「生活就像騎單車。為要保持平衡，所以必須不斷向前。」--愛因斯坦
“Life is like riding a bicycle. To keep your balance you must keep moving.” by A. Einstein
Dear Molly
上次綠島的米粉聚會，你們一位幹部學長分享了這一段話，現在你要以行動，親身去體驗這句話的意義了。接下來的旅程，有烈日的酷暑、午後的暴雨、身體的疲憊、精神的煎熬，在前頭等著你，孩子，媽媽有信心，你撐得過這一切的考驗。
7/21你就要開始你兩週的環島行程了，準備過程雖然辛苦，但是你都沒有抱怨過，自己調整以往被動的態度，積極參與課程的一切活動，你變得主動積極，因為你投入後，你發現這樣的課程這樣的團隊，比平時上課有更多的學習，更多的刺激，更多的挑戰。在準備的過程，媽媽發現你成長好多，例如清晨5:30跟小隊出去路騎，你可以讓自己準時起床，不吵醒爸媽，自己悄悄牽著單車出門，自己搞定一切。你真的好棒，你不再是媽媽眼中那個迷糊的小女生了。
回想4月你參加刺激亢奮的冬天溯溪回來，爸爸開始有心機的鼓勵你參加夏天的單車環島，你當時都是一口回絕：「我不要去環島，很累！我不要！」而且是提高音量分貝，大叫「我不要去！」。一旁的我，看到你的反應也心軟，跟爸爸說不要勉強你，但是爸爸不會理睬你的情緒，他就是要你去參加，篤定不會讓你錯過這樣的課程。
為什麼爸爸要如此堅持固執呢？記得嗎？當我們全家出遊，只要開車經過爸爸四年前獨自單車環島的路線，他就會開始獨白，當初他經過這裡的體能狀態、遇到什麼人、碰到什麼狀況，訴說時語調裡充滿著愉悅和驕傲。你知道爸爸記性不好，唯獨環島的點點滴滴，他都沒有遺忘，因為爸爸從大學畢業後，除了做工外，再也沒幹過什麼讓自己可以跟人誇口和自豪的事情，環島這件事的意義，在他心裏不斷的擴大與詮釋。Molly，爸爸是希望你也能嘗到這樣的滋味感受。
5月底，該是做決定的時候了，你要與爸爸攤牌的時候，激烈的爭吵過後，學校公告環島日期7/21-8/5，報名資格是過去參加過探索課程，課程後有上網寫下心得，面試通過者。你回家就說你不能去，因為你很混，之前參加三次課程，你心得一篇都沒交，爸爸開始緊張，不斷催你寫心得，你反而是鬆一口氣，你不用去了，就這樣擺著。直到回南部，姑姑、姑丈、他們的朋友都圍著你跟你說，好難得的機會，好棒的活動喔，羨慕為什麼南部都沒有這樣的活動等等，你應該有被洗腦了。回來新竹，上網報名的第二天，你終於自己去登錄報名了，接著兩天後就要面試了，你終於急了，開始熬夜寫心得，半夜爸爸還載著你去7-11列印隔天面試要交的心得報告。
我知道你很猶豫自己的決定，所以不斷勸你說「先錄取再說」，不要給自己太大的壓力，不過，你開始焦慮接下來的面試與結果，面試完你開始擔心自己沒被選上，接下來幾天不斷上網看學校的公告。真的不知道發生什麼事，你的心態有如此大的轉變，從極度反抗，到半推半就，到渴望被錄取，這落差未免也太大了吧！Molly，這樣的過程轉折，是不是在告訴你，給自己機會，去嘗試看看，不要太快否定，就像吃飯，新的食物你沒吃過，不要急於拒絕，嘗一下滋味再拒吃也不遲啊。
Molly，上了國中後，你沒上過一天的補習班，雖然課業成績表現平平，但是我們看到更重要的學習，是考卷上分數無法測驗出的成績，我們更重視你面對困難的態度與應變的能力，更重視如何培養你積極自信的人格特質。Molly，爸爸媽媽不要你重覆我們過去升學至上、沉悶單調的國中生活，我們不要你再複製我們30年前的國中生活。
世界快速轉變，何其可悲，我們的教育還是將學習窄化成考券上的分數，分數還是唯一的學習成就。我們知道，要求成績是在害你，壓抑你將來的發展。又何其幸運，你進入到一個有夢想的學校，你的學校試著想翻轉學習的僵化與教條，因著幾位有無上教育熱誠的老師們，帶來了改變。能有這樣的課程，Molly，它不是理所當然從天上掉下來的，是這當中，有老師們的熱情和不妥協、挑戰體制的精神，更重要是老師對你們的愛，在享受這樣的課程，別忘記要感謝許多的人。
Molly，你已參加了三個探索課程：秋天合歡山、冬天綠島單車環島、春天塔克金溪溯溪，再加上這個夏天的單車環島，你就完成全部探索課程了。二年級後，你就要從菜鳥學妹，變成幹部學姐，學習承擔老師交託的任務與責任，那又會是另一個層次的學習。趁著現在還是單純的學員角色，在課程的進行就能主動積極的學習態度，為二年級時要扮演的角色做好預備，這是媽媽對你的期待。
從面試錄取後，你已接受了密集地訓練課程，包括手工書製作、單車修理，幾次的路騎，也與所屬小隊建立緊密的小組合作關係，學習團隊合作，這是最棒的學習。接下來實際上路後，會有更多的狀況，主任說很多無法預期的狀況，也因為充滿變數，才能有機會讓你們學習應變的能力，也因為過程會有挫折，你們才會成長，也因為辛苦，成果才會甜美。
Molly，接下來這兩週，無法賴床，無法上網，無法吹冷氣，無法睡舒適的床，取而代之可能睡不飽，睡不好，吃不好，但是這個過程，你會體驗到之前洪川老師跟你們說的，人其實是可以很簡單的過生活，人要追求心靈精神的富足，物質可以非常的簡單。這趟旅程，你擁有的物質只有單車後面鞍袋裡簡單的物品，這麼簡單就足以支撐你兩週的環島旅程，不是嗎？
Molly，堅定的踩下你腳下的踏板，用你的眼，用你的心，近距離的認識你成長的島嶼──台灣。
Love
Mama and Dady
「生活tō ná像teh騎kha踏車. 為tio̍h beh保持平衡, tio̍h-ài直直ǹg前行.」-- A. Einstein
“Life is like riding a bicycle. To keep your balance you must keep moving.” by A. Einstein
Dear Molly
頂pái綠島ê米粉聚會, lín 1 ê幹部學長分享chit段話, chit-má lí ài用行動, 親身去體驗chit句話ê意義--a. 續--落-來ê路程, ē有iām-kòng-kòng ê日頭, ē有hiông-hiông來ê 1 chūn西北雨, koh有體力kap意志ê考驗, cha-bó͘-kiáⁿ ah, ma-ma對lí有信心, 相信lí百面有châi-tiāu通過chiah-ê考驗.
7月21 lí tō beh開始2禮拜khah ke ê環島路程--a, 準備ê過程sui-bóng辛苦, m̄-koh lí m̄-bat哀--過, ka-tī kā過去被動ê態度調整--過-來, 真積極參加chit pái課程所有ê活動, lí pìⁿ kah主動koh積極, mā因為lí用心投入, lí發現chit款課程kap chit款ê團隊, 比平常時á上課koh-khah有thang學習, 有koh-khah chē ê刺激, koh-khah chē ê挑戰. Tī準備ê過程, ma-ma發現lí成長chiok chē--ê, 像講透早5:30 kap小隊出去騎kha踏車, lí ē-sái ka-tī準時peh--起-來, 無kā pa-pa ma-ma吵cheng-sîn, kha踏車牽--leh tiām-tiām-á出門, ta̍k項to ka-tī來. Lí正經有夠讚--ê, 已經m̄是ma-ma想--ê hit ê神經大條ê cha-bó͘ gín-á--a.
回想4--月lí參加liâu溪á活動tńg--來了後, pa-pa tō直直鼓勵lí參加jo̍ah--人騎kha踏車環島ê活動, hit-chūn lí lóng是sûi拒絕:「Góa bòai去環島, he真thiám! Góa bòai!」Lí hit句「góa bòai」koh thiau故意hoah kah chiok大聲. Góa tī邊--á看tio̍h lí ê反應, soah án-ne來落軟, kā pa-pa講mài kā lí逼, m̄-koh lín pa-pa chiah m̄ chhap lí反彈ê情緒, i tō是ài lí去參加, bòai hō͘ lí失去參與chit pái課程ê機會.
是án-chóaⁿ pa-pa hiah-nī-á堅持, hiah-nī-á固執--leh? Lí kám iáu ē記--tit? Lán kui家伙á出去chhit-thô ê時, 若駛車經過pa-pa 4冬前ka-tī騎kha踏車環島ê路線, i tō ē開始ka-tī一直講bē soah, 當初時i經過chia ê體力狀態, tú tio̍h siáⁿ-mih人, tú tio̍h siáⁿ-mih狀況, 講ê時chūn口氣chiok歡喜mā chiok驕傲--ê. Lí知影pa-pa記tì無好, m̄-koh環島ê ta̍p-ta̍p滴滴i chi̍t-sut-á to無bē記--tit, lín pa-pa自大學出業了後, 除去chia̍h頭路, tō無koh做過siáⁿ-mih thang iāng ê tāi-chì, 環島chit項tāi-chì ê意義, tī i心內直直擴大kap解說. Molly, lín pa-pa tō是ǹg望lí mā thèng好有chit款1世人ê感受kap記tì.
5月底, tio̍h做決定--lo͘h, lí ài kap pa-pa thòaⁿ明--a, lín 2 ê oan-ke了後，學校公告環島日期是7月21到8月初5, 報名資格是過去參加過探索課程, 課程了後有chiūⁿ網寫感想, koh面試有通過--ê. Lí tńg到厝tō講lí bē-tàng去--a, 因為lí chìn前參加3 pái課程, soah hām 1篇感想to無交, pa-pa開始緊張, 直直催lí寫感想, lí soah顛倒輕鬆--起-來, 想講ē-sái免去--a. Lō͘尾lí tńg南部, a姑, 姑丈kap in ê朋友一直kā lí鼓吹講che是真難得ê機會, 是真讚ê活動, mā真欣羨講南部lóng無chit款活動, lí應該有hông影響--tio̍h. Tńg來到新竹, chiūⁿ網報名ê第2工, lí總算ka-tī去登錄報名, 續--落-來koh 2工tō beh面試, lí總算tio̍h急--a, 開始透暝teh寫感想, 半暝pa-pa koh載lí去7-11印隔tńg工面試beh交ê感想報告.
Góa知影lí對ka-tī ê決定iáu真tiû-tû, m̄-chiah一直勸lí講「先錄取chiah koh講」, mài hō͘ ka-tī siuⁿ過大ê壓力, m̄-koh lí開始煩惱續--落-來ê面試kap結果. 面試了lí koh開始煩惱ka-tī kám ē hông選--tio̍h, koh來kúi-nā工lí一直chiūⁿ網看學校ê公告. Góa正經m̄知影是發生siáⁿ tāi-chì, nah ē hō͘ lí ê態度有hiah-nī-á大ê轉變, ùi極力反抗, 到beh ná m̄--leh, 到尾--á soah hiah-nī ǹg望ē-tàng錄取, che前後ê差別太大--a! Molly, chit ê轉變ê過程kám是teh kā lí講, hō͘ ka-tī機會去試看māi, mài siuⁿ早tō kā否定, tō ná chia̍h飯, 新ê mi̍h-kiāⁿ lí m̄-bat chia̍h--過, mài急beh拒絕, 試chi̍t-ē-á滋味chiah拒絕mā iáu bē慢ā.
Molly, chiūⁿ國中了後, lí m̄-bat去過1工補習班, sui-bóng成績真普通, m̄-koh góan看tio̍h koh-khah要緊ê學習, 是考試單頂kôan ê分數無法度測驗--出-來ê成績, góan koh-khah要意lí面對困難ê態度kap應變ê能力, koh-khah重視án-chóaⁿ來培養lí積極自信ê人格. Molly, pa-pa ma-ma bòai hō͘ lí copy góan過去升學至上kap無聊ê國中生活, góan bòai hō͘ lí過góan 30冬前hit款國中生活.
世界轉變真緊, 實在真悲哀, lán ê教育到taⁿ iáu是kā學習束tī考試單頂kôan ê分數, 分數iáu是唯一ê學習成就. Góan知影, 要求成績是teh害--lí, mā ē限制lí未來ê發展. 講--來lán mā chiâⁿ好運, lí去到1 ê有夢ê學校, lín學校想beh挑戰教條式ê學習模式, hit kúi ê有教育熱誠ê老師hō͘學校開始改變. Molly, ē-tàng有chit款ê課程, m̄是理所當然ùi天頂lak--落-來-ê, 是che過程--nih, hiah-ê老師ê熱情kap m̄願妥協, beh挑戰體制ê精神, koh-khah重要--ê是老師對lín ê愛, teh享受chit ê課程ê時, m̄-thang bē記tit tio̍h感謝真chē人.
Molly, lí參加過3 ê探索課程--a: 秋天peh合歡山, kôaⁿ--人綠島騎kha踏車環島, 春天『塔克金溪』liâu溪á, koh有chit pái jo̍ah--人ê kha踏車環島, lí tō完成所有ê探索課程--a. 升二年了後, lí tio̍h-ài ùi菜鳥學妹pìⁿ做幹部學姐, ài學習承擔老師交代ê任務kap責任, hit-chūn koh是另外1 ê層次ê學習. Thàn chit-má iáu是單純ê學員角色, tī課程--nih tio̍h-ài有主動積極ê學習態度, 替升二年了後ài扮演ê角色先做準備, che是ma-ma對lí ê期待.
面試錄取了後, lí已經接受真密集ê訓練課程, 包括製作手工冊, 修理kha踏車, kúi pái『路騎』, mā kap lín hit ê小隊成員建立真密切ê小組合作關係, 學習團隊合作, che是真讚ê學習機會. 接續實際chiūⁿ路了後ē有koh-khah chē狀況, 主任講有chiok chē無法度àn-sǹg ê狀況, mā因為有chiah-ê變數, chiah有機會hō͘ lín o̍h tio̍h應變ê能力, 因為過程無tiāⁿ-tio̍h lóng真順利, lín chiah ē成長, 因為辛苦, 成果chiah ē hō͘人感覺甜蜜.
Molly, 續--落-來chit 2禮拜, chái-khí bē-tàng koh nòa tī眠床頂m̄起--來, mā無法度chiūⁿ網, 無法度吹冷氣, 無法度khùn tī sù-sī ê眠床, hōan-sè khùn bē飽mā khùn bē好, chia̍h無好, m̄-koh chit ê過程, lí thang好體驗tio̍h洪川老師chìn前bat kā lín講--ê, 人其實mā ē-sái過真簡單ê生活, 人ài追求心靈精神ê滿足, 物質ē-sái chiâⁿ簡單. Chit chōa路途, lí有ê物質kan-taⁿ kha踏車後piah hit 2 kha袋á內底簡單ê mi̍h-kiāⁿ niâ, chiah-nī簡單tō thèng好hō͘ lí渡過2禮拜ê環島路程, kám m̄是--leh?
Molly, tio̍h堅定kā lí ê kha踏á直直踏進前, 用lí ê目chiu, 用lí ê心, óa近去se̍k-sāi lí成長ê島嶼──台灣.
Love
Mama and Dady
請先 登入 以發表留言。