領月退ê退休軍公教koh thang ta̍k冬領年終獎金, chit條新聞tī媒體炒kah tng jia̍t, 公營銀行員工存款13% ê特權mā hông piak--出-來, ùi chia koh牽出周美青mā有領13% ê報導. Kap éng-kòe ê新聞jia̍t kāng款, 議題sûi tō cháu-cheng--去, koh過kúi工á新聞jia̍t tō退燒, ài thèng-hāu後1回對政客iah是選舉有lō͘-ēng ê時, chiah ē koh hō͘選舉班á ùi in ê lak袋á--nih sa出來lā屎.
Chit pái chiah-ê議題ê爭論, lán ē-tàng看tio̍h台灣社會ê價值標準iû-gôan hiah-nī-á錯亂.
1冬前, 中華民國總統選舉戰kah jia̍t-phut-phut, 退休軍公教存款18%特權引起社會爭論ê時, 關係民進黨候選人蔡英文領18% chit項tāi-chì, 支持者kap反對者ê講法kap chit pái周美青13%特權tú-tú tò-péng. 當初時用18% teh批評蔡英文操守--ê, chit-má顛倒用制度問題來kā周美青辯護; hit-chūn thīn蔡英文--ê講18%是制度來造chiâⁿ, kap個人道德無關係--ê, taⁿ面對周美青ê 13%, soah直直thuh tùi享受特權ê個人道德問題.
用ka-tī ê利益kap立場來決定tio̍h kap m̄-tio̍h ê標準, 用無原則ê原則來評斷是非, chhiâng-chāi tī chiâⁿ chē社會爭論--nih出現, che tú-tú是阻擋lán改變不公不義現狀ê重要源頭.
2008年中華民國總統選舉chhím soah戲, hit-chūn憤慨宣佈無beh koh承認中華民國體制--ê, 2012年選舉m̄-tāⁿ kui心liâu--落, 強調若hō͘國民黨選贏, 台灣sûi ē hō͘中國人民解放軍接管; liam-mi講決心beh ián-tó中華民國, liam-mi koh講中華民國無存在; liam-mi講ài對抗外來政權, liam-mi koh講台灣早tō是獨立ê國家.
講中國國民黨是外來政權, ka-tī soah做過「外來政黨」主席kap總統ê李登輝, 主張ài「正名」, 來kā「外來政權」「正常化」做本土政權(國家正常化), soah hō͘ kui世人反「外來統治」ê頭人講做是「民主之父」, 是「台獨大先覺」.
Tng當陳水扁開記者會親chhùi講in tau確實有kā chîⁿ匯去海外, kā陳水扁kiāu kah無chi̍t-tè好, chhoh i違背台灣人--ê, chit-má講陳水扁hō͘國民黨kap共產黨聯合政治迫害, 是teh phāiⁿ台灣人ê十字架; in無否認陳水扁家族chia̍h chîⁿ chia̍h kah siuⁿ kē-lō͘, m̄-koh koh辯講國民黨o͘-se koh-khah chē.
Taⁿ, 面對謝長廷訪問中國chit項tāi-chì, oan-na koh 1 pái kā chiah-ê自我矛盾反映--出-來.「Ài放棄對中國ê敵意」,「統一mā是選擇」,「民進黨m̄是台獨」……, 若是chit-má謝長廷, 蘇貞昌, 蔡英文in ê主張tio̍h-ài kā肯定, án-ne民進黨kám tio̍h還hō͘許信良公道? 民進黨權力者kám tio̍h-ài為tio̍h過去攻擊許信良來kā i道歉懺悔? 許信良提出民進黨ài大轉型, ài大膽西進, m̄-thang刺激中國hiah-ê主張ê時, kā許信良罵kah臭頭, chhoh講i是台奸hiah-ê人, chit-má nah ē講「承接」許信良主張ê民進黨權力者是「理性」「務實」?
對chit款趨勢koh-khah án-chóaⁿ不滿, 若m̄落決心kā抵制kap公開批判, 若iû-gôan用「共產黨kap國民黨chiah是主要敵人」chit ê理由, 來合理化對民進黨ê支持, am-khàm ka-tī m̄願承擔批判kap鬥爭ê責任, m̄願承受實踐信念ài付出ê代價, 1方面認為繼續支持chit款kap體制妥協ê路線, 對改變jú來jú惡化ê現狀無幫贊, 甚至是sio衝突, sio矛盾--ê, 另外1方面soah koh認為無支持kap體制妥協ê路線tō無路thang行--a, 若án-ne, tō ē kap éng-kòe「大和解」,「大轉型」,「中間路線」chiah-ê訴求提出ê時kāng款, 1時間ta̍k-ê起tū-lān kiāu kah無力, chiah koh用「大局」來壓制ka-tī ê不滿, 頭過身tō過, thèng-hāu風頭chi̍t-ē過, tō hông áu--過--a, hit條lán無允準hāⁿ--過ê紅線已經hō͘頭人hú掉--a, lán kan-taⁿ ē-tàng tiām-tiām-á接受, 若無tō是破壞團結ê罪人.
長久來, lán對現狀趨勢ê不滿kap憤慨, 總--是ta̍uh-ta̍uh-á pìⁿ做無奈kap被迫接受, tō是án-ne來造chiâⁿ--ê!
領月退俸的退休軍公教每年年底還能領年終獎金，這則新聞在媒體上炒得正熱，公營銀行員工13%的優惠存款利率也被報了出來，並扯出周美青也領有13%的報導。與過去的新聞熱一樣，議題馬上被轉向，再過幾天新聞熱度就降溫，要到下回對政客或選舉有用時，才會再被選舉班仔從他們的口袋裡拿出來攪屎。
這次這些議題的爭論，我們清楚看到台灣社會的價值標準依然那樣的錯亂。
一年前，中華民國總統選舉選戰方酣，退休軍公教存款18%的特權引起社會爭論時，民進黨候選人蔡英文領18%的事件，支持者和反對者的講法與這次周美青的13%特權正好相反。當初用18%攻訐蔡英文操守的批評者，現在用制度問題來替周美青辯護；當時挺蔡英文的支持者反駁這是制度問題，與個人道德無關，如今面對周美青的13%，卻一直指責這是享受特權的個人道德問題。
用自己的利益和立場來決定對錯的的標準，用沒有原則的原則來評斷是非，不斷在許多社會爭論中出現，這正是阻擋我們改變不公不義現狀的重要源頭。
2008年中華民國總統選舉剛結束，宣佈不再承認中華民國體制的憤慨者，2012年選舉不但全心投入，強調國民黨若勝選，台灣馬上會被中國解放軍進駐；一下表明決心要扳倒中華民國，一下又說中華民國不存在；一下申明要對抗外來政權，一下又說台灣早就是獨立的國家。
強調中國國民黨是外來政權，自己卻擔任過「外來政黨」主席和總統的李登輝，主張「正名」，以將「外來政權」「正常化」為本土政權（國家正常化），卻被一生反「外來統治」的頭人捧為「民主之父」、「台獨大先覺」。
當陳水扁召開記者會親口證實曾匯款至海外時，痛罵陳水扁、指責他違背台灣人的人，現在卻強調陳水扁被國、共兩黨聯合政治迫害，是背台灣人的十字架；他們無法否認陳水扁家族洗錢，卻又辯稱國民黨更貪污。
而面對謝長廷訪問中國這件事，同樣地反映出這種自我矛盾。「應放棄對中國的敵意」、「統一也是選項」、「民進黨不是台獨」……，假如現在謝長廷、蘇貞昌、蔡英文他們的主張值得肯定，那麼民進黨該不該還許信良公道？民進黨權力者該不該為過去攻擊許信良來道歉懺悔？許信良提出民進黨大轉型、大膽西進、不要刺激中國等主張時，臭罵許信良、痛斥他是台奸的人，現在為什麼認為「承接」許信良主張的民進黨權力者是「理性」、「務實」？
對這樣的走向再怎麼不滿，若不下定決心抵制與公開批判，若仍然以「國、共兩黨才是主要敵人」這個理由來合理化對民進黨的支持，掩蓋自己不願承擔批判與鬥爭的責任，不願承受實踐信念須付出的代價，一方面認為繼續支持這種與體制妥協的路線，對改變愈來愈惡化的現狀沒有幫助，甚至是相衝突、相矛盾的，另一方面卻又認為不支持與體制妥協的路線就無路可走，那麼就將與過去「大和解」、「大轉型」、「中間路線」這些訴求被提出時一樣，短時間內大家痛罵，再用「顧全大局」來壓制自己的不滿，頭過身就過，等到風頭一過，就被狕過去了，那條我們不允許越過的紅線已經被頭人抹掉了，我們只能沉默地接受，否則就是破壞團結的罪人。
長久以來，我們對現狀趨勢的不滿與憤慨，總是慢慢地轉為無奈與被迫接受，就是這樣造成的！
留言列表
