台灣組合

有人說當兵是男人的人生關卡，當兵前後的想法和價值觀會有大變化，對我來講，生孩子就是對自己信仰的價值的考驗。

年輕時，對和不對的界線切割得很清楚，愛恨分明，對理想、真理、正義的感受相對直接，對自己接受、後來信仰的價值觀不曾懷疑。總是，講得很絕對且堅持。總是，用「說的和做的是否一致」在檢驗別人。

前輩說：要革命，必須先自我革命。有孩子之後，才深刻察覺到自我革命的難與必要。孩子的世界就像一張白紙，單純、直接，在養育小孩的過程，讓我「現出原形」，看到黑暗得自己。

要堅持「做人，不願做豬」的信念，自己就必須把孩子當做「人」對待，不是複製國民黨那套高壓的白癡化教育。當主張弱勢者的正義，自己就必須同理心對待身邊周遭的人，不是閉上眼睛以為沒什麼事情發生。要追求被壓迫者的解放，自己就必須對人存有基本的尊重，不是以自我做中心。愈是生活面，愈細項的事物，愈是考驗信念的堅定、標準的一致。

要讓孩子吃天然食物，不吃加工食品，自己就必須有一致的飲食習慣。不要讓孩子習慣物質享受，自己就必須有一致的慾望控制。不喜歡孩子無理取鬧，自己就必須先懂得處理情緒。期望大家講母語，自己就必須先和孩子講台語。不要被人像牲畜般對待，自己就必須有做人的姿態。

用一致的標準要求自己，反省自己，自我革命才能踏出步伐，社會實踐才會扎實。

有人講做兵是cha-po͘人ê人生關卡, 做兵前後ê想法kap價值觀ē有大變化, 對góa來講, 生gín-á tō是對ka-tī信仰ê價值ê考驗.

少年時, tio̍h kap m̄-tio̍h ê界線切kah chiâⁿ明, kah意iah討厭pun kah chiok清楚, 對理想, 真理, 正義ê感受相對直接, 對ka-tī接受, 後--來信仰ê價值觀m̄-bat懷疑. 總--是, 講kah chiâⁿ絕對koh堅持. 總--是, 用「講--ê kap做--ê kám有一致」teh檢驗別人.

Sianpai教講: beh革命, tio̍h先自我革命. 有gín-á了後, chiah深刻tì覺tio̍h自我革命ê oh kap必要. Gín-á ê世界tō ná 1張白紙, 單純, 直接, tī io gín-á ê過程, hō͘ góa「現出原形」, 看tio̍h烏暗ê ka-tī.

Beh堅持「做人, m̄願做豬」ê信念, ka-tī tio̍h-ài kā gín-á當做「人」對待, m̄是koh copy國民黨hit套高壓ê白癡化教育. Teh主張弱勢者ê正義, ka-tī tio̍h-ài有同理心對待身軀邊ê人, m̄是目chiu kheh-kheh當做無tāi-chì發生. Beh追求被壓迫者ê tháu-pàng, ka-tī tio̍h-ài對人有基本ê尊重, m̄是以自我做中心. Jú是生活面--ê, jú細項ê tāi-chì, jú是考驗信念ê堅定, 標準ê一致.

Beh hō͘ gín-á chia̍h天然食物, mài chia̍h加工食品, ka-tī tio̍h-ài有一致ê飲食習慣. Bòai hō͘ gín-á kòan-sì物質享受, ka-tī tio̍h-ài有一致ê慾望控制. 無kah意gín-á烏白hoe, ka-tī tio̍h-ài先ē-hiáu處理情緒. Ǹg望ta̍k-ê講母語, ka-tī tio̍h-ài先kap gín-á講台語. Bòai hō͘人像cheng-seⁿ án-ne對待, ka-tī tio̍h-ài有做人ê khut勢.

用一致ê標準要求ka-tī, 反省ka-tī, 自我革命chiah踏ē出步, 社會實踐chiah ē cha̍t腹.

──《TGB通訊》第155期(2012/8)