Dear Molly,
Chit pái綠島ê課程, ùi徵選到培訓lóng kap éng-kòe無kâng, 增加參加ê條件, mā考驗報名ê人ê決心. 媽媽tī邊--á觀察--tio̍h, sui-bóng lí已經二年--a, m̄-koh lí iáu是無願意去承擔khah chē ê責任kap壓力, 寫計畫書, 課程設計, 創意設計, 表演節目, 上台簡報, chiah-ê lí ná像lóng「讓」hō͘小隊--nih ê高手去表現. Sui-bóng當初報名ê時, lí kap goán講ê條件tō是「mài逼góa做小隊長góa chiah beh去」, 爸爸kap góa答應lí, 好, tō kan-taⁿ做學員, m̄-koh goán心內iáu是ǹg望lí入去小隊了後, 願意ke付出ke承擔, tō算lí m̄是隊長. Lí是khiáu-khiáu人, 總--是ē kéng khin-khó ê khang-khòe kap任務, góa知影lí teh bih teh閃, koh chhàng kah chiok好--ê, 態度輕鬆自在, cha-bó͘-kiáⁿ ah, góa感覺lí有tām-po̍h-á『老油條』--a.
Ùi國校一年á hioh-kôaⁿ開始, lí tō ta̍k冬參加人本hioh-kôaⁿ hioh-joa̍h 5工4暝ê營隊, 有戲劇營, 科學營, 生態營, 單車營, 昆蟲營, 築巢營, 鄉土歷史踏查營, bat去過北中南chiok chē所在, 甚至去到小琉球, tī chit-kóa營隊--nih, lí lóng thang kā ka-tī照顧kah chiâⁿ好. Ē記得頭1 pái營隊, lí去到台北縣萬里國小, eng暗lí khà電話tńg--來kā góa講:「媽媽, 邊--á ê gín-á teh哭, góa lóng無哭neh!」Góa永遠ē記得lí講kah真iāng真歡喜, 了後góa mā koàn-sì看lí phāiⁿ-á phāiⁿ--leh去參加營隊, lí mā jú來jú獨立, bē依賴爸爸媽媽. Koh來, piān-nā去到1 ê生疏ê團體, lí總--是獨立爽快koh自在, che是營隊chē-chē輔導員對lí ê共同印象, kiám-chhái mā是lí ê特質.
是講cha-bó͘-kiáⁿ ah, lí大hàn--a, 過去tī營隊lí kan-taⁿ是參加者, 無需要承擔任何責任, 營隊--nih讀大學ê哥哥姐姐總--是替lín處理大細項tāi-chì, 體貼lín ê情緒. Ùi hit款歡喜感心, 充滿關懷尊重ê營隊氣氛, 轉換到lí chit-má ê課程, 過去ê營隊lí hông保護kah siuⁿ過好--a, chit-má lí可能ē hông罵hông處罰iah是嚴格要求, lí ē bē適應iah是擋bē-tiâu. 媽媽teh ioh, lí kám是án-ne chiah kiu--去, 無願意去接受挑戰, 承擔責任kap壓力? Lí iáu是koàn-sì做1 ê接受者tō好, 無相信ka-tī ē-sái去taⁿ siáⁿ-mih款ê角色? 因為驚hông罵?
Góa bat kap lí講過關係接受挑戰面對壓力chit件tāi-chì, 面對挑戰ē驚ē有壓力是chiok自然--ê, m̄-koh kāng時chūn lí mā teh培養信心kap能力, 若是lí總--是認為ka-tī真khiáu去閃避任何挑戰自我ê機會, án-ne lí mā ē失去學習成長ê機會. 像chit pái綠島ê機會, 學長學姐一直苦勸lí做小隊長, lí iáu是boài, 媽媽相信lí kan-taⁿ是iáu-bōe準備好, ǹg望後pái lí ē-tàng hō͘ ka-tī機會去接受挑戰.
經過1禮拜ê籌備訓練, taⁿ teh-beh去綠島--a, ǹg望lí tī團隊--nih除去kā ka-tī照顧好, koh-khah ài照顧其他ê隊員, che kap kám有做小隊長無關係, 是kā ka-tī調整做像éng-kòe tī人本營隊--nih照顧--lín ê輔導員kap光武ê學長姐kāng款, 開始學習做1 ê付出者!
Lō͘尾, 關掉手機á, mài koh去想電腦kap網路, ǹg望lí ē-tàng投入綠島精心設計ê課程, 同時mā m̄-thang bē記得taⁿ頭看綠島天頂雲彩ê變化.
祝福lí, 綠島探索成功!
Mom 01.25.2013
Dear 寶貝
這次綠島的課程，從徵選到培訓都有別以往的方式，因為增加了參加的門檻，也一併考驗報名者的決心。媽媽從旁觀察到，雖然你已二年級了，但是你還是不願意去承擔多一些責任和壓力，關於計畫書書寫、課程設計、創意設計、表演節目、上台簡報，好像你都「讓賢」給小隊裡的高手去表現。雖然當初報名時，你跟我們談的條件就是「不要逼我當小隊長我才要去」，爸爸跟我一口答應你，好，就只當學員，但是我們心中還是希望你進入小隊後，願意多付出多承擔，縱然你不是隊長。聰明的你，總會去挑輕省的工作和任務，我很清楚你在躲在閃，而且藏得很好，態度輕鬆自在，女兒，我覺得你有點老油條了。
從小一寒假開始，你就逐年參加人本寒暑五天四夜的各式營隊，舉凡戲劇營、科學營、生態營、單車營、昆蟲營、築巢營、鄉土歷史踏查營，足跡遍及北中南許多地方，甚至到了小琉球，在這些營隊裡，你都能把自己照顧安頓得很好。記得第一次營隊，你到北縣萬里國小，你晚上打電話回來告訴我：「媽媽，旁邊的小朋友在哭，我都沒哭耶！」我始終記得你那開心得意的口氣，而後我也習慣目送你揹起行囊去參加營隊，你也能越來越獨立，不依賴爸爸媽媽。之後，每當到一個陌生的團體，你總是獨立愉快從容自在，這是營隊許多輔導員對你的共同印象，也似乎是你的特質。
但是女兒，你長大了，過去營隊裡你只是參加者，無須承擔任何責任，來自大專院校的大哥哥大姐姐，總是在營隊裡幫你們張羅大小事，體貼你們的任何情緒。從那樣快樂溫馨、充滿關懷尊重的營隊氣氛，轉換到你現在的課程，過去營隊你被保護得太好了，現在你可能被斥責處罰或嚴格要求，你會不適應或受不了。媽媽在猜，你是否因而退縮所以不願去接受挑戰，承擔責任和壓力？所以你還是習於當個接受者就好，不相信自己可以去擔當什麼樣的角色？只因為怕被責罵？
我之前有跟你談過關於接受挑戰面對壓力這件事，面對挑戰會害怕會有壓力是很自然的事，但是你也同時是在培養信心與能力，如果你總是自覺得聰明地閃躲任何挑戰自我的機會，那你也錯過學習成長的機會。像這次綠島的機會，學長姐死勸活勸要說服你當小隊長，你還是抵死不從，媽媽相信你只是還沒準備好，希望將來你能不吝嗇給自己去接受挑戰的機會喔。
經過一週密集籌備訓練，即將前進綠島，希望你在團隊裡除了安頓好自己，更要照顧到其他隊員，這跟當不當小隊長無關，而是把自己調整成當年在人本營隊裡呵護你們的輔導員和照顧過你的光武學長姐一樣，開始學習當個付出者吧！
最後，關掉手機，忘掉電玩、網路，希望你能投入於綠島精心設計的課程，同時也別忘了仰望綠島天空雲彩變化。
祝你，綠島探索成功！
Mom 01.25.2013
──《TGB通訊》第161期(2013/2)
留言列表
