台灣組合

革命像風颱, lí看ē tio̍h i形成, 壯大, chông tùi lí chia來, 破壞lí sì-kho͘-liàn-tńg ê一切, m̄-koh lí無châi-tiāu阻擋. 革命像風颱kāng款, 有組織, 有路線, m̄-koh lí無法度創造革命, lí kan-taⁿ ē-tàng thèng-hāu.

3--月ê日頭花kap洪仲丘事件是西北雨, 落bē過田岸, 有ê人m̄-bat hō͘社運ê西北雨ak--過, tō講che是革命, 實在是teh講笑詼.

社運西北雨無像風颱hiah-nī有組織, 有方向, kan-taⁿ ē tī無特定ê所在hiông-hiông出現, koh hiông-hiông消失, kan-taⁿ thang暫時hō͘社會止chhùi-ta.

Kúi-nā冬前ê野百合是人造雨, 1場完全受控制來滿足少數權力者需要ê人造雨, 根本無值得chùn-būn.

1團koh 1團ê社運團體發動ê 1場koh 1場ê街頭抗爭示威, 是1場koh 1場失敗ê人造雨, 成分總是hut bē清楚, sì-kè làu人, 氣身ló͘命, soah hām 1 pû鳥á屎to pàng bē出--來.

無成功ê人造雨當然iáu是tio̍h試, m̄-koh ài知影ta̍k-pái無成功ê原因, 後pái進行修改, 觀察社會各項變數, thang好tī有1工風颱beh來chìn前, phēng別人khah早1步預測--tio̍h, 進1步掌握運動ê方向. M̄-koh真罕得有人beh án-ne做, lán siōng chia̍p聽--tio̍h-ê是khah早án-chóaⁿ衝tú án-chóaⁿ衝, 差chi̍t-sut-á tō成功. Góa siōng無聽過100 pái差chi̍t-sut-á tō成功, tō準成功mā kan-taⁿ是1場人造雨, 無khah-choa̍h--lah.

台灣人想beh改變, 若bē-tàng hō͘ ka-tī冷靜來分析無成功ê人造雨, 人造雨, 西北雨kap風颱是toh位無kâng, tō無可能ē成功.

革命像颱風，你看得到它的形成、壯大，撲向你，破壞你週遭的一切，但你無力阻止。革命像颱風一樣，有組織、有路線，但是你無法創造革命，你只能等待。 

三月的太陽花和洪仲丘事件是西北雨，來得快，去得也快，有些人沒被社運西北雨淋過，就說這是革命，那是笑話。 

社運西北雨不像颱風有組織、有方向，只會在不特定地點忽然出現，又忽然消失，只能暫時解社會的渴。 

多年前的野百合則是人造雨，一場完全在控制之下滿足少數權力飢渴的人造雨，根本不值得一談。 

一團又一團的社運團體所發動的一場又一場的街頭抗爭示威，則是一場又一場失敗的人造雨，搞不清楚配方，勞師動眾，連個鳥屎都拉不出來。 

不成功的人造雨當然還是要做，但是每次的不成功都要知道原因，下次進行修改，觀察社會各項參數，為的是在有一天颱風來臨前，比別人早一步預測到，進而掌握運動方向。但是，很少人這麼做，我們最常聽到的是以前怎樣又怎樣衝，差一點成功。我至少聽過一百次差一點成功，就算成功也不過就是場人造雨，沒用啦。 

台灣人想改變，如果不能冷靜地分析不成功的人造雨、人造雨、西北雨以及颱風的分別，那就不可能會成功。

──《TGB通訊》第177期(2014/6)