台灣組合

Tòa tī離核電廠19公里ê goán,「反核」對goán來講m̄是社會議題, 是生活問題, 安全問題.

接tio̍h綠色公民行動聯盟beh辦1工ê「為核走讀北海岸」ê email, góa第1時間tō報名, m̄-koh心內iáu是tiû-tû, 行óa核電廠ê行程, 加減有受輻射ê風險, 對4歲半ê A-siâng風險koh-khah大. 考慮kúi-nā工, chiah kā A-siâng講chit項tāi-chì, A-siâng sûi講i beh去看核電廠.

Chhōa路--ê是在地文史工作者mā是北海岸反核行動聯盟ê郭慶霖兄, i chhōa goán看台灣siōng súi ê海岸, 核二廠ê入水口kap排水口, ná仙境ê『八煙聚落』, 無對外開放ê tuh-ku厝, koh紹介北海岸ê地質景觀, 平埔歷史, 人文產業, 環境生態, 核電廠設立ê前後變化kap影響. 行入在地, óa近有核電廠做厝邊ê生活, 北海岸ê美麗kap哀愁, 在地人ê悲情kap希望, 確實有koh-khah深刻ê感受.

Peh起lih駱駝石, 石壁頂ê hoe-chōa kap sek-tī súi kah A-siâng chi̍t看--tio̍h tō嘴笑目笑心花開, 直直chhu--去, i講chia是海邊á ê『溜滑梯』, beh招i ê朋友來chia sńg. Chia是大自然siōng súi ê地理教室.

經過明光碼頭, 1982年開始核廢料tō是àn chia載去紅頭嶼--ê. 台電30冬ê土地承租契約早tō到期, m̄-koh 10萬桶ê核廢料到taⁿ iáu是khǹg tī紅頭嶼. 最近台電計畫若是chhōe無所在thang khǹg hit 10萬桶ê核廢料, tō beh chhia tńg核電廠khǹg.

來到核二廠外口ê海邊--á, tī排水口hia測tio̍h輻射0.07 μSv /h, góa先chhōa A-siâng tńg遊覽車等ta̍k-ê, m̄知lō͘尾kám有koh-khah koân? 聽慶霖兄講頂1團主婦聯盟來ê時測tio̍h 0.26 μSv /h! Ta̍k工大量ê海水hông吸入去核電廠, 替用--過ê核能料降溫了後chiah koh排出大海, hō͘ góa想tio̍h ta̍k-ê愛chia̍h ê海產, 魩á魚, koh有kúi-nā tah chiok súi ê海邊--á, 是ta̍k-ê joa̍h--人愛去hia sńg水sńg沙ê所在......

發電了後ê核能料, 有chiok強ê輻射, lóng khǹg tī核電廠內底, chit-má池á已經khǹg kah盡pōng--a, 台電講àn-sǹg beh hō͘用--過ài the̍h--出-來ê核能料繼續khǹg tī原子爐內底lòng, thang hō͘核一廠ê發電時間延長1冬, 實在是hō͘人聽kah phi̍h-phi̍h-chhoah.

Chia̍h飽tàu, goán去『八煙聚落』行行--leh, chia是chit kúi冬chiok chhèng ê所在, 1 khám 1 khám ê水田, 活水圳, 石頭厝, 確實chiok súi--ê, 印tī水面ê山林樹枝, ná 1幅圖--leh. 今á日是拜6, 來chia chhit-thô ê人不止á chē, m̄-koh góa soah lio̍h-á感受tio̍h choh-sit人對ka-tī ê厝宅田園pìⁿ做觀光區ê困擾. A-siâng講chia chiok súi, 無ǹg望核電廠離chia hiah近.

Chit chōa chiâⁿ好運ē-tàng參觀tio̍h tuh-ku厝, 主人koh專工ùi台北走來講故事hō͘ goán聽, 聽i講起tuh-ku厝ê因緣, kap在地ê互動hām連結, 人ê故事永遠是siōng迷人--ê.

時間無夠chē, m̄-koh慶霖兄iáu是chhōa ta̍k-ê去拜訪反核耆老, goán到ê時桌á椅á燒茶早tō chhoân好--a, koh煮圓á湯the̍h糕á頭請ta̍k-ê chia̍h. 坐--leh聽伯--á káng, 看tio̍h in kā青春hām性命poa̍h tī chia kap核電廠chhia-piàⁿ ê決志hām無力. I講北海岸反核20-30冬, 一直lóng是在地teh反, 台灣其他所在ká-ná無siáⁿ聲, chit kúi冬總算看tio̍h chiok chē少年輩ê反核形影, hō͘ in chiok感動. Tī運動chit條路, 若是有人支持, 鼓舞, tō ē有力量, bē孤單. 網路世代, 資訊無thang像éng-kòe án-ne khàm-tiâu--leh, 反核chit條路, ē jú來jú清, jú來jú chē人tàu-tīn phah-piàⁿ.

人ê一生tō是sio連續ê選擇, 無kāng款ê選擇有無kāng款ê承擔hām代價. Lán beh ài siáⁿ-mih款ê生活, siáⁿ-mih款ê台灣, 一直是有選擇--ê, ǹg望lán ê選擇m̄是有1工ē-tàng移民, 是beh án-chóaⁿ hō͘ 台灣變koh-khah好.

住在離核電廠19公里的我們，「反核」對我們來說不是社會議題，是生活問題、安全問題。 

接到綠色公民行動聯盟要辦一天的「為核走讀北海岸」的email，我第一時間就報名，但內心還是很猶豫，走近核電廠的行程，加減有受輻射的風險，對4歲半的Asiang風險更大。考慮好幾天，才跟Asiang講這件事，Asiang馬上說他要去看核電廠。 

導覽的是在地文史工作者也是北海岸反核行動聯盟的郭慶霖大哥，他帶我們看台灣最美的海岸、核二廠的進水口與出水口、宛如仙境的八煙聚落、無對外開放的 tuh-ku厝，還介紹北海岸的地質景觀、平埔歷史、人文產業、環境生態、核電廠設立的前後變化與影響。走入在地，貼近緊鄰核電廠的生活，北海岸的美麗與哀愁，在地人的悲情與希望，確實有更深刻的感受。 

爬上駱駝岩，石壁上的紋路與色澤美得令Asiang一看到就嘴笑目笑心花開，直直奔去，他說這裡是海邊的溜滑梯，要邀他的朋友來這裡玩。這裡是大自然最美的地理教室。 

經過明光碼頭，1982年開始核廢料就是從這邊載去蘭嶼的。台電30年的土地承租契約早就到期，然而10萬桶的低階核廢料至今仍然放在蘭嶼。最近台電計畫若是找不到貯存場所放置這些10萬桶核廢料，將運回核電廠堆放。 

來到核二廠外的海邊，在出水口測到輻射值0.07 μSv /h，我先帶Asiang回遊覽車等大家，不知道後來有沒有更高？聽郭大哥說上一團主婦聯盟來的時候測到0.26 μSv /h！每天大量的海水被吸進核電廠，替用過的燃料棒降溫後再排出大海，讓我不禁想到大家愛吃的海產、魩仔魚，還有好幾處很美的海邊，是大家夏天喜歡去玩水玩沙的地方...... 

發電後的燃料棒，有很強的輻射，都放在核電廠內，現在燃料池已經滿了，台電計畫將用過該退出的燃料棒繼續放在反應爐內延長使用，讓核一廠的發電時間得以延長一年，實在是讓人聽得皮皮剉。 

中午吃完飯，我們去八煙聚落走走逛逛，是這幾年很出名熱門的地方，一階階的水梯田、活水圳、石頭厝，確實美極了，浮在水面上的山林樹枝倒影，就像一幅圖。今天是禮拜六，來這玩的人很多，然而我卻約略感受到作穡人對自己的厝宅田園變成觀光區的困擾。Asiang說這裡很美，不希望核電廠離這裡那麼近。 

這趟幸運地參觀到tuh-ku厝，主人還特地從台北趕來說故事給我們聽，聽他說蓋tuh-ku厝的因緣想法，以及和在地的互動與連結，人的故事永遠是最迷人的。 

時間不多，不過慶霖兄還是帶大家去拜訪反核耆老，我們到的時候桌椅、熱茶早已準備好，還煮湯圓拿糕餅請大家吃。坐著聽伯仔講話，看到他們將青春與生命賭在這裡和核電廠車拼的決志與無力。他說北海岸反核2、30年，一直都是當地在反，台灣其他地方好像沒什麼聲音，這幾年總算看到許多年輕人的反核身影，讓他們很感動。在運動這條路上，若是有人支持、鼓舞，就會有力量，不孤單。網路世代，資訊不再像以往被遮掩住，反核這條路，會愈來愈清，愈來愈多人鬥陣打拼。 

人的一生就是一連串的選擇，不同的選擇有不同的承擔與代價。我們想要什麼樣的生活、什麼樣的台灣，一直是有選擇的，希望我們的選擇不是有一天可以移民，而是如何讓台灣變得更好。