牛奶粉有毒, 牛肉有毒, 豬肉有毒, 米有毒, 麵粉mā有毒, kui-khì講真hán tit有無毒ê chia̍h-mi̍h. 討海人出海lia̍h魚ē hông扣船甚至hông thâi, beh哭無目屎. Tī hiah-nī chē社會事件發生了後, 台灣人siōng愛問:「政府tī toh位?」Siōng愛講:「政府無能.」台灣人kám有想過ka-tī是siáng? Tī所謂ê政府ê目chiu內, 台灣人是siáⁿ-mih?
Góa kā lí講, 台灣人, lí是奴隸! Tī統治者ê面頭前, lí tō是奴隸! Lín台灣大部份人lóng tio̍h phah-piàⁿ做工生產, lín是供應chió數特定人享受ê生產工具, 統治者tī台灣自頭到尾lóng khiā tī殖民霸佔ê角度來看待台灣人, 所有kap統治者khiā chò-hóe幫贊in霸佔ê軍公教lóng知影, kan-taⁿ台灣人m̄知影.
Chit-má ê台灣人tòa大樓, 駛名牌車, 出國坐飛行機, koh有高鐵thang坐, tō kioh是ka-tī活tī文明社會, soah m̄知影ka-tī iû-goân是奴隸, iah是m̄願承認ka-tī是奴隸.
奴隸是工具, ē-sái用tō用, bē-tàng用tō hìⁿ-sak, 所以奴隸ê食品有毒是正常--ê, 統治集團無hit-lō美國時間替lí做檢驗, thai選食品ê安全. 奴隸萬不一死--去tō準tú-soah.
台灣人ah, góa講--ê chiah是真相ah! M̄願面對真相, 發生100 pái ê毒食品事件, kā政府罵100 pái, mā是無khah-choa̍h--lah!
Tī台灣, siōng毒--ê是政府, siōng烏--ê是公務員, siōng賊--ê是警察, siōng無道德--ê是老師, ah siōng白目--ê是台灣人!
毒奶粉、毒牛肉、毒豬肉、毒米、毒麵粉，乾脆說很少有不毒的食物。漁民出海抓魚會被扣船甚至被殺，求助無門。在那麼多的社會事件發生後，台灣人最喜歡問：「政府在哪裡？」最喜歡說：「政府無能。」台灣人有沒有想過自己是誰？在所謂的政府的眼裡，台灣人是什麼？
告訴你，台灣人，你是奴隸！在統治者的眼裡，你就是奴隸！你們台灣大部份人都需要努力工作生產，你們是供應少數特定人享受的生產工具，統治者在台灣從來都是站在殖民掠奪的角度來看待台灣人，所有跟統治者站在一起幫助掠奪的軍公教都知道，只有台灣人不知道。
現在的台灣人住大樓、開名車，出國坐飛機，還有高鐵可以坐，就以為自己身在文明社會，卻不知自己只是個奴隸，或者不願承認自己是奴隸。
奴隸是工具，可以用就用，不能用就丟掉，所以奴隸的食品有毒是正常的，統治集團沒有那個時間幫你做檢驗把關。奴隸死了就算了。
台灣人啊，我說的才是真相啊！不願面對真相，發生100次的毒食品，罵了100次的政府，也是沒用啦！
在台灣，最毒的是政府，最污的是公務員，最賊的是警察，最沒道德的是老師，而最瞎的是台灣人！
──《TGB通訊》第165期(2013/6)
留言列表
