Chit ê拜6 kap禮拜2工加班辦文化資產ê相關活動, sui-bóng其中1工無冷氣, kiōng-beh hip--死joa̍h--死, m̄-koh課程iáu是有chi̍t-kóa收成, kap ta̍k-ê分享.
過去bat參加過kúi pái研討會, lóng有中國ê學者來講中國ê文化資產, 前kúi冬有1 ê學者講tio̍h西湖文化景觀申請世界遺產ê經驗, teh談西湖景觀區ê整理過程--nih, 其實有chiok chē所在是照傳說故事, 小說iah是古早詩詞ê景重做--ê, 其實tō是人工起造ê景, 像白蛇傳ê雷峰塔, khah早hoān-sè真正有1座塔tī hia, mā hoān-sè是照白蛇傳故事做--出-來-ê, hit-tang-chūn tō有人質疑大量人工改造ê景緻kám有符合世界遺產ê場所精神. 杭州西湖有chiok chē天然美景, m̄-koh為tio̍h beh重新起造杭州西湖ê文化景緻, sì-kho͘-liàn-tńg ê khiā-ke, 傳統建築kap地景kui-ê總thiah掉sóa走, 完全失去場所--nih人ê元素, m̄-koh西湖iáu是tī 2011年成功登錄世界遺產名錄.
Hit-chūn hit ê中國學者講kah chiâⁿ iāng, chit pái tú--tio̍h-ê是另外1 ê中國學者, 是推動雲南元陽哈尼梯田申請世界遺產ê其中1 ê學者, i講tio̍h中國目前tī山西大同1 ê仿古早建築計畫ê案例. 山西大同有遼kap金時期ê重要遺址, 目前中國ê做法是全部thiah掉lu平了後, chiah koh根據文獻kap調查資料, 用新ê材料重起, 包括華嚴寺, 善化寺, 古早街á kap城牆, 其實tō是新起ê「古蹟」. Chit ê學者其實真反對án-ne做, i講中國有chiâⁿ chē『文青』去到當地聲援, iah是tiāⁿ-tiāⁿ去當地hip相, 留做記錄, 因為ta̍k pái去lóng減chiok chē mi̍h-kiāⁿ, tī『微博』mā有chiok chē人teh討論chit ê議題,
中國政府ê做法真有可能pìⁿ做台灣「學習」ê案例, 未來若是有人koh借古蹟來「阻擋」建設, lán ê「萬能政府」chiâⁿ有可能ē用chit款步數, tī別位重起仿ê古蹟, 來balance文化kap經濟ê發展.
Chiah 2~3冬ê時間, 中國學者對文化資產ê講法tō有真無kâng ê眼界, hō͘ góa chiâⁿ意外, mā改變ka-tī對中國學者ê態度. 研討會soah, góa koh kap hit ê學者討論tio̍h台灣chit-má真時行去中國拜媽祖iah是關公, m̄-koh文化大革命ê時, hiah-ê神像kap廟寺to lóng拆了了--a, 中國人已經真久ê時間是無拜神像ê無神論. I講, chit-má為tio̍h觀光ê經濟利益, 中國官方chiah ē出面chhōa頭直直起廟寺, thang好吸引觀光客, 像湄洲ê媽祖廟mā是chit kúi冬chiah起--ê, 同時mā破壞當地chiâⁿ chē珍貴ê文化資產.
台灣有1 ê老師分享調查英國領事館(高雄水產試驗所)ê經驗, in比對淡水紅毛城ê領事館規模kap建築結構, 因為高雄水產試驗所tō beh hông thiah掉--a, 在地有人建議ài保留, chiah án-ne來ùi建築材料--nih發現, 高雄水產試驗所m̄是日本時代起--ê, teh比對英國hit-tang-chūn ê文獻chiah發現, 高雄水產試驗所其實tō是當時英國領事館ê辦公廳, chit-má tī山頂ê領事館是hit-tang-chūn ê宿舍, 邊--á koh有1 chōa古道sio-thàng. 建立完整史料建立koh模擬hit當時ê建築格局了後, 高雄市政府kap調查ê單位lóng ǹg望整建ē-tàng回復英國領事館ê舊建築, koh回復領事館辦公廳kap宿舍區sio接ê古道, 甚至連目前擋tio̍h英國領事館(高雄水產試驗所) ê建築——海巡署ê宿舍kap檢查所, lóng ǹg望ē-tàng thiah掉, thang完全回復hit當時領事館kap高雄港ê關係, 完整表現hit-chūn人kap建築koh有地理位置ê關係, 表現出hit-tang-chūn ê歷史文化氣氛, 未來tī英國領事館tō thang好看tio̍h高雄港出出入入ê船á.
想tio̍h kāng款是文化資產, 淡水為tio̍h省短短kúi分鐘ê路程, 堅持beh起ē破壞koh cha̍h tio̍h淡水暮色ê大橋, 高雄soah為tio̍h重現文化資產ê場所精神, 準備thiah掉cha̍h tio̍h光景ê厝宅, toh 1 ê chiah是lán需要--ê? Tio̍h-ài看lán到底àn-sǹg beh留siáⁿ-mih mi̍h-kiāⁿ hō͘後1代人?
原鄉風景chiah是人民心靈永遠ê故鄉, siáⁿ-mih是原鄉風景--leh? 台灣chit-má無論是城市iah鄉鎮, 為tio̍h經濟發展, 各縣市政府lóng拚勢teh bú工程, 拚經濟, 風土消失, 變化kah siuⁿ過頭--a. 上帝賜hō͘ lán ê美景, 頂1代留hō͘ lán ê文化資產, lán chit-má有ê kap後1代thang好看--tio̍h ê mi̍h-kiāⁿ, lóng已經有chiok無kâng--a, lán到底ē-tàng留siáⁿ-mih款ê文化資產來傳承--leh?
Ùi ka-tī聽tio̍h前後2 ê中國學者分享申請世界遺產ê經驗, góa個人認為, 中國已經ùi急beh拚經濟發展ê土富á, 行ǹg ē-tàng kā kha步pàng慢, 翻頭來檢討失去ê mi̍h-kiāⁿ ê價值, 台灣soah tò-péng, 拚命beh pìⁿ做phàⁿ手ê土富á, sì-kè iā chîⁿ, 講好聽是拚經濟, m̄-koh大多數ê「建設」實在是無妥當, 無必要koh大量破壞原鄉光景ê建設.
這個星期六、日加班辦文資相關活動，雖然其中有一天沒冷氣，快被悶死、熱死，但課程還是有些許收穫，和大家分享。
過去參加過幾次研討會，都有中國的學者來談中國的文化資產，前幾年有個學者談到西湖文化景觀申請世界遺產的經驗，在談西湖景觀區整理過程中，其實有許多地方是依據傳說故事、小說、古人詩詞的場景整建，其實就是人工打造出來的場景，像是白蛇傳的雷峰塔，或許以前眞有個塔在那裡，也或者只是依白蛇傳故事模擬出來的，當時就有人質疑大量人工改造的景觀是否符合世界遺產的場所精神。杭州西湖有許多天然美景，但為了要重新打造杭州西湖文化景觀，周邊的民宅、傳統建築、地景全部被拆掉、移除，完全失掉場所中人的元素，但西湖還是在2011年成功登錄世界遺產名錄。
當時那位中國學者相當自豪，這次是另一位中國學者，是推動雲南元陽哈尼梯田申請世界遺產的學者之一，他提到中國目前在山西大同的一個仿古建築計畫的案例。山西大同有遼、金時期的重要遺址，目前中國的作法是全部剷除之後，再依據文獻及調查資料，用新的材料重建，包括華嚴寺、善化寺、古街、城牆，其實就是新建的「古蹟」。這位學者其實反對這樣的作法，他也提到中國有許多文青到當地聲援，或經常到當地拍照，留下紀錄，因為每次去都消失很多東西，微博上也很多人在討論這個議題。
中國政府的做法很有可能成為台灣效法的案例，未來要是人民再拿古蹟來「妨礙」建設，我們的「萬能政府」很有可能會祭出在別地重新蓋出仿古蹟，以平衡文化與經濟發展。
才兩、三年的時間，中國學者對文化資產的談法就有很大不同的視角，讓我訝異，也改變對中國學者的態度。因此會後就和那位學者談到台灣到中國拜媽祖、關公，但文革時期那些偶像、寺廟都被搗毀，中國人已有很長一段時間是不拜偶像的無神論。他提到，現在因為觀光的經濟利益，因此都由中國官方大肆興設寺廟，吸引觀光客，像湄洲的媽祖廟也是晚近才興設，同時也破壞當地許多珍貴的文化資產。
台灣的一位老師分享調查英國領事館（高雄水產試驗所）的經驗，他們比對了淡水紅毛城的領事館規模及建築結構，因高雄水產試驗所將被拆除，當地有人建議保留，因而開始從建築材料中發現，高雄水產試驗所並非日治時期的建築，再比對英國當時的文獻發現，高雄水產試驗所其實就是當時英國領事館的辦公廳舍，現在在山上的領事館是當時的宿舍區，旁邊有一條古道連接。建立完整史料及模擬當時的建築格局後，高雄市政府與調查的單位都希望整建能回復英國領事館的舊建築，並恢復連接領事館辦公廳舍和宿舍區的古道，甚至連目前擋在英國領事館（高雄水產試驗所）的建築——海巡署宿舍及檢查所，都希望能夠拆除，回復當時領事館與高雄港的關係，完整呈現當時人、建築與地理位置的關係，呈現當時的歷史文化氛圍，未來在英國領事館可以看到船隻來往高雄港。
想到同樣的文化資產，淡水為了節省短短幾分鐘的車程，執意要蓋破壞、遮蔽淡水暮色的大橋，高雄卻為了重現文化資產的場所精神，準備拆掉遮蔽天空線的房舍，哪一個才是我們需要的？就看我們到底要留下什麼東西給下一代？
原鄉風景才是人民心靈永遠的故鄉，而什麼是原鄉風景呢？台灣現在的城鎮因為經濟發展，各縣市政府都努力大興土木拚經濟，風土消失、變化得太快了。上帝賜給我們的美景、上一代留給我們文化資產、我們現在擁有的以及下一代能看到的東西，面貌都已經產生很大的不同，我們到底能留下哪些文化資產來傳承呢？
從自己聽到前後兩位中國學者分享申請世界遺產的經驗，我個人認為，中國已從一個急速經濟發展的闊氣土財主，走向能放慢腳步、回頭審視丟掉東西的價值，而台灣卻相反地，拚命往闊氣土財主的方向走，到處灑錢，美其名是拚經濟，但大多數的「建設」卻是大而不當、拆毀原鄉風景的非必要建設。
──《TGB通訊》第165期(2013/6)
留言列表
