〈賽德克‧巴萊〉才開演立即引發熱潮，從南到北，整個台灣到處都在談論這部電影。忽然間，不「計較」過去的台灣人重視起歷史了，這時候每個人都知道莫那‧魯道，每個人都了解霧社事件。然而等電影下檔，熱潮過去後，留給我們這個社會的是什麼？
三年前〈海角七號〉上映時，也帶動出這種熱潮，電影安排的對白講出許多人說不清楚的心聲，消解了我們心裡對社會發展的不滿和鬱卒，像「山也BOT，海也BOT……」「想放火把恆春整個燒掉，把年輕人都叫回來重建……」。
但電影散場，睡一覺醒來，回到現實的生活，環境繼續被工程不斷破壞，我們努力為生活工作，米蟲卻繼續享受我們的「進貢」，既得利益階級繼續吸我們的血肉，官僚政客繼續搞得我們不滿和鬱卒。我們的不滿和鬱卒沒變，年輕人也依舊看不到未來、看不到希望。電影對白說出我們的心內話，然而回到現實的生活，吸噬我們血肉的統治結構沒有改變，我們也默默地忍受。
這時，瘋〈賽德克‧巴萊〉的熱潮更勝〈海角七號〉，電影裡不少對話被人拿來朗朗上口。「就算打不贏，就算會滅族，也要反抗到底！」這部電影讓多少人為了賽德克、為了莫那‧魯道的反抗而感動。
然而電影散場，回到現實的世界後呢？對現狀的不滿，罵一罵以後，除了選舉投票外，想阻擋、改變現狀發展的趨勢，我們難道沒有其他能夠做也應當做的事嗎？
三年前選舉結束後咬牙切齒宣示不再承認這個體制的人，現在不是仍舊全心投入「維持現狀」的選戰氣氛中？眾人嘴裡說的「歷史反省」到底是要反省什麼？要阻擋現狀的發展，難道只有「選票」這項選擇而已？
大部份台灣史都寫說霧社事件（1930）後，武裝反抗階段結束，轉變成地主仕紳階級帶頭的和平請願運動。為什麼整個台灣的武裝反抗，霧社事件後會消失？被殖民社會內部的階級分化難道不是這種轉換重要的因素嗎？
不同族群為了生存鬥爭互相衝突是正常的。衝突背後若有「以台制台」「以番制番」的統治者，就不是單純的生存鬥爭了。生存鬥爭的衝突，「順民」、「義民」、「暴民」是怎麼產生的？有統治者做靠山，來對敵對族群報冤仇，漳泉鬥、閩客鬥、原漢鬥、原住民各族相殘……被殖民族群互相敵對，各族群都曾扮演「替天行道」的「義民」，外來統治者站高山看馬仔相鬥。這正是台灣史的重點！
眾人肯定莫那‧魯道是英雄、是戰神時，社會有真正的自我反省嗎？直到現在，七月半普渡，好兄弟仍然不能請入屋內祭拜；莫那‧魯道、高一生的反抗帶來部落的大災難，怨罵他們好幾十年；60年來，台灣政治犯遭整個社會鄙視。依附體制而功成名就的叛徒卻被我們崇拜與肯定。這就是台灣社會對待「反抗者」的實相。
這些矛盾與錯亂對我們社會的發展有極為重要的影響，至今也仍存在於我們的社會價值裡。如果不面對這些矛盾和錯亂，「歷史反省」要反省什麼？
〈Seediq Bale〉chiah chhím khai演sûi tō chhiâng-chhiâng滾, ùi南到北, kui台灣chi̍t-sì-kè to teh siáu chit齣電影. 無「計較」過去ê台灣人hiông-hiông lóng pìⁿ kah真重視歷史, chit-chūn soah ta̍k-ê to知Mona Rudo, ta̍k-ê to了解霧社事件. M̄-koh thèng-hāu電影soah戲了後, 留hō͘ lán chit ê社會--ê是siáⁿ-mih?
3冬前做〈海角七號〉ê時, kui-ê社會oan-na jia̍t-phut-phut, 電影安排ê對話講出真chē人講bē清楚ê心內話, siau-tháu lán心內對社會發展ê不滿kap ut-chut, 像「山a̍h BOT, 海a̍h BOT......」「想beh放火kā恆春kui-ê燒掉, kā少年--ê lóng叫tńg來重建......」.
M̄-koh電影做soah, khùn chi̍t醒--起-來, tńg來到現實ê生活, 環境繼續hō͘工程直直破壞, lán piàⁿ勢為生活走chông, 米蟲iû-gôan享受lán ê「進貢」, 既得利益階級iû-gôan suh lán ê血, 官僚政客iû-gôan teh bú hō͘ lán不滿ut-chut ê tāi-chì. Lán ê不滿kap ut-chut原在, 少年人oan-na看bē tio̍h未來, 看bē tio̍h ǹg望. 電影對話講出lán ê心內話, m̄-koh tńg來到現實ê生活, suh lán血肉ê統治結構無改變, lán mā目chiu金金據在hông chau-that.
Chit-chūn, siáu〈Seediq Bale〉ê程度無khah輸〈海角七號〉, 電影--nih ê真chē對話, mā hō͘人sa來chi̍t-sì-kè o̍h. 「Tō算phah bē贏, tō算ē滅族, mā ài反抗到底!」Chit齣電影hō͘ jōa-nī chē人為tio̍h Seediq, 為tio̍h Mona Rudo ê反抗來感動.
M̄-koh電影做soah, tńg來到現實ê世界了後--leh? 對現狀ê不滿, chhò-kàn-kiāu了後, 除去選舉tǹg票, beh阻擋, 改變現狀發展ê趨勢, lán kám無其他ē-tàng做mā應當tio̍h做ê tāi-chì?
3冬前選舉soah kā牙切齒宣示無beh koh承認chit ê體制--ê, taⁿ m̄是oan-na kui心liâu落去「維持現狀」ê khut-á去? 眾人chhùi--nih講ê「歷史反省」到底是beh反省siáⁿ? Beh阻擋現狀ê發展, kám kan-taⁿ有「選舉tǹg票」chit項niā-niā?
大部份ê台灣史lóng寫講霧社事件(1930)了後, 武裝反抗階段結束, 改換做地主仕紳階級chhōa頭ê和平請願運動. 是án-chóaⁿ kui-ê台灣ê武裝反抗, ùi霧社事件了後choaⁿ-á停khùn--去? 被殖民社會內部ê階級分化kám m̄是chit款轉換重要ê因素?
無kāng族群為tio̍h生存鬥爭互相衝突是正常--ê. 衝突後piah若有「以台制台」「以番制番」ê統治者tī--leh, tō m̄是單純ê生存鬥爭--a. 生存鬥爭ê衝突, 「順民」「義民」「暴民」是án-chóaⁿ出現--ê? 有統治者做bá-kuh, 來對sio對頭ê族群報冤仇, 漳泉tak, 閩客tak, 原漢tak, 原住民各族sio-thâi...... 被殖民族群互相傷殺, ta̍k族群to有出「替天行道」ê「義民」, 外來統治者khiā kôan山看馬á sio-tak. Che tú-tú是台灣史ê重點!
眾人肯定Mona Rudo是英雄, 是戰神ê時, 社會kám有真正ê自我反省? 到taⁿ, 7月半普渡, 好兄弟iáu是bē-sái請入厝內拜; Mona Rudo, Uyongu Yatauyungana (高一生) ê反抗chiah造chiâⁿ部落ê大災難, 怨chheh in kúi-nā 10冬; 60冬來, 台灣政治犯hō͘ kui-ê社會phìⁿ-siùⁿ. Óa-hù體制tit tio̍h榮華富貴ê反背者, soah hō͘ lán崇拜kap肯定. Che tō是台灣社會對待「反抗者」ê樣相.
Chiah-ê矛盾kap錯亂對lán社會ê發展lóng有重要ê影響, 到taⁿ mā lóng iáu存在tī lán ê社會價值--nih. 若無面對chiah-ê矛盾kap錯亂,「歷史反省」beh反省siáⁿ?
請先 登入 以發表留言。