台灣ê「性教育」m̄-nā保守koh siuⁿ慢開始, án-ne來害死gín-á-chai--ê m̄知有jōa chē? Tńg屏東1 chōa, hō͘ góa看tio̍h教育現場iáu是消極面對gín-á對性ê hò͘ⁿ-hiân.
1工chhōa gín-á去in哥哥(國校4年) ê學校chhit-thô, tńg tio̍h in老師kā góa tâu講開學了後發現góan孫á ē招cha-bó͘同學去便所, 2 ê人thǹg褲互相看下身, hioh-jo̍ah ê時mā bat kap kāng庄ê cha-bo͘ gin-á án-ne做, 有叫gín-á ài chhōe媽媽去學校, mā bat khà電話hō͘ góan嫂--á, m̄-koh無接--tio̍h, ǹg望góa tńg--去ē-tàng轉達.
Tńg到厝, góa先chhōe叔伯小妹問, i是gín-á ê親a姑, 平常時á是i替無閒ê兄嫂tàu管教gín-á--ê. I chi̍t開chhùi tō氣phut-phut講, m̄-nā gín-á ài教, 學校老師ê心理hām態度mā有問題. I ē hiah siūⁿ-khì是因為第一時間學校通知家長ê時有講tio̍h心理變態, gín-á tńg到厝mā一直問講ka-tī án-ne kám是變態? 叔伯小妹kā gín-á講對性ē hò͘ⁿ-hiân是正常--ê, i ê心理無問題, kan-taⁿ是方法m̄-tio̍h, i hō͘ gín-á知影cha-po͘ cha-bó͘身體構造ê無kâng, 解答gín-á對是án-chóaⁿ學校ài pun cha-po͘便所hām cha-bó͘便所ê問題, 姑孫á 2 ê tī厝chò-hóe上1節有khah òaⁿ開始ê「性教育」.
Góan chhōe 1工kap兄哥chò-hóe去學校chhōe校長, 校長kap主任一直強調chit-má ê學校lóng chiok重視『性騷擾』『性侵害』chit款議題, 若發生tāi-chì, 校長m̄-nā ē hông記過, koh-khah嚴重--ê甚至ē hông bán-tiāu, i ǹg望家長tī厝教gín-á ê時, m̄-nā ài教兩性關係, koh ài kā gín-á強調「法」ê重要kap嚴重性, 學校mā lóng有上相關課程. Kap校長講了góan thàn老師無課koh去chhōe老師溝通, chi̍t講--lo̍h-去chiah發現key-point是頂學期有上兩性課程, 老師tī烏板貼2張cha-po͘ cha-bó͘ ê身體構造圖, m̄-koh性器官lóng cha̍h--起-來, 老師beh教gín-á講he是重要部位bē-sái hō͘人看, thèng-hāu高年級ê時ē koh教--tio̍h. Tō是因為án-ne, beh講ná m̄講, to有心beh教--a soah無教hō͘清楚, jú bòai hō͘ gín-á知影--ê i jú hò͘ⁿ-hiân, 無人kā i講「是án-chóaⁿ」, i tō ka-tī chhōe答案.
「性教育」m̄是等到gín-á青春期--a iah是出現無適當ê行為ê時chiah開始教, gín-á kap爸爸媽媽洗身軀iah是去便所ê時chūn, sī大人tō ē-sái hō͘ gín-á知影cha-po͘ cha-bó͘身軀部位ê無kâng, 性器官beh án-chóaⁿ講, 是án-chóaⁿ cha-po͘ ài khiā leh放尿, cha-bó͘是坐leh放尿, 是án-chóaⁿ cha-bó͘ ê奶á khah大粒, cha-po͘ kap gín-á ê khah細粒. Tńg屏東chìn前góa tú好看tio̍h 1本冊, 內底寫tio̍h Israel ê幼稚園對人體器官ê教學採取正式學名, mā要求家長tī厝用正式名稱講chiah-ê器官, tō ná像kā gín-á講有胃有鼻á kāng款, 教性器官ê名mā是án-ne, 對gín-á ê hò͘ⁿ-hiân kap問題, hō͘ in正確ê回應顛倒是bē引起koh-khah chē問題ê方式, án-ne來, gín-á ê hò͘ⁿ-hiân tit tio̍h滿足, mā o̍h tio̍h正確ê知識.
性器官ê華語名稱, 親像『陰道』,『陰莖』,『睪丸』, 透過教育iah媒體, ta̍k-ê講--來iáu bē感覺gāi-gio̍h, m̄-koh tī長期禁止kap無鼓勵講母語ê環境--nih, koh有媒體kap China文化霸權thiau故意『污名化』ê操作,「lān-chiáu」,「lān-pha」,「chi-bai」chit-kóa性器官ê台語名soah pìⁿ做是『髒話』, 是無水準, 無受教, 野蠻, 粗俗ê語詞. Iáu ē記tit chiok chē冬前有1 pái辦台語生活營, 其中有1節課tō是招ta̍k-ê來講lán身體器官ê台語名.
Tī gín-á iáu-bōe有相關知識, 問題iáu-bōe tit tio̍h解答chìn前, tō kā gín-á強調「法」, kan-taⁿ是koh-khah壓制gín-á ê『好奇心』kap『求知慾』, chit款禁止, 恐嚇, 無講理ê教育方式, beh ǹg望gín-á了解jōa chē『性騷擾』kap『性侵害』ê議題?
台灣的「性教育」不只保守還太晚開始，因此害慘孩童的不知道有多少？回屏東一趟，讓我看到教育現場依舊是消極面對孩子對性的好奇。
一天帶小孩去他哥哥(國小四年級)的學校玩，遇到導師跟我說開學後發現我姪兒會邀女同學去廁所，然後脫褲子互看下身，暑假時也曾經和同村的女生這樣做，有叫姪兒請媽媽去學校，也曾經要打電話給我大嫂，不過沒有接到，希望我回去可以轉達。
回到家，我先找堂妹問，她是孩子的親姑姑，平常是她替忙碌的兄嫂幫忙管教小孩的。她一開口就氣憤地說，不只小孩要教，學校老師的心理和態度也有問題。她會那麼生氣是因為第一時間學校通知家長的時候有講到心理變態，小孩回到家也一直問自己這樣是不是變態？堂妹跟小孩講說對性會好奇是正常的，他的心理沒問題，只是方法不對，她讓孩子知道男女生身體構造的不同，解答孩子對為什麼學校的男廁女廁要分開的問題，姑孫兩人在家上了一堂有比較晚開始的「性教育」。
我們找一天和大哥一起去學校找校長，校長和主任一直強調現在學校都很重視「性騷擾」「性侵害」的議題，若發生事情，校長不只會被記過，更嚴重的甚至會被摘掉，他希望家長在家管教孩子的時候，不只要教兩性關係，還要跟孩子強調「法」的重要和嚴重性，學校也都有上相關課程。和校長說完後我們趁老師沒課再去找老師溝通，一說才發現key-point是上學期有上兩性課程，老師在黑板上貼了兩張男女生的身體構造圖，不過性器官都遮起來，老師要教學生知道說那是重要部位不能給別人看，等到高年級時會再教到。就是因為這樣，要講不講的，都有心要教了卻不教清楚，愈不讓小孩知道的他愈好奇，沒人跟他講「為什麼」，他就自己找答案。
「性教育」不是等到孩子青春期了或是出現不適當行為時才開始教，小孩跟爸爸媽媽洗澡或者去廁所時，父母就可以讓小孩知道男女生身體部位的不同，性器官要如何稱呼，為什麼男生要站著尿尿，女生則是坐著尿尿，為什麼女生的乳房比較大，男生和小孩的就比較小。回屏東前我剛好看到一本書，其中寫到以色列的幼稚園對人體器官的教學採取正式學名，也要求家長在家用正式名稱稱呼這些器官，就像告訴小孩有胃有鼻子一樣，教性器官的名稱也是如此，對於孩子的好奇和疑問，給予正確答案反而是不會引起更多問題的方式，如此一來，孩子的好奇得到滿足，也學到正確知識。
性器官的華語名稱，像是「陰道」、「陰莖」、「睪丸」，透過教育或媒體，大家講起來還不至於感覺彆扭尷尬，然而在長期禁止以及不鼓勵講母語的環境中，加上媒體和支那文化霸權故意污名化的操作，「lān-chiáu」、「lān-pha」、「chi-bai」這些性器官的台語名稱卻變成「髒話」，是沒水準、不受教、野蠻、粗俗的用語。還記得許多年前有一次舉辦台語生活營，其中一節課就是請大家來講我們身體器官的台語名稱。
在孩子尚未學到相關知識，疑問還沒有被解答之前，就跟小孩強調「法」，只是更壓抑孩子的好奇心和求知慾，這種禁止、恐嚇、不講理的教育方式，能期望孩子了解多少「性騷擾」和「性侵害」的議題？
留言列表
