Cha-hng cha-bó͘-kiáⁿ ê聯絡簿á老師寫講:『健體試卷66分(66分還圈起來) 請訂簽』. 講實在--ê, 講無要意分數是騙--人-ê, iah是ē siūⁿ-khì.
問cha-bó͘-kiáⁿ問題出tī toh位, 媽媽cha-hng m̄是有幫lí複習--過-a, nah ē koh bē-hiáu--leh? I講i m̄知意思. Góa看題目第1題:『不良的姿勢不會影響身體健康』(是非題), góa看--chi̍t-ē, 先tī頭殼內頓--chi̍t-ē, 答案是「m̄ tio̍h」. Kui張考試單á差不多lóng是teh sńg『文字遊戲』.
Chái-khí tī火車頂tú tio̍h同事, chit ê同事原本oan-na是chiok反對寫評量--ê, 聽góa án-ne講, i認為大量看冊是chiok重要--ê, ē-tàng增加語詞量, koh再講, góa ê cha-bó͘-kiáⁿ kah若一直beh tī台灣接受教育, tio̍h-ài去買kúi本評量來寫寫--leh, án-ne chiah知影題型, chiah知影beh án-chóaⁿ寫答案.
「答案」, kám m̄是ài用頭殼想--ê? Taⁿ, soah pìⁿ做ài靠寫評量練習!
來到病院, 問隔壁ê學姊, i頭1句話tō問:「Lín cha-bó͘-kiáⁿ是m̄是無寫評量ê koàn-sì?」Góa講:「I tī安親班hán leh teh寫, kan-taⁿ國語1本kap數學1本niâ. Kám講連健康, 體育, 生活mālóng ài寫?」I應góa講:「當然, lí koh ài kā lín cha-bó͘-kiáⁿ講, 後pái聯考lóng ē出chi̍t-kóa陷阱......」
Nah ē變做chit-lō款? 大量看冊ê最終目的iáu是beh應付考試!
問身軀邊ê人, 普遍反應是: 數學bē-hiáu,「Ah, lín cha-bó͘-kiáⁿ一定是冊看無夠chē?」國語bē-hiáu,「對--lah, lí ài叫lín cha-bó͘-kiáⁿ ke看冊, ùi『繪本』開始.」Chit-má, 體育, 生活, 健康bē-hiáu, 看冊, 看冊, 看冊, koh有偉大ê評量, 後pái goán cha-bó͘-kiáⁿ tō ē-tàng讀台大--a!
Kám是án-ne? 一直問ka-tī chit ê問題.
Cha-hng koh問kúi ê家長, in講gín-á ê學校tú tio̍h chit款健康體育ê考試, 老師是用chhùi問, gín-á chiah tī紙寫答案(O X), 因為in chiah國校一年, 驚有ê意思kap句型m̄-bat. Tng góa kā同事講chit項tāi-chì ê時, 同事講:「Lín cha-bó͘-kiáⁿ ê學校khah嚴格ho͘ⁿh~」Góa講:「M̄是, 是老師pīn-tōaⁿ, 考卷印印--leh tō好--a, 用chhùi念, koh tio̍h解說, in學校ê作風tō是驚hùi-khì.」
Góa chēng細hàn tī迪化街大hàn, hit-tang-chūn beh nah有『繪本』thang讀, m̄-koh大hàn了後, mā是ē-tàng kap人講Shakespeare, mā知影東北季風, mā有法度ka-tī thàn-chîⁿ去國外chhit-thô, mā thang kap chi̍t-kóa少年朋友分享生活經驗. Góa認為ka-tī是1 ê有內容ê媽媽, m̄-koh chiah-ê內容m̄是kan-taⁿ靠看冊來--ê.
Góa m̄是反對看冊, m̄-koh若phah開「親子天下」, ta̍k期後piah lóng ē推薦chi̍t大堆冊, 講紀律, tō有紀律kui套ê冊, 講想像力, tō有想像力kui套ê冊, 凡若家長tī教養過程ē tú--tio̍h ê問題, lóng有1套冊出來應付. Kám有影án-ne?
Cha-bó͘-kiáⁿ愛畫來畫去, 愛動手操作, 愛sńg『樂高積木』. 今年入去教育體制了後, 無形中cha-bó͘-kiáⁿ kám是ài pìⁿ做ē-hiáu寫答案, ē寫評量, ài pìⁿ做後pái góa tú tio̍h別人lóng thang chiok驕傲kā別人講:「Goán cha-bó͘-kiáⁿ chiok kah意看冊--ê!」Kám是án-ne, chiah ē-tàng tī台灣pìⁿ做1 ê chiok gâu讀冊ê人?
昨天女兒的聯絡簿上老師寫著：健體試卷66分(66分還圈起來) 請訂簽。說實在的，說不在意分數是騙人的，還是會生氣。
當下一直問女兒問題出在哪裡，媽媽昨天不是幫妳複習了嗎，怎麼還是不會勒？她說她不懂意思。我看題目第一題：「不良的姿勢不會影響身體健康」(是非題)，我看了一下，先在腦中噸一下，答案是「錯」。整張考卷幾乎都是在搞文字遊戲。
早上在火車上遇到同事，這位同事原本也是很反對寫評量的，聽我一說，她認為大量閱讀是很重要的，可增加詞彙量，再來，既然我女兒一直要在台灣接受教育，就不得不必須去買幾本評量來寫一寫，如此，才知道題型，才知道如何做答案。
「答案」，不是要用想的嗎？現在，變成要用做的！
到診間，問隔壁的學姊，她第一句話就問：「妳女兒是不是沒有寫評量的習慣？」我說：「她那安親班，寫得很少很少，就國語和數學各一本而已。該不會連健康、體育、生活都要寫吧？」她回我：「當然啊，妳還要跟妳女兒說，以後聯考都會出一些陷阱題......」
怎麼變成這樣子勒？大量閱讀的最終目的還是要應付考試！
問一問周遭的人，普遍反應是：數學不會，「啊，妳女兒一定是很少閱讀吧？」國語不會，「對了，妳要叫妳女兒多多閱讀，從繪本開始啊。」現在，體育、生活、健康不會，閱讀，閱讀，閱讀，加上偉大的評量卷，以後我女兒就可以讀台大了！
是這樣子的嗎？一直問自己這個問題。
昨天又問了幾位家長，他們說孩子學校遇到這類健體考試，老師是用嘴巴問，小朋友寫圈叉，因為他們才小一， 怕有些字意和句型不懂。當我跟同事轉述這件事時，同事說：「妳女兒的學校比較嚴格喔~」我說：「不是，是老師懶，考卷印一印就好了，用嘴巴念，還要解釋，他們學校的作風就是怕麻煩。」
從小在迪化街長大，哪來的繪本閱讀，但長大後的我，也能和人家暢談莎士比亞，也能知曉東北季風，也能自己打工賺錢去國外自助旅行，也可以和一些青少年朋友分享生活經驗。我自認為我是個有內容的媽媽，但這內容並不只靠閱讀而來的。
我並不反對閱讀，但打開「親子天下」，每期後面都會推薦一大堆書籍，談紀律，就有紀律的套書，談想像力，就有想像力量的套書，舉凡家長在教養過程中會遇到的問題，都會有套書出來應付。真是如此嗎？
女兒愛畫來畫去的，愛動手操作，愛玩樂高積木。今年進入教育體制後，無形中女兒是否要變成會做答案、會寫評量，要變成以後我遇到別人都要很自負的跟別人說：「我女兒很喜歡閱讀喔！」是不是這樣，才能在台灣變成一位很會讀書的人？
──《TGB通訊》第160期(2013/1)
留言列表
