「Góa真歡喜有機會參加反淡北道路運動, 過去góa bat chhit-thô--過, 對家庭mā有虧欠, m̄-koh無論反淡北kám有thang成功, góa有參與--tio̍h-a, góa chit世人siōng無有做1件值得驕傲mā thèng好kā kiáⁿ孫交代ê tāi-chì!」
拜2 (1/22)透早接tio̍h A-tiong兄電話通知廖文德廖大哥離開góan ê消息, góa心肝內tō有àn-sǹg是siáⁿ情形--a, i bat kā góa講--過ê chit句話, kui工lóng tī頭殼內kún-ká.
Ùi竹圍á行到淡水河溪岸, tī i性命siōng尾chit chat路, 心境是平靜iah是激動? Kám有beh kap朋友hām ka-tī用心守護ê土地sio辭ê m̄甘? 是siáⁿ款ê決志, hō͘ i tī chit chat性命siōng尾ê路直直行--過, 無koh hoan頭?
2008年參與反淡北運動ê時, 廖大哥bat kā góa講, 聯盟其他人有bó͘有kiáⁿ, 有家庭ài照顧, i kiáⁿ-jî lóng大hàn無tī身軀邊, 無siáⁿ掛礙, 惡勢力若siuⁿ超過, i ē-kham-tit kap in輸贏.
I mā不止1 pái kā góa講--過, i若感覺性命無需要koh留戀ê時, tiāⁿ-tio̍h beh用ka-tī選擇ê方式, hō͘性命結束kah有意義. Taⁿ講ē到做ē到, i正經án-ne做--a. Tī身苦病疼teh治療chit段siōng尾半冬ê時間, i oan-na bat lio̍h-lio̍h-á kā góa提起chit ê phah-sǹg, góa總--是tìⁿ-chhiⁿ kā講:「Lí tio̍h專心回復健康, lán ài做ê tāi-chì koh chiok chē--leh.」
Góa bē怨嘆i無珍惜ka-tī ê性命, mā bē唸講活--leh ē-tàng做koh-khah chē tāi-chì, koh-khah bē phín講beh自殺nah bòai用koh-khah激烈ê方式. I有權利決定ka-tī ê性命選擇, i chit ê選擇mā是góa到taⁿ做bē到--ê. Góa接受i án-ne ê選擇, che是對性命真正ê尊重.
拜2暗ùi竹圍á tńg--來了後, 心肝底真疼, 大大力哭--出-來, 哭soah, góa ê情緒處理好勢--a, 續--落-來góa beh用正面ê心情面對chit ê朋友ê離開.
廖文德(1949-2013), 2013年chiaⁿ月21暗暝, chhēng ka-tī手寫「反對興建淡北道路」大大字ê衫, 跳落淡水河, 用ka-tī選擇ê方式結束60 kúi冬ê性命, mā用性命最後ê khùi力表達i堅定守護土地ê信念.
廖大哥án-ne來離開, 無法度koh看tio̍h i, 無法度koh kap i講話, góa心肝底真疼真疼, m̄-koh廖大哥性命siōng尾chit ê影jiah, góa beh kā khǹg leh心肝底, chiâⁿ做對i永久ê siàu-liām. Góa mā àn-sng beh kā iáu-bōe 3歲ê A-siâng講, 廖--ê a伯用i性命siōng大ê khùi力, 為tio̍h lán ê未來piàⁿ--過--a, ē-tàng有chit ê朋友lán thèng好真驕傲!
「我很高興有機會參加反淡北道路運動，過去我曾做過兄弟，對家庭也有所虧欠，但是無論反淡北是不是會成功，我參與了，我這一生至少做了一件驕傲且能向子孫交代的事！」
週二（1/22）一大早接到Ationg兄電話通知廖文德廖大哥離開我們的消息，我心裡就約略知道是什麼情形了，他曾跟我說過的這句話，一整天都在我腦海浮現。
從竹圍走到淡水河岸，在他生命最後的這段路，心境是平靜或是激動？可有將與朋友以及自己用心守護的土地辭別的不捨？是什麼樣的決志，讓他在這段生命最後的路直直向前，沒有反悔回頭？
2008年參與反淡北運動時，廖大哥曾經告訴我，聯盟其他人有某有子、有家庭要照顧，他的子女都已長大不在身邊，他沒有掛礙，惡勢力若太超過，他會堪得和他們輸贏。
他也不止一次提過，他若覺得生命已不需留戀時，將會用自己選擇的方式，讓生命結束得有意義。如今說到做到，他真的這樣做了。在身苦病痛接受治療這最後半年的時間，他也曾約略對我提起這個打算，我總是裝傻回說：「你要專心恢復健康，我們要做的事還很多。」
我不會怨嘆他不珍惜自己的性命，也不會唸說活著能做更多事，更不會酸說要自殺不如用更激烈的方式。他有權決定自己的生命選擇，他這個選擇也是我到目前為止做不到的。我接受他這樣的選擇，這是對生命真正的尊重。
週二晚從竹圍回來後，心裡很痛很痛，大大力哭出來，哭完，我的情緒處理好了，接下來我要用正面的心情面對這個朋友的離開。
廖文德（1949~2013），2013年1月21日夜裡，穿著自己手寫「反對興建淡北道路」大大字的衣服，跳入淡水河，用自己選擇的方式結束60多年的生命，也用生命最後的力量表達他堅定守護土地的意念。
廖大哥這樣離開，無法再看到他，無法再和他說話，我心裡真的很痛很痛，但廖大哥生命最後的這個影像，我要放在心肝底，作為對他永遠的印記。我也要跟還不滿三歲的Asiang說，廖--e阿伯用他生命最大的力氣，為了我們的未來努力過了，擁有這個朋友我們應該感到驕傲！
留言列表
