台灣組合

Goán ta̍uh-ta̍uh-á kā lí教台語羅馬字, 論真講mā bē-sái講是教, lán ná chhit-thô ná se̍k-sāi羅馬字, goán mā無àn-sǹg jōa緊ê時間tio̍h-ài hō͘ lí o̍h ē-hiáu, lí想beh知goán tō講. Goán tī電腦頭前teh無êng ê時, 有時á lí ē筆kap紙sa--leh, 坐tī goán邊--á, ka-tī寫羅馬字, ùi lí ê名開始, 不時lí ē問goán siáⁿ beh án-chóaⁿ寫, lí tō ka-tī tiām-tiām-á tī hia ka-tī寫真久.

Kap lí kāng年歲ê gín-á chit-chūn lóng teh o̍h漢字, 漢字無o̍h--起-來, 續接安排ê學習lóng真oh koh有進展.

Lí mā ta̍uh-ta̍uh-á開始注意漢字, kāng款ta̍k不時問講siáⁿ漢字beh án-chóaⁿ寫, ài goán寫hō͘ lí看, lí chiah the̍h去ka-tī ta̍uh-ta̍uh-á tò hiah-ê字. Lán身軀邊lóng是漢字, lí想beh知iáⁿ he寫siáⁿ, che寫án-ne是siáⁿ意思. Gín-á o̍h字ê動機tō是chiah-nī單純koh自然.

Lí是台語gín-á, goán iû-goân beh hō͘ lí先ē-hiáu台語羅馬字, m̄-koh goán mā bē排斥lí想beh o̍h漢字ê意願, lán目前生活ê現實世界chiok chē資訊lóng tio̍h透過漢字. M̄-koh未來有1 kang góa ē chhōa lí去goán故鄉hit間義民廟, lán chò-hóe坐tī廟後hit 3粒大墓bōng頭前, hit時chūn góa chiah來kā lí解說漢字是án-chóaⁿ m̄是lán ê字.

Góa先beh kā lí講--ê是, 漢字tiāⁿ-tiāⁿ拆字teh解說意思, 像新竹古早號做「Tek-chiàm」, 漢字寫做『竹塹』, 是kā Taokas Tek-chiām社ê音寫做漢字來--ê, kap拆漢字解說做是古早用竹á起城,是天差地--leh. Chit款例講bē了.

「Khan-chhiú」（牽手）是台灣平埔話, ngē寫做漢字了後, ē-sái看字、拆字, 解說講語源是ùi中國《詩經》：『執子之手......』來--ê.

Koh像「民主」, tī lán chia「漢字」ê學習oan-nā是看字拆字, ngē áu做siáⁿ-mih『民為本, 社稷次之......』Kap chiok chē現代化ê語詞kāng款, 民主chit ê語詞, 中國漢字是ùi日本ê日語漢字the̍h來用--ê, beh理解「民主」ê意思, tio̍h-ài先理解「democracy」是siáⁿ意思, siōng無mā tio̍h ùi法國大革命開始理解. 「民主」chit ê語詞kap中國過去ê歷史chi̍t-sut-á關係to無.

Ta̍k套語言文字系統lóng有in ê價值觀kap解釋權, lán若無敏感到chia, chi̍t-ē無sè-jī tō ē hō͘ in牽leh行--a.

Koh再講, 若漢字chiah是字, pêⁿ-pêⁿ生活tī lán chit tè島嶼內底ê Tayal, Truku, Pangcah......, in ê話kám tō m̄是話? In ê字kám tō m̄是字?

Sui-bóng華語漢字已經chiâⁿ做lán chia普遍接受, mā認為kan-taⁿ華語漢字chiah是ē-sái通用ê語文, m̄-koh chiâⁿ做既定事實--ê lán kám一定tio̍h-ài tòe i行?

我們慢慢地在教你台語羅馬字，認真講也不能說是教，我們邊玩邊認識羅馬字，我們也沒有計畫多久的時間內一定要教會你，你想要知當我就講。我們在電腦前工作時，你常拿著紙、筆過來，坐在我們旁邊，自己寫寫羅馬字，從你的名字開始，不時你會問我們什麼要怎麼寫，你就自己靜靜地寫真很久。

和你同年紀的孩子這時候都在學漢字，漢字不學起來，後續安排的學習會很難有進展。

你有慢慢地開始注意漢字，同樣常常問說什麼漢字要怎麼寫，要我們寫給你看，你再拿去自己慢慢描那些字。我們身邊都是漢字，你想知道那個寫什麼，這個這樣寫是什麼意思。孩子學字的動機就是這麼單純、這麼自然。

你是台語囡仔，我們仍舊希望讓你先學會台語羅馬字，但我們也不排斥你想學漢字的意願，我們當目前生活的現實世界很多資訊都須透過漢字。不過未來有一天，我會帶你去我故鄉那間義民廟，我們一起坐在廟後那三個大墓前面，那個時候我再跟你解釋漢字不是我們的字。

我要先跟你說的是，漢字常常拆字在解釋意思，像新竹古早號做「Tek-chiàm」，漢字寫成『竹塹』，是從Taokas的Tekcham社音譯來的，和拆漢字解釋成以前用竹子築城，是天差地那麼遠。這種例子說不完。

「Khan-chhiú」（牽手）是台灣平埔話，硬寫成漢字後，能看字、拆字，解釋語源是從中國《詩經》：『執子之手......』來的。

又像「民主」，在我們這裡「漢字」的學習都是在看字拆字，硬拗成什麼『民為本，社稷次之......』和許多現代化的語詞一樣，民主這個語詞，中國漢字是從日本的日語漢字借來用的，要理解「民主」的意思，須先理解「democracy」是什麼意思，至少也得從法國大革命開始理解. 「民主」這個語詞和中國過去的歷史一點關係都沒有。

每套語言文字系統都有他們的價值觀和解釋權，我們如果不夠敏感，一個不小心就會被他們牽著走。

更何況，如果漢字才是字，同樣生活在我們這塊島嶼上的Tayal、Truku、Pangcah......，他們的話就不是話？他們的字就不是字？

雖然華語漢字已經成為我們這裡普遍接受，也認為只有華語漢字才是能夠通用的語文，但成為做既定事實的我們難道只能被牽著鼻子跟著走？