力去kā in「關心」「苦勸」. 自án-ne來, hō͘ chi̍t-kóa參與--ê soah ta̍uh-ta̍uh-á khah無愛出--來, 時間jú來jú óa年底, kha手koh jú來jú chió, m̄-koh in iû-gôan無beh放棄. 廖大哥強調講, 有烏白2道ê壓力, 有bó͘-kiáⁿ--ê心理上加減ē有顧慮, m̄-koh i sī細lóng出外--a, ka-tī 1 ê人tòa tī chia, 無teh驚--ê, koh-khah m̄願ǹg惡勢力屈服.
Hit-chām-á顧tàⁿ-á ê時, tiāⁿ-tiāⁿ聽廖大哥teh講, 淡海開發案ê利益太大--leh, 對政府來講, 財團ê利益當然khah大過lán che一般人; beh擋chit-ê起路開發案, 成功機會sui-bóng無大, m̄-koh kám beh目chiu金金看政府án-ne kā hit-tè溪埔地破壞--去? Kah若khiā--出-來-a, 準擋bē落--來, mā是ài kheng--落-去, 到siōng尾若tio̍h抗爭mā ài khiā--出-來, kā lán該做--ê做到soah, chiah對ka-tī ē交代--得.
廖大哥古早bat tòa過做BB call ê工場, mā bat有韓國ê企業beh chhōe i去, m̄-koh lō͘尾換做手機á ê時代, in ê技術tòe bē tio̍h, i chiah改途. 講tio̍h台灣chit-má ê勢面, i總是ē感嘆講, éng-kòe in hit-ê時chūn, 若beh piàⁿ tō有, chit-má soah lóng hiah-ê財團kā lán chia̍h死死. 台灣ê勢面jú來jú bái, mài講chit-má少年--ê pháiⁿ過日, 像i退休--a mā無khah安心, sui-bóng有退休金, m̄-koh m̄知有thang chia̍h jōa久, tang時á政府若倒, 退休金khah chē to o͘-iú--去.
I chiâⁿ無奈講, hiah-ê大財團大企業, 無論是王永慶iah是張榮發, kám正經有jōa gâu? Toh 1 ê m̄是óa-hù國民黨, 靠政府扶持chiah peh--起-來-ê? I講, 特別是經過陳雲林事件了後, koh-khah ē-tàng看出國民黨政府m̄-nā無能, koh iû-gôan hiah惡質, 若koh án-ne bú--落-去, kúi 10冬前4萬換1 kho͘ ê歷史, chit-má ê少年人應該真緊tō ē tú--tio̍h-a.
早前反國民黨ê街頭運動時代, i mā chhiâng-chāi走--去, 像520農民運動, 10外冬前1 pái kā中華路ê鐵枝路擋--落-來ê示威, i mā參與有tio̍h. 細hàn tòa北投ê時, i tō tiāⁿ-tiāⁿ聽sī大講起228 ê時, 國民黨án-chóaⁿ thâi lán台灣人, mā bat聽人講圓山á hia hit-chūn hō͘軍隊phah死jōa chē少年人.
廖大哥mā真煩惱lán chit-ê社會koh來到底ē pìⁿ做siáⁿ款? 國民黨掌握kui-ê政府, chiah-nī ah-pà, hoah beh án-chóaⁿ tō án-chóaⁿ; 執政8冬ê民進黨soah mā kāng款無法度hō͘ lán有siáⁿ ǹg望; 無論國民黨jōa ah-pà, 民進黨無能腐敗tō是m̄-tio̍h! 若m̄願承認民進黨m̄-tio̍h, án-ne lán過去反國民黨是teh反siáⁿ-mih? 民進黨變kah án-ne, koh靠選舉kám有可能ē有siáⁿ大轉變? Lán未來ê出路, hōan-sè tio̍h-ài靠ka-tī ùi頭koh開始--lo͘h.
Tō ná廖大哥講--ê, 反對政府起淡北快速路, 準bē成功mā ài堅持--落-去, taⁿ反淡北道路暫時成功--a. 面對lán台灣社會ê未來, 準koh-khah看bē tio̍h ǹg望, lán若無piàⁿ看māi--leh, kám講beh目chiu金金, 坐leh等死?
留言列表
