Tī góa本底ê人生計畫中, 是無生gín-á chit項tāi-chì--ê, 1場意外, góa ū-sin--a. 對ū-sin, 生gín-á, góa完全無概念, 趕緊去chhōe ū-sin ê冊, hō͘ ka-tī安心, soah無想tio̍h重點是gín-á生--出-來了後sio連續無thang翻頭ê旅程, gín-á出世了後有影是烏天暗地ê開始.
「溫柔生產」是góa tī gín-á 3歲大ê時chiah知影ê tāi-chì. Ū-sin ê時tō àn-sǹg beh自然生, siōng尾--á產檢ê時醫生講gín-á ê大頭卡bē入去骨盤, 無建議自然生. Góa tiû-tû--a, mā煩惱時到若生bē出--來beh án-chóaⁿ, koh tio̍h疼hiah-nī久, lō͘ 尾決定破腹.
生kiáⁿ chit項tāi-chì, 無做功課ê góa kan-taⁿ ē-tàng聽專業ê安排. 預產期隔tńg工, eng暗出現teh-beh生ê症頭, 趕緊去醫院, 護士來灌腸剃毛, góa問i beh剖腹kám有需要án-ne? 護士嫌lô-so講需要! 半暝開始催陣, 第2天開刀, koh thèng-hāu臨時插入去kúi ê需要緊急剖腹ê ma-ma, e-po͘ góa總算hông sak--入-去-a.
麻醉了後, 醫生teh無閒ê時, góa kan-taⁿ感覺身軀內底ná像有mi̍h-kiāⁿ hông ó͘--出-來, 減1 tè, 無jōa久tō聽tio̍h gín-á ê哭聲. 護士kā gín-á抱來góa目chiu前ê時, hit-tang-chūn ê感覺góa到taⁿ iáu sa無, kan-taⁿ kā i講1聲“hái”, 感覺chiok緊tō hō͘ ka-tī身體ê反應giú--tńg-去, góa一直想beh吐, ē冷. 問醫生護士, in講是因為開刀, 血管急速收縮ê身體反應, m̄知tī大筒內底koh注siáⁿ-mih mi̍h-kiāⁿ, chi̍t-tah-á久過tō好--a.
因為母嬰同室, gín-á哭góa tō抱來suh奶, kiám-chhái是iáu-bōe掌握suh奶ê方法, gín-á哭kui暝, 哭kah護士走來kā góa恐嚇講, 若是gín-á一直suh無奶koh án-ne哭, ē失水! 其他ê ma-ma mā ē hō͘ goán吵kah無thang hioh-khùn.
Chái-khí護士ē抱gín-á去âng-eⁿ-á房洗身軀, 度看體溫kúi度, 做檢查, 第2工gín-á hông抱--去了後soah一直無tńg--來, 問到e-po͘ chiah知影gín-á hông送去新生兒中重度病房, chi̍t聽tio̍h chit ê名tō chiok chhoah--ê! 小兒科醫生講gín-á體溫38度, 驚有siáⁿ-mih感染, 所以有檢查尿koh抽血, mā已經teh注抗生素--a! Lín chó͘-má--leh! 病院完全無kā goán講tō án-ne做!
Góa tòa院6工tńg厝, gín-á soah iáu tī病院ê新生兒中重度病房, tio̍h thèng-hāu抗生素注了kap檢查報告(lóng總正常), 對1 ê âng-eⁿ-á來講, jōa-nī-á殘忍ah!
對góa來講, ka-tī ê生產經驗是chiok負面--ê, 主要是ka-tī準備不足, 無做功課, 對人生頭1 pái動刀siáu驚惶--ê, siōng重要--ê是gín-á hông án-ne對待! 病院無妥當ê處理方式kap態度ē pìⁿ做老母對gín-á ê自責, 想講ka-tī無kā gín-á保護hō͘ 好. 若無其實góa ê婦產科醫生chiâⁿ溫柔, i ê態度有hō͘ góa khah安定, tī gín-á tú出世iáu無siáⁿ ē-hiáu suh奶ê時, i ê話mā hō͘ góa脫離gín-á可能失水ê驚惶. 另外, tī病院現場確實mā深深感受tio̍h護理人員in腳手無夠ê壓力. 若koh來1遍, góa ǹg望ē-sái是無kāng款ê生產經驗, 自然koh美好.
因為án-ne, tng góa知影弟婦á ū-sin ê時, tō kā ū-sin, 生產, âng-eⁿ-á照顧chiah-ê冊送hō͘ in, ǹg望in ē-tàng先做好準備, 免像góa án-ne行冤枉路, ē-tit-thang有值得回想ê生育經驗.
Chiok hàm--ê是, tī弟婦á滿38禮拜ê時病院tō一直叫i去催生, 理由是驚gín-á siuⁿ大隻ē pháiⁿ生. In ang-á-bó͘ 無同意, 等到40禮拜chiah去病院, ma-ma ê腹肚hō͘ 護士ngē chhi̍h kah烏青, 生產過程teh tio̍h膀胱, 致使生了無法度放尿需要導尿, 面因為siuⁿ出力tèⁿ微血管破--去.
聽--tio̍h了後人lóng gāng--去! 38禮拜病院tō beh催生? Gín-á to iáu-bōe準備好beh出來, in是teh趕緊siáⁿ? Che ná像m̄是teh生gín-á, khah sêng是工場生產線teh趕產品!
生產, tī台灣ná像hông當做破病teh處理, gín-á, hông當做mi̍h-kiāⁿ teh對待. M̄-koh lán lóng知影, 無應該是án-ne. Ka-chài有1 tīn人tng phah-piàⁿ teh sak「溫柔生產」, 關注生產醫療化ê問題, 朝向kā生產自主權koh選擇權交tńg ma-ma手頭, ta̍k ê性命, lóng應該是hông尊重koh祝福--ê.
Ǹg望台灣有1工, ta̍k ê寶貝lóng是hông溫柔迎接出世--ê.
台灣溫柔生產推廣協會 http://www.gentle-birth-org.com/index.php
溫柔生產FB社團 https://www.facebook.com/groups/463636870422595/
在我原本的人生計畫中，是沒生小孩這回事的，一場意外，我懷孕了。對於懷孕、生產，我完全沒概念，匆匆找了懷孕相關書籍，安了自己的心，殊不知重點是生產後一連串不可逆的旅程，孩子出生後真正是烏天暗地的開始。
「溫柔生產」是我在孩子3歲大時才知道的事。懷孕時就打算自然產，最後產檢時醫生說胎兒頭部卡不進骨盆腔，不建議自然產。我猶豫了，也擔心到時候真的生不出來怎麼辦，又要痛那麼久，最後決定剖腹產。
生產這事，沒有做功課的我只能聽從專業安排。預產期隔天，晚上有了產兆，趕緊進醫院，護士來灌腸剃毛，我問剖腹產也需要嗎？護士不耐煩的說需要！半夜開始陣痛，第二天開刀，等待臨時插進幾個需要緊急剖腹的孕婦，下午我終於被推進去了。
麻醉後，醫生工作的時候，我只覺得體內好像有東西被挖出，少了一塊，沒多久就聽到小孩的哭聲。當護士把小孩抱到我眼前時，當時的感覺我到現在還釐不清，只跟他說聲嗨，感覺很快地被自己身體的反應拉回去，我一直噁心想吐、發冷。問了醫生護士，他們說是因為開刀，血管急速收縮的身體反應，不知道在點滴中又加進什麼東西，過一陣子後就好了。
因為母嬰同室，孩子哭了我就抱來餵奶，大概是還沒掌握好吸奶技巧吧，孩子整晚哭得哇哇大叫，還驚動護士跑來恐嚇我說，如果小孩一直吸不到奶又這樣哭，會脫水！而且其他產婦也會被我們吵到不能休息。
早上護士會抱小孩去嬰兒室洗澡、量體溫、做檢查，第二天小孩被抱去嬰兒室卻一直沒回來，問到下午才知道小孩被送進新生兒中重度病房，一聽到這名稱就很嚇！小兒科醫生說嬰兒體溫38度，怕有什麼感染，所以做了尿液檢查、血液檢查，還已經在打抗生素了！我的天啊！醫院完全沒有先知會我們就做這樣的安排！
我住院六天回家，小孩卻還待在醫院的新生兒中重度病房，等待抗生素打完以及檢查報告(一切正常)，對一個新生兒來說，多麼殘忍啊！
對我來說，自己的生產經驗是很負面的，主要來自於自己準備不足，沒做功課，對於人生第一次動刀超級恐懼，最重要的是新生兒被這樣對待！醫院不當的處理方式和態度會變成媽媽對小孩的自責，想著自己沒有保護好孩子。不然其實我的婦產科醫生很溫柔，他的態度有安定到我，而且在小孩剛出生後還不太會吸奶時，他的話讓我脫離小孩可能脫水的恐懼。此外，在醫院現場的確也深深感受到護理人員在人手不足下的壓力。如果再來一次，我希望可以是不一樣的生產經驗，自然而美好。
因此，當知道弟媳懷孕時，便把懷孕、生產、新生兒照顧等相關書籍送給他們，希望他們可以先作好準備，不用走像我那樣手足無措的冤枉路，可以有值得回憶的生育經驗。
很誇張的是，當弟媳滿38週時醫院就一直要她去催生，理由是怕胎兒太大隻會不好生。他們夫妻不同意，等到40週才去醫院，媽媽的肚子被護士壓到烏青，生產過程壓迫到膀胱，產後無法排尿需要導尿，臉因為太用力而微血管破裂。
聽到後真的好傻眼！38週醫院就要催生？小孩都還沒準備好出來，他們是在急什麼？這不是生產吧？是工廠生產線在趕製成品吧！
生產，在台灣好像被當成疾病在處理，小孩，則被當成物品在對待。但是我們都知道，不該是這樣。所幸有一群人正在致力推動「溫柔生產」，關注生產醫療化的問題，朝向將生產自主權和選擇權交回媽媽手中，每個生命，都應該是被尊重和祝福的。
希望台灣有一天，每個寶貝都是被溫柔迎接誕生的。
台灣溫柔生產推廣協會http://www.gentle-birth-org.com/index.php
溫柔生產FB社團https://www.facebook.com/groups/463636870422595/
──《TGB通訊》第179期(2014/8)
留言列表
