311了後, 日本是án-chóaⁿ teh討論核能問題--ê leh? Tī chiâⁿ chē討論kám beh廢核ê論述--nih, ta̍k ê專門學者lóng提出實際ê數字來支持ka-tī ê觀點.
菅沼光弘(Suganuma Mitsuhiro), 東京大學出業了後tō去公安調查廳, 先hông派任駐舊西德ê情報機關, 續--落35冬ê時間專門收集舊蘇聯, 北韓kap中國chiah-ê國家ê情報, 1995年chiâⁿ做日本對外情報實質上ê最高長官. I tī舊年發表ê新冊《この国の権力中枢を握る者は誰か》（Chit ê國家ê核心權力掌握tī siáⁿ人手頭）, 對核能問題提出新ê觀點. 續--落-來簡單紹介i ê論點.
Beh討論核能問題, tio̍h-ài先了解「核能電廠」siōng頭á是án-chóaⁿ入來到日本ê事實.
廣島(Hiroshima) kap長崎(Nagasaki) 2粒原子彈了後, 美國ê海軍積極ǹg望kā chit種新能源運用tī藏水艦, 美國自án-ne允准hit-chūn siōng大間ê電器品牌GE hām西屋(Westinghouse)研究開發核能, lō͘尾西屋得tio̍h政府ê採用. M̄-koh GE已經投入太chē人力kap物力做研究, bē-tàng無回收. 美國tō kā GE開發ê核電廠, 用真kôan ê價siàu賣hō͘戰敗ê西德kap日本koh有中立國瑞典.
若是一般ê商業買賣, 買siuⁿ貴tō準soah--a. Siōng大ê問題是, GE ê核能研究本底是軍方委託--ê, 內底有chiok chē美國ê軍事機密, GE ê產品有太chē日本人無法度了解ê機密, 日本人kan-taⁿ ē-tàng照GE ê指示操作, 萬一發生緊急狀況, 日本技師當然無法度處理, che是日本核能電廠siōng大ê失敗. 美國核電廠為tio̍h beh避免恐怖攻擊, kā反應爐khǹg tī thô͘-kha底, m̄-koh tī日本chit款有地震kap tsunami ê國家, GE án-ne ê設計真無妥當.
美國tī日本經濟成長期對日本做真詳細ê研究, chiâⁿ了解日本ê財團, 政治界kap官方ê利益關係. 用TPP(泛太平洋戰略經濟夥伴關係協議)做例, 大部份日本人lóng m̄知TPP是經過美國嚴密ê計算, hō͘日本bē-tàng無參加--ê, 日本社會soah無討論美國ê動機, 甚至siōng好mài講起. Che tō是外交部, 經濟產業部, 農林省, 情報機關chiah-ê有直接利害關係ê部會弱化ê證明.
美國有siáⁿ款ê歷史, 美國是siáⁿ款ê國家, 美國人teh想siáⁿ? 日本人對美國ê研究實在siuⁿ欠缺--a!用菅沼光弘ê論點來看台灣ê核能問題, kám m̄是mā án-ne? 台灣kap日本kāng款是接受美國核電設計, kāng款hō͘美國掌握kah一清二楚, mā kāng款對美國研究無透ê核能進口國, tī美國ê戰略佈局kap利益考量下, 台灣kap日本有影是龜笑鱉無尾!
311之後日本是怎麼討論核能問題的呢？在許多廢核與否的討論與論述中，各專門學者都提出實際的數據支持各自的觀點。
菅沼光弘，東大畢業後進入公安調查廳，先派駐舊西德情報機關，之後35年間專門收集舊蘇聯、北韓、中國等國的情報，1995年成為日本對外情報的實質最高長官。他在去年發表的新書《この国の権力中枢を握る者は誰か》（這個國家的權力中樞掌握在誰手中），對於核能問題提出新的觀點。以下簡單介紹他的論點。
要討論核能問題就必須先了解「核能電廠」最初是怎麼進入日本的事實。
廣島、長崎兩顆原子彈之後，美國的海軍積極希望將這種新能源運用在潛水艦上，美國因此許可當時最大的電器品牌GE以及西屋研究開發核能，最後西屋得到政府採用。但此時GE已投入太多人力、物力在研究上，不能不想辦法回收。美國將GE開發的核電廠高價賣給戰敗國的西德、日本以及中立國瑞典。
如果是一般的商業買賣，買貴也就算了。最大的問題是，GE的核能研究原本來自軍方委託，其中有太多美國軍事機密，GE的產品有太多日本人無法明瞭的機密，日本人只能按照GE的指示操作，萬一發生緊急狀況，日本技師當然無法處理，這是日本核能電廠最大的失敗。美國核電廠為了避免恐怖攻擊，將反應爐放進地底下，但在日本這種有地震、海嘯的國家，GE這樣的設計並不適合。
美國在日本經濟成長期對日本做了詳細研究，非常清楚日本財界、政界、官方之間的利益關係。以TPP（泛太平洋戰略經濟夥伴關係協議）為例，日本人幾乎都不清楚TPP是經過美國綿密的計算，讓日本不得不參與其中，日本社會卻不討論美國的動機，甚至最好別提。這就是外交部、經濟產業部、農林省、情報機關等這些有直接利害關係的部會弱化的證明。
美國有著怎樣的歷史、美國是怎樣的國家、美國人想些什麼？日本人對美國的研究太過缺乏了！以菅沼光弘的論點來看台灣的核能問題，不也是如此？台灣和日本同是接受美國核電設計、同樣被美國掌握得一清二楚，也同樣對美國研究不甚透徹的核能進口國，在美國的戰略佈局與利益考量下，台灣和日本可真是一對難兄難弟！
留言列表
