有一片100甲荒蕪很久的土地，雜草叢生，垃圾堆得像小山丘。庄裡的人想整理這片地，來種無毒、有機的東西。先要把垃圾清走、除草，還要鬆土、堆肥，要花較長的時間把土養肥，才能夠開始撒種種東西。
100甲地那麼廣闊，若沒有更多人一起來也做不來。還未動手做，就先絞盡腦汁想說要哪裡、要怎麼樣召集人手一起來種這100甲地。
人手找來後，得有人除草，要有人鬆土，也要有人清垃圾。這種草要清除嗎？那樣或這樣是必須清掉的垃圾嗎？光這些問題就爭論不休了，還花了很多時間怨嘆把垃圾和毒物亂丟在這裡多麼惡質，怪罪他們不愛惜土地。
接著，要種什麼？怎麼種？該聽誰的？十嘴九腳倉，為了怕其他人翻臉走人，每個人說的都當做是對的，要怎樣都隨各人高興，為了「團結」，都不要批評別人，不要得罪人，各人照自己心情去進行。
再接著，為了省力，為了能更快收成，化學肥灑一點點沒關係，除草劑噴一下沒有那麼嚴重啦，結果收成的東西都是毒……
一開始如果不要那麼大心肝，不要先煩惱100甲那麼大要怎麼做，也不必花那麼多時間和精神怨嘆與爭論，先把眼前的兩分地，不灑化學肥，不噴除草劑，照自己的想法慢慢地開始做，讓別人看到說這樣好像也可以試試看，讓別人也想照著做，每個人都先把身旁的幾分地顧好，一個、兩個、三個……，累積起來，100甲就做起來了，不是嗎？要有這些人前，必須先有少數人先帶頭做，在這些少數人出現前，必須自己先做來讓別人跟。即使最後都沒有人要來一起做，理想目前無法在這100甲實現，至少，已在眼前這兩分地實現了。
一開始就全心顧慮100甲的人叫做「實際」，想先自己把兩分地照自己的理想做的卻被認為是「不實際」。
我們的田地的土壤貧瘠到如此，不先堆肥、養地、改變土質，怎麼會有辦法讓新社會實現？要改變土質，就必須先問自己到底是在灑肥或是在灌毒。
有1 phiàn 100甲pha-hng真久ê土地, 草á亂puh, pùn-sò tún kah ná山. 庄--nih ê人想beh kā chit phiàn地整理理--leh, thang來種無毒ê mi̍h-kiāⁿ. Án-ne tio̍h-ài kā pùn-sò清清--leh, kā草á khau掉, koh tio̍h ku̍t thô͘, au肥, ài khai chiâⁿ久ê時間kā thô͘ chhī hō͘肥, koh來chiah thang好來iā種種choh.
100甲地hiah-nī khoah, 若無khah chē人tàu-tīn來mā做無路來. Bē-chēng做, tō先kek頭殼想看beh去toh, beh án-chóaⁿ o͘-ián khah chē人chò-hóe來種che 100甲.
人招--來了後, tio̍h-ài有人khau草, ài有人ku̍t thô͘, mā ài有人清pùn-sò. Chit款草á ài khau掉--無? Chit項iah hit項kám是tio̍h清掉ê pùn-sò? Kan-taⁿ chiah-ê tō hoe bē lī, koh了chiok chē時間怨嘆kā pùn-sò hām毒o͘-pe̍h piàⁿ ê人jōa bái tú jōa bái, 怪罪in無愛惜chit phiàn地.
Koh續--落, beh種siáⁿ? Tio̍h án-chóaⁿ種? Tio̍h聽siáng ê? 10 chhùi 9 kha-chhng, 為tio̍h驚人phùi面走了了, ta̍k-ê講--ê lóng準做tio̍h, beh án-chóaⁿ lóng據在--人, 為tio̍h「團結」, lóng mài kā人批評, mài kā人得失, 各人照ka-tī khi-mó͘-chih落去bú.
Koh來, 為tio̍h beh省力, 為tio̍h beh khah緊thang收成, 姑不衷化學肥iā--chi̍t-kóa無要緊--a, 除草劑phùn--chi̍t-ē無hiah嚴重--lah, 結尾種--出-來lóng毒......
Chhím頭á若mài hiah大心肝, mài煩惱100甲hiah khoah beh án-chóaⁿ做, mā免了hiah chē時間kap khùi力怨嘆kap sio-chèⁿ, 先kā目chiu前ê 2分地, bòai iā化學肥, bòai phùn除草劑, 照ka-tī ê按算ta̍uh-ta̍uh-á kā做--起-來, hō͘人看講án-ne有影ē做--tit, hō͘人想講mā來試看māi, ta̍k-ê to先kā身軀邊ê kúi分地顧hō͘好, 1 ê, 2 ê, 3 ê......, 累積--起-來, 100甲tō做--起-來--a, kám m̄是? Beh有hiah-ê人chìn前, tio̍h-ài先有chió數人先開始做, tī chi̍t-kóa chió數人出現chìn前, tio̍h ka-tī先做hō͘人tòe. 準講lō͘尾lóng無人beh來tàu做, 理想目前無法度tī che 100甲實現, siōng無, mā tī目chiu前chit 2分地實現--a.
Bē-chēng-bē tō kui心teh想100甲--ê號做「實際」, 想講先ka-tī kā 2分地照ka-tī ê理想kā顧hō͘好--ê soah是「無實際」.
Lán田地ê thô͘ sán到án-ne, m̄先au肥, 改變thô͘質, kā thô͘ chhī hō͘肥, beh有siáⁿ châi-tiāu來hō͘新社會實現? Beh改變thô͘質, tio̍h先問ka-tī到底是teh iā肥iah是teh灌毒.
留言列表
