Ùi合歡山落--來, 看tio̍h khang-khòe上kui tho͘-lá-khuh等beh回覆ê email, 手機á mā kúi-nā通無接--tio̍h ê電話, 心情sûi koh沉--落-來. Lóng先kā tàn tī邊--á lah, 心肝底滿滿ê感動tio̍h先hō͘沉底整理.
第2冬來, 看tio̍h山頂變化chiok緊ê天氣, bē-su teh提醒góa tio̍h用敬畏ê心情peh山. 看tio̍h拖kah長lò-lò ê隊伍, 五彩顯目ê hiû-á, 有白雲kap青翠ê山嶺背景, 有影chiok súi--ê. Gín-á 1 ê接1 ê, 1步1步ûn-ûn-á ǹg山頂peh--起-lih, 正經ē hō͘人感動.
Góa kui路tòe tī後piah, tú tio̍h 1 ê生做sán-sán-á, kiōng-beh tòe bē tio̍h隊伍ê小學生, i身體無爽快, kap隊伍jú離jú hn̄g, 面色白sún-sún, 腳步慢鈍, 1句語to無講. 身軀邊ê大人問i問題, i lóng用tìm頭iah搖頭來回應. Sán-sán ê身軀, tng teh接受高山高地ê挑戰, 看ē出i是用意志力keng-tiâu--leh, lō͘尾身軀內發生激烈ê反應, i 開始吐, 一直吐, kā中tàu-tǹg chia̍h--ê lóng吐吐--出-來, 吐了, hioh-khùn--chi̍t-ē, i tō koh勇敢kā腳步踏--出-去, 繼續peh山.
面對身體ê無爽快i lóng無haiⁿ, 一直tiām-tiām看目chiu前ê高山, 頭殼內m̄知teh想siáⁿ? 懷疑ka-tī kám有法度peh--起-lih? 後悔ka-tī ê選擇? Iah是想講惡夢tang時ē結束? I kui路tiām-tiām-á行, ûn-ûn-á peh. Beh peh到siōng koân點chìn前i koh siáu吐. Chit-chūn chhōa隊ê老師決定放棄koh peh, hō͘ i thang kui心hioh-khùn, chia̍h『蘇打餅』壓制胃酸, thèng-hāu i面色回復元氣, chiah陪i ta̍uh-ta̍uh-á落山. M̄-koh山林對i ê考驗iáu-bōe soah, eng時chia̍h暗了i koh吐1 pái.
照chhōa路a伯ê經驗, i無感冒, 無頭殼疼, 喘氣bē kài喘, kiám-chhái是tī山頂內耳無平衡造chiâⁿ--ê, choaⁿ-á hō͘ i hioh-khùn, 無直接kā送落山.
隔tńg工peh北峰, chit ê gín-á已經通過山靈對i ê嚴酷考驗, 身體完全適應, 體力mā回復, 無koh tòe bē tio̍h隊伍, chiâⁿ成功tòe ta̍k-ê chò-hóe peh到山頂!
Góa m̄知影gín-á tī經過身體無爽快ê痛苦了後, 終其尾投入大自然--nih, chit款經驗對i ē有siáⁿ款ê體會? 對i ê人生ē有siáⁿ款ê影響? Siōng重要--ê是, chhōa路a伯靠i ê專業kap經驗, koh有老師hām家長ê信任, hō͘ chit ê gín-á有挑戰ka-tī ê機會kap經驗, in無hō͘ gín-á產生對山林ê驚惶, 用siōng省事, siōng免承擔任何責任ê方式, 直接請大人kā gín-á接--tńg-去.
Che hō͘ góa想tio̍h FB3 tú tio̍h風颱, 無直接宣佈提早結束行程, 顛倒hō͘ gín-á有機會學習——mài放棄, 看老師án-chóaⁿ面對變數? Án-chóaⁿ面對挑戰? 困難是thèng好提升能力ê機會, pàng手hō͘ gín-á去試, hō͘ gín-á有面對困難挑戰ê機會, góa認為che tō是『法拉第』課程siōng寶貴ê精神!
從合歡山下來,看見一封封沉甸甸的工作郵件待回,手機裡好多通missed call,心情又沉了下來。就暫且擱著吧,因為心裡滿滿的感動得先沉澱下來。
第二年上來,看著山上瞬息萬變的氣候,間接告訴我要帶著敬畏的心情上高山。看著長長的隊伍、顯眼五彩繽紛的外套,在綠地白雲襯托下真是美麗。一個個小小的身軀踩著小小的步伐往峰頂邁進,好不壯觀。
一路尾隨在後,遇到一位落後瘦小的小學生,他身體不舒服,逐漸落後隊伍,臉色蒼白,拖著緩慢的步伐,不發一語。身邊大人問他問題,他始終只以點頭和搖頭來回應。瘦小的身軀,正接受高山高地的挑戰,看得出他用意志力在撐著,最後體內激烈的反應,他開始狂吐,一直吐,把午餐全部吐出來,吐完,稍作休息,他又勇敢地邁開步伐往上爬。
面對身體的不適他都不吭氣,他始終沉默地、靜靜地望著眼前的高山,小腦袋裡不知道在想什麼?懷疑自己還可以嗎?或是後悔自己的選擇?又或者是想著惡夢何時結束?他就一路緩緩地、默默地爬著。攻頂前他又吐了第二次,嘔心地吐。這時隨隊老師決定放棄攻頂,讓他完全休息,吃蘇打餅抑制他的胃酸,等他臉色恢復血色,伴他緩緩下山。但是山林對他的考驗還沒結束,晚上吃完晚餐他又狂吐了一回。
依嚮導阿伯的經驗,他沒有感冒、沒有頭痛、呼吸沒有喘,可能是高山上內耳不平衡造成的,只讓他休息,並沒有直接護送下山。
隔天爬北峰,這個孩子已經通過山靈對他的嚴酷考驗,身體已完全適應,體力恢復,沒有再落後隊伍,也成功地跟著全體隊員一起攻頂!
我不知道孩子在經過身體不適的痛苦後,終於投入大自然的懷抱裡,這樣的經驗對他會有怎樣的體會?對他人生會有怎樣的影響?然而最重要的是,嚮導阿伯憑著他的專業與經驗,以及老師、家長的信任,讓這個孩子有了挑戰自己的機會和經歷,而不是讓孩子留下對山林的恐懼,用最省事、最不用承擔任何責任的方式,直接請家長把孩子接回。
讓我想起FB3遇到颱風,沒有直接宣佈提前結束行程,而是讓孩子有機會學習——不放棄,看師長如何面對變數?如何面對挑戰?困難就是用來提升能力的機會,放手給孩子機會,讓孩子有面對困難挑戰的機會,我認為這就是「法拉第」課程最可貴的精神!
──《TGB通訊》第170期(2013/11)
留言列表