Ta̍k冬lán-lâng 3--月ê「迎媽祖」, 已經chiâⁿ做台灣民間民俗慶典ê大tāi-chì, tī台灣ûn境割香iáu無夠, chit-má koh siáu kah tùi無神論ê中國去, beh ùi中國請關公來台灣ûn境. 先mài講據在民間利用神明連結兩岸一體ê政治操作, kan-taⁿ講kā神像kap信徒chhōa去無神論ê國家, 進行信仰ê朝聖行為, chit ê現象本身tō hàm kah有chhun.
過去台中大甲鎮瀾宮去北港朝天宮, tńg大甲路--nih經過彰化chit段, 總--是ē發生「搶轎」ê事件. Éng-kòe khah chē是地方角頭為tio̍h搶地頭來搶轎, lō͘尾soah連地方法院mā來半途「cha̍h轎」koh跪koh拜, 無論是beh求ka-tī官位jú做jú大, iah是sa媽祖保佑kap彰顯公義做藉口, 實在lóng hō͘ lán感覺siuⁿ過hàm-kó͘. 司法機關無強調獨立kap公正ê辦案精神, soah來拜神拜佛, chiah-nī迷信ê hàm-kó͘顛倒是破壞機關ê形象; 一般大眾對司法本底tō chiâⁿ無信任, 普遍認為法院有chîⁿ判生, 無chîⁿ判死, chit-má法院ê執法官cha̍h轎拜媽祖, 是beh kā人民宣示講m̄-nā ài「chîⁿ」, koh tio̍h靠chē-chē好運? 拜神chiah thang好求tio̍h好運?
法院ê hàm-kó͘開先例, 縣政府為tio̍h選舉, mā kā縣內ê媽祖廟lóng聯合--起-來, ta̍k冬辦媽祖ûn境, hō͘ koh-khah chē人nǹg轎腳, 學校koh叫學生排隊chò-hóe nǹg, 有學生nǹg過轎腳了後, 講ǹg望媽祖保庇考試ē-tàng 100分, 學校ê課本kám m̄是教lán ài phah-piàⁿ chiah有好收成? Chit-má nah ē pìⁿ做拜神nǹg轎腳來求好成績--leh?
政客利用宗教bú選舉, 教育者soah mā tòe leh khí-tâng, che是siáⁿ-mih款ê信仰? 是siáⁿ-mih款ê教育? Tī民間風俗, 若有人吊tāu自殺ē送肉粽, 表示kā lah-sap-mi̍h kap怨氣送出海, 傳說講送肉粽ê隊伍經過ê所在ē有lah-sap-khùi, khah強ngē ê庄頭tō ē要求隊伍se̍h路bē-tàng入庄, 學校mā ē宣佈叫學生hit ê時chūn m̄-thang出門, tio̍h tiàm tī厝內, 大門kap窗á mā tio̍h關hō͘ ân. 舊年有人tī道東書院內底吊tāu自殺, 道東書院tō kap鎮公所chò-hóe主辦送肉粽, 結果iáu是有庄頭ngē boài hō͘隊伍經過. 道東書院是過去ê漢學堂, 是傳授智識ê所在, chit-má soah chhōa頭teh傳播迷信.
最近國民黨ê林益世, 李朝卿kap賴素如chiah-ê人因為o͘-se案件hông收押, 交保了後第1件tāi-chì tō是hāⁿ火爐去pháiⁿ運, 犯錯kám m̄是ài檢討? Nah ē pìⁿ做teh怨嘆ka-tī無夠好運, beh緊kā pháiⁿ運勢hò͘走, kám講若求神拜佛得tio̍h好運勢, tō thèng好為非sám做?
剝削勞工, 逼勞工直直跳樓ê郭台銘, chit-má mā beh ùi中國江西請關公出來改善員工跳樓ê情形, 甚至beh請來台灣ûn境(kui-khì先去ûn i ê工場), ǹg望股票ē-tàng chiūⁿ萬點. 改善勞工ê工作環境kap福利, chiah是停止員工用性命抵抗ê方式, nah ē去寄望1 sian柴頭ang-á (金á做--ê mā kāng款) 來am-khàm ka-tī ê工場剝削勞工ê事實!
Tī過去傳統ê農業社會, 廟寺kap信仰有kho͘-óa社區ê功用, mā是民眾參與公共事務, 互相交流合作ê重要場所, chiâⁿ chē宗教活動kap儀式1代傳1代保留--落-來, 是chiâⁿ有意義ê文化傳承, m̄-koh若無去重視chit ê過程ê文化意義, kan-taⁿ teh傳播宣揚古早時代解說無法度理解ê tāi-chì ê迷信方式, 甚至轉化pìⁿ做投機, 貪財, ba̍uh利頭ê行為, tō是teh kā人pìⁿ做真bái-châi ê gōng-giàn頭.
每年農曆三月「迎媽祖」已成台灣民間的民俗盛事，台灣繞境進香還不夠，現在更瘋到無神論的中國，還要從中國帶關公到台灣繞境。先不說放任民間利用神明連結兩岸一體的政治操作，光是拿著偶像、帶著信徒到無神論的國度去進行信仰的朝聖行為，本身就是荒謬至極。
過去台中大甲鎮瀾宮到北港朝天宮，回程到彰化的這段路程總是有「搶轎」事件發生，以往多是因地方角頭為了彰顯勢力而搶轎，後來連地方法院也都來半途「截轎」跪拜，不管是企求自己官途仕運，或是藉口媽祖保佑、彰顯公義，都著實不可思議。司法機關不講求獨立、公正的辦案精神，卻以偶像崇拜、迷信的荒謬行徑汙衊機關形象；一般大眾對司法本就存在著不信賴感，普遍認為有錢判生、無錢判死，現在法院的執法官攔轎跪拜媽祖，是要向人民宣示不只是「錢」，還要靠更多的好運氣？拜神自求多福嗎？
法院荒謬行徑開了先例，縣政府為了選舉，也將縣內的媽祖廟聯合起來，每年來各縣內的媽祖遶境，讓更多人鑽轎底，學校還要學生排隊鑽轎底，有學生鑽過轎底後表示希望媽祖保佑考試能得一百分，課本裡不是教導我們努力才有收穫的嗎？怎麼現時卻變成拜神、鑽轎腳祈求好成績呢？
政客為選舉搬神弄鬼，教育人士不思端正視聽卻也跟著起舞，這是什麼樣的信仰？又是什麼樣的教育？民間習俗若有上吊自殺者會進行送肉粽的儀式，表示將穢氣及怨氣送出海，傳說送肉粽隊伍經過的地方會帶來穢氣，比較強硬的村落就會要求隊伍繞道，學校也會宣布要學生在該時段不要出門要待在家裡，且門窗要緊閉。去年道東書院有人在院內上吊自殺，道東書院就和鎮公所一起主辦送肉粽，結果還是有村落硬是不給隊伍經過。道東書院是過去的漢學堂，知識傳授的殿堂，現在卻成為迷信傳播的始作俑者。
最近國民黨的林益世、李朝卿、賴素如等人因貪汙案件被收押，被交保的第一件事就是過火爐去霉氣，犯錯不是應該檢討嗎？怎麼變成抱怨自己運氣不好，只急著去霉氣，難道求神拜佛祈得好運氣，就能為所欲為，幹盡壞事？
剝削勞工、逼得勞工頻頻跳樓的郭台銘，現在也要從江西請關公出來改善員工跳樓的情形，甚至要到台灣繞境（乾脆先去繞他的工廠算了），希望股票能上萬點。改善勞工的工作環境及福利才是停止員工拿生命抵抗的方式，怎麼會去寄望一個木頭（黃金的也一樣）偶像來掩飾自己是血汗工廠的事實。
在過去傳統的農業社會，廟宇及信仰是社區的凝聚力，更是民眾參與公共事務、互相交流合作的媒介，許多宗教活動、儀式一代傳一代保留下來，是很有意義的文化傳承，但如果不去重視這個過程的文化意義，卻只傳遞、宣揚民智未開時代解釋無法理解事物的迷信，甚至轉化成為投機、取財、牟利的膜拜行為，就是不可取的愚昧行為。
──《TGB通訊》第167期(2013/8)
留言列表
