這次回宜蘭休息，每天配合務農的父母規律的生活作息，體會到鄉下生活與城市生活全然不同的步調，同時也感受到家鄉因為雪隧通車後，故鄉地景遽然的變化，還有外來人口的移入所帶來群體互動所產生微妙的變化。
在家，每天清晨六點多就會有親戚鄰居來埕裡聊天。現在宜蘭水稻只有一獲，加上全部機械化操作，從育苗、插秧、收割、乾燥，全外包給別人，所以一年農忙時間加總只有短短幾週時間，農村閒閒剩餘勞動人口很多，所以時間很多，得靠聊天來打發。談話內容有一個大主題就是某某人生了什麼病，吃了誰報的藥好了，或看了哪家醫生好了，畢竟，他們都有一定歲數，而且在年輕時都是過度勞動的低階勞動人口，老了昔日勞動傷害就一一浮現，如何治療病痛成了閒話家常離不開的話題。在村子裡晃來晃去五十幾歲以上的人不少每天都靠聊天混日子。
短短幾年，村子裡土地買賣很頻繁。在我們村裡，賣地的有兩種人，一種是將大竹圍內「舊厝地」的建地賣給建商蓋集合住宅， 然後再將分到的錢另行在自家農地上蓋農舍；另一種是將過世的老農父親過戶給自己的農地賣給外地人轉現金。所以，村子裡原本坐落在田間一座座大竹圍環繞的老房子逐漸消失，還有農田加蓋了一棟棟有錢外地人來蓋的豪華農舍，整個村子地景地貌持續改變中。在台灣還有什麼景物是不改變的？好像改變才是進步才是繁榮的象徵，從小成長的純樸村落也逃不開這樣改變的宿命！
因為我父親是鄰長，他就會抱怨說村子裡來的那些外地都市人，早上、傍晚運動時走在路上，碰到都不打招呼，現在他送一些村里通知單，他就直接塞進信箱也不想打照面了。城市人慣有的冷漠疏離空氣，也一起在農村裡散佈開來，重點是過去村子裡的人，大家都是互有往來，互相認識，現在搬進一些生面孔，讓在地人反而不自在看到這些疏遠的外地人，或許外地人也覺得與農村農人格格不入吧！
現在老家正對面隔著一條馬路的兩分地農地，鄰居五十歲的兒子在分得田產後將它轉手賣掉，一坪20500，得款一千多萬，平日只在超級市場工作的鄰居，馬上變「田僑仔」。村子內老農基本上不會去變賣自己的農田，賣的都是繼承老農田地的兒子們(只有兒子可分地，女兒爭家產在村子內是不道德、丟臉的事，所以都會自動放棄)，每一塊老農耕耘一輩子的農田就如自己養育的孩子，但對下一代的農夫，農地是可變賣的商品、快速翻身的工具！看到鄰居每天悠閒的串門子，我不知他每天經過父親給他的田地，現在變成投資客轉手再炒作的商品，他內心是否還覺得自在？而我們家也憂心下一位買主會在我家正對面蓋出什麼樣圍牆高築的農舍？但是可以確定的是，今後我在老家大門往外望時，看到的不會再是那從小到大習慣看到的那片充滿生機的農田。
放任農地被買賣，農村徹底不像農村，農地大量休耕，或轉賣給有錢有閒的人蓋別墅農舍，農村不再是生產作物的地方，而是讓投資客待價而沽的獵物。
Chit-pái tńg宜蘭hioh-khùn, ta̍k工配合choh-sit ê父母規律ê生活, 體會tio̍h庄kha生活kap都市生活全然無kâng ê步調, mā感受tio̍h故鄉因為『雪山隧道』通車了後, 故鄉景緻ê大變化, koh有外來人口遷入產生ê群體互動變化.
Tī厝, ta̍k工透早6點外tō ē有親chiâⁿ厝邊來埕--ê khai-káng. Chit-má宜蘭稻á kan-taⁿ收1期, koh lóng全機械化操作--a, ùi iā秧á, 播田, 割稻á, khan-só͘, lóng外包hō͘別人, 所以1冬內底sit頭tng無閒ê時chūn加加--leh chiah短短kúi禮拜ê時間, 農村--nih閒閒無sit頭做ê人chiok chē, 所以時間chiok chē, tio̍h靠khai-káng bóng度日. Khai-káng ê內容有1 ê大主題tō是某mih人有siáⁿ-mih病疼, chia̍h某mih人報ê藥á好--ê, iah是看toh 1 ê醫生好--ê, 畢竟, in lóng有一定ê歲數--a, 少年時koh lóng是做過頭ê kē階層勞動人口, 老--a éng-kòe ê勞動傷害tō 1項1項走--出-來, beh án-chóaⁿ治療病疼tō pìⁿ做khai-káng phò-tāu ê話題. Tī庄--nih 50 kúi歲以上ê人, chiâⁿ chē ta̍k工to hàiⁿ來hàiⁿ去sì-kè khai-káng度日子.
短短無kúi年ê時間, 庄--nih ê土地一直有teh買賣. Tī góan庄--nih, 賣土地--ê有2種人, 1種是kā大竹圍á內「舊厝地」ê建地賣hō͘建商起販厝, chiah the̍h pun--tio̍h ê chîⁿ另外tī ka-tī ê田地起厝; 另外1種是kā過身ê老父過戶hō͘ ka-tī ê農地賣hō͘外地人tńg現金. 庄--nih本底hō͘大竹圍á包tiâu--leh ê舊厝1間1間無--去, 有ê田地koh起1棟1棟外地hó-gia̍h人ê『豪華農舍』, 庄--nih ê光景一直teh改變. Tī台灣iáu有siáⁿ-mih景緻是無改變--ê? Bē-su講改變chiah代表有teh進步, 有teh繁華, 伴góa成長ê純樸庄頭mā無法度閃辟chit款運命!
Góan老父是鄰長, i chhiâng-chāi teh怨嘆講庄--nih來hit-kóa外地都市人, chái-khí iah暗頭á出去運動ê時tī路-nih tú--tio̍h lóng無teh sio借問, chit-má i若送村里通知單, tō直接kā seh入去phoe桶, mā無想beh kap in sio借問. 都市人人kap人互動冷淡ê氣氛, mā ta̍uh-ta̍uh-á tī農村--nih thòaⁿ--開, 過去庄--nih ê人ta̍k-ê lóng有來有去, ta̍k-ê mā lóng se̍k-sāi, chit-má chiah-ê chheⁿ-hūn人搬--入-來, 在地人看tio̍h chiah-ê chheⁿ-hūn ê外地人soah顛倒gāi-gio̍h gāi-gio̍h, hōan-sè外地人mā感覺kap庄--nih choh-sit人氣味真bē-ha̍h!
Chit-má góan舊厝正對面隔1 chōa車路ê 2分地農地, 厝邊50歲ê hāu-seⁿ pun tio̍h財產了後sûi kā轉手賣--去, 1坪20,500 kho͘, lóng-chóng thàn千外萬, chit-ê tī超級市場做khang-khòe ê厝邊, sûi pìⁿ做「田僑á」. 庄--nih老choh-sit人罕得ē kā ka-tī ê田地賣掉, ē賣--ê lóng是繼承老父田地ê hāu-seⁿ (kan-taⁿ hāu-seⁿ thang pun tio̍h土地, cha-bó͘-kiáⁿ pun家伙tī 庄--nih是無道德ê kiàn-siàu-tāi, lóng ē自動放棄), 老choh-sit人種choh 1世人ê田tō ná ka-tī chhiâⁿ養ê gín-á, m̄-koh對後1代ê choh-sit人來講, 田地是ē-sái買賣ê商品, 是péng身ê工具! 看tio̍h厝邊ta̍k工閒閒sì-kè khai-káng, góa m̄知影i ta̍k工經過in老父留hō͘ i ê田地, chit-má soah pìⁿ做投資客轉手炒地皮ê商品, 心內kám bē gāi-gio̍h? Góan tau ê人mā煩惱後1 ê買主m̄知ē tī góan厝正對面起siáⁿ-mih款ê農舍? M̄-koh góan真知影, koh來góa若ùi góan tau大門看--出-去, 看--tio̍h-ê已經m̄是自細hàn看kah kòan-sì ê kui-phiàn chheⁿ-lèng-lèng ê田地--a.
據在農地hông買來賣去, 農村pìⁿ kah無sêng農村, 田地若m̄是大量休耕, 無tō是轉賣hō͘有chîⁿ有閒ê人起別莊農舍, 農村已經m̄是生產農產ê所在, pìⁿ做投資客chîⁿ ká chîⁿ ê工具.
