自日本統治時代爭取選舉權的傳統，228事件處理委員會所提出的在外來政權架構下的「民主自治」，到今日已經辦到了，甚至還可直選總統。然而，這個民主是外來政權下的民主，還是獨立台灣國的民主？是優勢階級的民主，還是勞苦大眾的民主？我們必須認清台灣獨立建國的意義與內涵是什麼？台灣人該追求的是什麼樣的獨立建國？台獨的主體是什麼(是被壓迫大眾還是台奸買辦政客......)？我們要追求獨立建國，前提須要先搞清楚，我們追求的實質內涵是什麼，要對抗的是什麼？
2000年陳水扁當選為中華民國第10屆、第6位總統，那麼他是獨立的台灣國的總統，還是中華民國這個外來體制下的總統？
民主就只是選舉而已嗎？民主選舉能結束外來體制嗎？當有了民選總統後，還是不是處於外來政權與體制統治下？
如果選舉是被壓迫者的武器，為何國民黨會開放選舉？為何統治者會把武器交給反抗者？不論是選舉、民主、自治，都只是推動台獨的一種手段。在俄國，布爾什維克黨人一樣進入議會，但是為何他們的目標不會模糊掉，最終建立社會主義國家？因為他們由黨領導，而不是進入議會的公職說話較大聲(變成公職政客領導)，布爾什維克沒有(全黨)一頭栽進議會裡，他們清楚進入議會是為了干擾議會運作、爭取革命黨更大的空間、創造革命條件。然而在台灣，民進黨變成選舉黨，而台灣社會又尚未形成足以壓制、制裁民進黨的力量與組織，台獨運動反而被民進黨與國民黨牽著走，最後連「台獨」的解釋權也被奪走。什麼「人民頭家」？只有投票當天人民才是「頭家」，投完票又變回「奴隸」身份了，然後又為了政客們的背叛與出賣而氣得半死。
透過一次又一次的「民主選舉」，結束外來政權和舊體制了嗎？
如果台灣已經是形式獨立或實質獨立的國家，怎麼會強調「本土政權」、「政黨輪替」，又擔心「外來政權復辟」？「本土政權」的對立面就是「外來政權」，哪有本土政權和外來政權政黨輪替的呢？在中華民國選舉規則下，民進黨和國民黨政黨輪替，這是中華民國的換人做做看！體制並沒有改變，只是換人而已。
如果台灣已經解決民族矛盾，要繼續深化民主，又怎麼會只有「全民政黨」，而沒有階級政黨？照世界歷史的發展來看，應該有階級政黨代表被壓迫階級的立場、利益和民主，而不是只有壓迫階級的民主。
如果台灣現行體制已不同於50年前的外來體制，舊體制若已消滅，那麼歷史清算在哪裡？歷史審判、外來政黨解散、資產沒收、壓迫者懺悔道歉、舊價值清洗......有過嗎？
透過選舉若能結束外來政權統治，那麼日本時代台灣早就獨立了，中華民國早就被消滅了，今日哪還有國民黨在那邊亂？
台派大老們繼承林獻堂、蔣渭水等人的議會請願運動的傳統，先前帶領我們要衝出台灣獨立的血路，如今卻告誡我們要保衛本土政權？而本土政權的認知在台派似乎也有分歧，有的說阿扁代表本土政權，我們現在要團結，不然，2008年外來政權又會回來了；有的說，目前還不是本土政權。有台灣獨立才有本土政權的存在，但是對於台灣獨立的說法，更是眾說紛紜，有的說1949年國民黨來台後便已獨立(此說若成立國民黨早就是本土政權了)；有的說1991年國會全面改選，台灣事實獨立(但為何到2000年才出現本土政權)；也有人說1996年台灣第一次民選總統，台灣已經獨立(但是國民黨是外來政權)；當然更有人說2000年陳水扁當選總統，台灣才真正獨立(可是外來政權還在等著輪替回去)。
這些說法使群眾聽得昏頭轉向，哪一個說的才算？民進黨、泛台派頭人的說詞是否說得通？還是充滿矛盾？我們是否要接受這種似是而非、充滿灰色地帶的「台獨」價值？
台獨的中心思想是什麼？首先，必須先認清目標是「民主」還是「獨立」；「選舉」是手段還是目的。
殖民地在殖民統治下，沒有獨立哪來的民主？頂多只有「自治」。因此殖民地人民展開「民族民主解放運動」，自殖民母國獨立成民族國家，實行民主政治。所以殖民地要先獨立，才有民主可言。
那台灣呢？台灣在中華民國統治下是不是殖民地？台灣是不是一個獨立國家？1895~1945日本是台灣的殖民母國，而台灣是日本的殖民地，有「台共」領導民族民主解放運動。日本戰敗後台灣已脫離日本的殖民統治，接著中華民國佔據台灣，對台灣來說，中華民國就是外來的殖民政權。台灣一定要有外來主人嗎？台灣人不能自己當主人嗎？就算當時(1945)台灣地位已定、國際強權分贓決定割給中華民國、有法理有條約，台灣人就不能起來反抗、展開「民族民主解放運動」嗎？「民族自決」是台灣人的權利也是義務。
中華民國把中國的憲法、政治、經濟、社會制度、思想、文化、教育等等硬套在台灣人頭上，這就是有效執行殖民控制的外來體制。國民黨只是外來政權的體現與象徵，蔣父子死了，國民黨失去行政權，但是外來體制仍然維持其控制。
但是為何當時的台灣人會「歡迎祖國」？翻開歷史就知道主導的是那些半山、士紳階級、地主、頭腦不清楚的讀冊人。賴貫一說：「800年前的查埔祖踏入澎湖的哮門後，就誓言不再想原鄉，不再做那邊的人。」在日治時代，他們成為台奸買辦走狗，中華民國統治後，一樣向統治者搖尾乞憐，不管何時，他們都拿著順風旗。如果要談「務實」，反而要肯定這些台奸買辦走狗呢，應該把他們「正名」，不能再罵他們是台奸買辦走狗了。陳水扁就是徹底的務實份子，罵了辜顯榮是台奸後再吞回，馬上向辜家人道歉；2000年坐上總統位後趕緊向軍頭郝柏村請安。李登輝更是「務實主義」的使作甬者，口口聲聲感謝特務頭子蔣經國的恩澤，多少台灣人因蔣經國而喪命想必他也不必在乎。
所以目標清清楚楚是獨立，自中華民國的統治下獨立，建立民主的台灣共和國。獨立後，才換「深化民主」與「轉型正義」、「國家正常化發展」的課題上場。
「改革」和「革命」最大的不同在於是否變動社會根本的結構條件。改革是在不變動原基礎下，通過漸進的階段來進行社會與經濟等改革，例如宗教改革、教育改革、稅制改革......。而革命則是變動原基礎，泛指社會結構根本的或完全的改變：政治、經濟、社會制度徹底的改變，或精神、文化生活的某個方面的完全改變，例如工業革命、獨立革命、民主革命、思想革命......。
所以說，台灣要獨立建國，非得要革命不可。在這之前，就得先對我們舊有的人生觀、價值觀、世界觀做思想革命。「台灣獨立」就是對外來政權與壓迫階級的既有體制徹底的否定，並建立新體制與新國家。投廢票是否定中華民國選舉遊戲規則的手段(拒絕二選一、從爛蘋果裡挑個比較不爛的)，也是抵制民進黨搜括台灣人反抗力量進入體制分贓的方法。在台灣未有台獨黨或階級政黨之前，投廢票正是台灣人表達獨立主張與階級意識的手段。
我們是不是該期待有可以替代民進黨的組織出來代表我們？不是！頭人、權威者已經很多了，出賣者更是不少，我們不是期待有另一個選舉代表和投票選擇，而是台灣人必須形成新的獨立的力量。
Ùi日本時代爭取選舉權ê傳統, 1947年228處理委員會提出ê「民主自治」, 到taⁿ lóng有--a, 連總統mā thang直選. M̄-koh, chit-ê民主是hō͘外來政權統治ê民主, iah是獨立台灣國ê民主? 是優勢階級ê民主, iah是勞苦大眾ê民主? Lán tio̍h-ài確認台灣獨立建國ê意義kap內涵是siáⁿ? 台灣人是beh追求siáⁿ-mih款ê獨立建國? 台獨ê主體是siáng (是被壓迫大眾iah是台奸買辦政客......)? Lán beh追求獨立建國, 前提tio̍h-ài先hut hō͘清楚, lán追求ê實質內涵是siáⁿ, ài對抗--ê是siáⁿ?
2000年陳水扁當選做中華民國第10屆mā是第6 ê總統, án-ne, i是獨立ê台灣國ê總統, iah是中華民國chit-ê外來體制ê總統?
民主kám kan-taⁿ是選舉nā-niā? 透過民主選舉, kám有才tiāu結束外來體制? 總統民選了後, kám iáu是外來政權kap體制teh統治?
若講選舉是被壓迫者ê武器, 是án-chóaⁿ國民黨ē開放選舉? 是án-chóaⁿ統治者ē kā武器交hō͘反抗者? 不論是選舉, 民主iah自治, lóng kan-taⁿ是chhui-sak台獨ê 1種手段. Tī Russia, Bolshevik kāng款入去議會, 是án-chóaⁿ in ê目標bē去hō͘ hoe--去, 終其尾建立社會主義國家? In是黨teh領導, m̄是入去議會ê公職講話khah大聲(變做公職政客領導), Bolshevik無kui黨lóng栽入去議會, in chiâⁿ清楚入去議會是為tio̍h beh干擾議會運作, 爭取革命黨koh khah大ê空間, 創造革命條件. 講倒tńg來台灣, 民進黨變做選舉黨, 台灣社會koh iáu-bōe形成ē-tàng壓制/制裁民進黨ê力量kap組織, 台獨運動choaⁿ-á hō͘民進黨kap國民黨牽leh行, lō͘尾連「台獨」ê解說權mā hông搶--去. Siáⁿ-mih「人民頭家」? Kan-taⁿ投票hit工人民chiah是「頭家」, 票tǹg soah sûi tńg去「奴隸」身份, chiah koh為tio̍h hit-kóa政客不tóng來氣身ló͘命.
透過1 pái koh 1 pái ê「民主選舉」, kám結束外來政權kap舊體制--a?
台灣若已經是「形式獨立」iah是「實質獨立」ê國家, nah tio̍h強調「本土政權」「政黨輪替」, koh煩惱「外來政權復辟」? 「本土政權」tō是相對「外來政權」, nah ē有本土政權teh kap外來政權政黨輪替--ê? 用中華民國ê選舉規則, 民進黨kap國民黨政黨輪替, che是中華民國換人khiā位niâ! 體制無變, kan-taⁿ換人做nā-tiāⁿ.
若準講台灣已經解決民族矛盾--a, beh koh深化民主, beh nah ē kan-taⁿ有「全民政黨」, soah無階級政黨? Àn世界歷史ê發展來看, ài有階級政黨代表被壓迫階級ê立場, 利益hām民主, m̄是taⁿ-á有壓迫階級ê民主niâ.
準講台灣現此時ê體制已經m̄是50冬前ê外來體制, 舊體制早tō hông消滅, 若án-ne歷史清算tī toh? 歷史審判, 外來政黨解散, 資產沒收, 壓迫者懺悔道歉, 舊價值清洗......chiah-ê kám bat有--過?
透過選舉若ē-tàng結束外來政權統治, 若án-ne tī日本時代台灣早tō獨立--a, 中華民國早tō hō͘ lán消滅--a, 今á日國民黨nah有thang koh tī hia亂?
台派頭人繼承林獻堂蔣渭水in ê議會請願運動傳統, 早前chhōa ta̍k-ê hoah beh台灣獨立, taⁿ soah叫lán tio̍h保衛本土政權? Ah台派對本土政權ê認知mā hoe-sà-sà, 有ê講A扁--á代表本土政權, chín ta̍k-ê tio̍h團結, 若無, 2008年外來政權ē koh tńg--來; 有ê講, chín iáu無本土政權. 台灣有獨立chiah ē有本土政權, 是講對台灣獨立ê講法, soah koh jú chē款, 有ê講1949年國民黨來台灣了後, 台灣tō獨立--a (chit-ê講說若成立, 國民黨早tō是本土政權--a); 有ê講1991年國會全面改選, 台灣事實獨立--a (m̄-koh是án-chóaⁿ一直到2000年chiah有本土政權?); oan-na有人講1996年台灣頭pái民選總統, 台灣已經獨立--a (m̄-koh國民黨chit-ê外來政權iáu tī--leh); koh有人講2000年陳水扁當選總統, 台灣chiah正港獨立(m̄-koh外來政權koh tī邊--á teh等beh輪替--tńg-去).
Chiah-ê講法hō͘群眾聽kah hoe-sà-sà, 是toh 1 ê講--ê chiah準算? 民進黨kap台派頭人ê講法kám講ē通? Iah是有chiok chē矛盾? Lán kám beh接受chit款tio̍h ná m̄-tio̍h, 據在頭人解說ê「台獨」價值?
台獨ê中心思想是siáⁿ? 代先, tio̍h-ài認清楚目標是「民主」iah是「獨立」; 「選舉」是手段iah是目的.
殖民地hō͘殖民統治ah tiâu--leh, 無先獨立nah ē有民主? Ke̍k-ke kan-taⁿ有「自治」nā-niā. 殖民地人民tio̍h-ài chhui-sak「民族民主解放運動」, ùi殖民母國獨立chiâⁿ做民族國家, 實行民主政治. 所以殖民地ài先獨立, chiah有民主.
若án-ne, 台灣--leh? 台灣hō͘中華民國統治, kám是殖民地? 台灣kám是1 ê獨立ê國家? 1895~1945日本是台灣ê殖民母國, ah台灣是日本ê殖民地, 有「台共」領導民族民主解放運動. 日本戰敗了後, 台灣脫離日本殖民統治, 續--落-來中華民國霸佔台灣, 對台灣來講, 中華民國tō是外來ê殖民政權. Kám講台灣tio̍h外來主人來管chiah ē-ēng--chit? 台灣人kám bē-tàng ka-tī做主人? Tō算講1945年中華民國統治台灣, tī國際上有法理有條約, 台灣人kám tō bē-tàng反抗, 進行「民族民主解放運動」? 「民族自決」是台灣人ê權利kap義務.
中華民國kā中國ê憲法, 政治, 經濟, 社會制度, 思想, 文化, 教育chiah-ê kui套搬來台灣，che tō是有效teh執行殖民控制ê外來體制. 國民黨kan-taⁿ是外來政權ê表現, 蔣pē-kiáⁿ死--a, 國民黨失去行政權--a, m̄-koh外來體制iáu teh維持控制.
是講hit-tang-chūn ê台灣人nah ē「歡迎祖國」? Lán hian開歷史kā看, tō知iáⁿ是hit-kóa半山, 士紳階級, 地主kap頭殼無清楚ê讀冊人teh主導. 賴貫一講: 「800冬前ê cha-po͘祖踏入澎湖ê Háu門了後, tō chiù-chōa無beh koh想原鄉, 無beh koh做hit-pêng ê人. 」Tī日本時代, in做台奸買辦走狗, 中華民國統治了後, kāng款做統治者ê 3-kha-á, m̄管tī時, in lóng gia̍h順風旗. 台派頭人講ài考慮現實條件, chit款講法若成立, án-ne lán顛倒ài肯定chit-kóa台奸買辦走狗, 顛倒ài kā in「正名」chiah tio̍h, bē-tàng koh罵in是台奸買辦走狗. 無人phēng陳水扁koh khah考慮「現實」, 先罵辜顯榮是台奸了後, chiah koh kā話吞落去pak-tó͘底, sûi kā辜--家hōe失禮; 2000年坐tio̍h總統位了後, sûi去kā軍頭『郝柏村』請安. 李登輝tō是「務實主義」ê創始者, ta̍k不時to teh感念特務頭蔣經國ê牽成, i lóng免要意有jōa chē台灣人hō͘蔣經國thâi頭.
話講--tńg-來, lán ê目標清清楚楚是beh獨立, 脫離中華民國統治來獨立, 建立民主ê台灣共和國. 獨立了後, chiah koh繼續「深化民主」kap「轉型正義」「國家正常化發展」ê khang-khòe.
「改革」kap「革命」差tī kám有變動社會根本ê結構條件. 改革是無改變原本ê基礎, 透過無kāng階段來進行社會kap經濟chiah-ê改革, 親像宗教改革, 教育改革, 稅制改革...... Ah革命是改變原底基礎, 改變社會結構: 政治, 經濟, 社會制度徹底ê改變, iah是精神, 文化生活某方面ê完全改變, 親像工業革命, 獨立革命, 民主革命, 思想革命......
所以lán講台灣beh獨立建國, tio̍h-ài經過革命. Tī chia chìn前, ài先對lán舊底ê人生觀, 價值觀, 世界觀做思想革命. 「台灣獨立」tō是徹底否定外來政權kap壓迫階級ê體制, beh建立新體制kap新國家. 投廢票是否定中華民國選舉規則ê手段, mā是抵制民進黨收割台灣人反抗力量入去體制pun利頭ê方法. Tī台灣iáu-bōe形成台獨黨iah是階級政黨chìn前, 投廢票是台灣人表達獨立主張kap階級意識ê手段.
Lán kám是beh期待有ē-sái替代民進黨ê組織出來代表lán? M̄是! 頭人, 權威者已經chiok chē--a, 出賣者oan-na bē-chió, lán m̄是teh期待有另外1 ê選舉代表kap投票選擇, 是台灣人tio̍h-ài形成新koh獨立ê力量.
留言列表
