Lán ê生活, lán ê思考hō͘電視影響kah siuⁿ深, mā hō͘電視pa̍k kah過頭--a.
Chhiâng-chāi聽做人父母--ê講, 用電視來顧gín-á siōng-kài好, chhōa gín-á siuⁿ thiám, siuⁿ hùi-khì, 電視chi̍t-ē開, kā gín-á hē tiàm電視頭前, sûi thang喘1口氣, gín-á ē tiām-tiām-á坐tī電視頭前, 目chiu ē hō͘電視放送ê bàng-kah tèng-tiâu--leh, 父母mā thèng好hioh喘.
M̄-koh án-ne來, soah ē失去真chē kap gín-á溝通互動kap引chhōa, 培養gín-á思考ê機會. Chit-má ê少年人bē-hiáu溝通, m̄知tio̍h理解別人, 真大ê因素是án-ne來造chiâⁿ--ê. 電視hiah緊, hiah直接, 單向ê刺激, hō͘ lán kioh是ē-tàng hō͘ gín-á借chiah-ê刺激, koh-khah緊來成長, 來學習語言hām表達, 視覺ê刺激soah khàm過聽kap思考ê能力, 人hām人實際對話, 互動kap雙向溝通, chiah是培養表達, 思考kap理解別人siōng有效ê方式.
Koh再講, chit-má台灣電視台放送ê bàng-kah, 差不多lóng用華語, gín-á若hō͘電視台pa̍k-tiâu--leh, 真緊tō ē hō͘電視ê華語牽去, 放棄母語表達; 電視台bàng-kah節目ê配音聲調lóng真無協調, 真chha̍k-hīⁿ, 內容chiâⁿ chē koh是pháiⁿ模範, phah來phah去, 罵來罵去, 想辦法beh kā人phiⁿ, 特別是真chē怪奇ê用語總--是hō͘ gín-á o̍h來tòe leh講. Hiah-ê節目對gín-á ê成長根本是負面khah chē過正面.
大人依賴電視ê情形mā無khah好. Tī chit-má ê社會, 電視是主要ê資訊來源kap娛樂pàng鬆siōng直接ê工具. M̄-koh lán ê電視台hō͘ lán siáⁿ款ê資訊, koh hō͘ lán siáⁿ款ê娛樂品質?
像連續劇, 特別是hiah-ê強調「本土劇」--ê, 製作費無chē致使佈景kap道具siuⁿ ló-chhó, siuⁿ chhìn-chhái bē要緊, 劇本內容soah lóng違反常理, kap社會hām人性ê實際情形mā bē通, 劇情ê編排chiâⁿ無用心, 像有1齣chit-má tng teh放送ê 8點本土連續劇, 有1段是手術了後, sûi ē-tàng行出手術房.
Chiah-ê本土劇ê內容, 無論背景是seng-lí場, 夜市iah是做球員, 醫生, 工程師, kám-á店頭家ê故事, 劇情lóng無siáⁿ區別, mā看bē出無kāng職業ê差別, 劇本ê演變差不多lóng kāng款, chi̍t-kóa beh kā人sio害, beh kā人設計ê安排, mā lóng hàm kah有chhun, tī真實ê世界nah有可能發生? 若koh sió khah認真kā看, koh ē發現hiah-ê主角人物ê性格kap表現, 根本to無sêng台灣人. 無ha̍h實際社會, 人物mā無符合具體ê台灣人, che是siáⁿ-mih「本土劇」? Chit款品質koh粗koh kē-lō͘ ê戲劇, ta̍k工soah有hiah-nī chē人準時坐tī電視頭前等leh看, chiâⁿ chē人平常時á ê話題mā lóng hō͘劇情ê內容khan-bán tiâu--leh, lán對實際, 具體ê生活, 教養, 環境轉變kap社會變化ê討論對話, to lóng hō͘ chiah-ê電視劇替代kap oai-chho̍ah--去-a.
Lán teh怪罪chit-má ê少年家價值觀混亂行為偏差iah是人情冷薄ê時, lán tiāⁿ-tiāⁿ teh看ê綜藝節目teh做siáⁿ? 有kek khong kek siáu--ê, 有kui工teh phah môa-chhiok--ê, 有cha-bó͘ gín-á chhēng kah làu奶làu kha-chhng-táu--ê. Lán teh指責少年世代ê時, tō是綜藝節目教lán ê gín-á hi-hoa, 空虛kap物化女性ê價值, lán若坐tiàm電視頭前, chūn開chiah-ê節目, iáu是頭殼khang-khang看kah笑hai-hai, kám m̄是? Koh像chhèng有1段時間ê唱歌比賽節目, pìⁿ做jōa-nī chē人ê共同話題, 參加者若tio̍h等, sûi thang出名thàn大chîⁿ, chit款價值錯亂扭曲ê「教化」功能, 又koh有jōa chē人ē警覺--tio̍h?
舊年日本Fukushima發生大災難, 日本媒體安定人心ê功能hō͘ lán真深ê印象. 台灣--leh? 台灣ê新聞台到底ē-tàng hō͘ lán siáⁿ款有lō͘-ēng ê資訊? 新聞報導bē-su pìⁿ做綜藝節目, 不時做ê專題報導mā bē-su pìⁿ做某1間餐廳, 某1間高消費店ê廣告kāng款. 新聞報導頭1條chiah teh講kē收入者ê困境, 後1條新聞sûi teh報toh 1 ê hó-gia̍h人ê「消費品味」; chiah chhím報講台灣hó-gia̍h-sàn jú來jú嚴重, 等--chi̍t-ē sûi koh報toh 1 phiàn『豪宅』án-chóaⁿ súi tú án-chóaⁿ súi; chiah tú報講官商勾結真惡質, 報了soah teh美化toh 1 ê企業ê形象; liam-mi報講台灣核電廠問題bē-chió, liam-mi koh報講台灣若無核電, 經濟百面ē chhē底. 台灣ê新聞是teh反映社會實際ê困境kap問題源頭, iah是麻痹--人, kā人對權勢結構ê不滿se̍h對別位去?
新聞台ê評論性kap談話性節目, hiah-ê主持人kap來賓ta̍k-ê to無所不知, tō算是錄節目chìn前chiah看tio̍h討論主題ê資料, iáu是ē-tàng講kah chhùi角全pho, 無論是政治, 經濟問題, 無論是天文, 地理iah是天災地變, hām外星人問題mā lóng有châi-tiāu chòaⁿ kah有1支pèⁿ.關係政治議題iah是選舉評估, in發表ê觀點koh-khah是有特定ê立場kap利益, 像kāng款ê tāi-chì發生tī in支持kap反對ê陣營, in ê論點kap結論百面ē tò-péng, in評斷tāi-chì ê標準隨時ē-tàng為tio̍h特定ê條件來tńg-se̍h.
Ta̍k暗, 各別ê支持者電視開--開, to lóng慣勢ē chūn去看chiah-ê節目, 聽hiah-ê發言者khang-chhùi-pō͘-chi̍h, 畫烏漆白, 看1 ê影生1 ê kiáⁿ, 支持者對討厭對象ê觀點一律排斥kap否定, 對崇拜對象ê講法全盤接受, tō準真chē講法sio衝突sio矛盾in mā bē要意, koh ē sa leh sì-kè說(soeh), 心思lóng hō͘ chiah-ê電視新聞評論者ê議題牽leh gōng-gōng-se̍h. Poaⁿ戲--ê無siáu, in講siáⁿ款ê話lóng有in特定ê立場kap考慮, m̄-koh看戲--ê聽kah hīⁿ-á phak-phak, che tō有影是khong--lo͘h.
我們的生活、我們的思考受電視影響太深,也被電視束縛得過頭了。
常聽為人父母者說,電視是小孩最好的保姆,帶小孩太累、太麻煩,只要電視一開,把小孩往電視前一丟,立刻能夠得到清閒,因為小孩會靜靜地坐在電視前,眼睛緊盯著電視放送的卡通影片,父母也樂得輕鬆。
但這樣一來,卻失去了許多和孩子雙向互動和引發、培養思考的機會。現在年輕人不善於溝通、不懂得同理心,很大的因素來自這種成長過程。電視那樣直接、快速、單向的刺激,讓我們誤以為可以讓孩子藉由那些刺激更快地成長與學習語言和表達,過度的視覺刺激卻掩蓋了聽覺和思考的能力,疏忽了人與人真實的對話和雙向溝通,才是培養表達、思考與同理心最有效的方式。
而且現在台灣電視台放送的卡通,差不多都是華語,小孩若被電視吸住,很快就會被電視的華語拉走,放棄了母語能力;電視卡通節目的配音音調都特別誇張、不協調而且刺耳,內容更是充斥著歹模範,打來罵去、佔人小便宜等,特別是許多奇怪的用語總是被孩子學來掛在嘴上。那些節目對孩子的成長根本是負面多於正面。
大人依賴電視的情形也沒有好多少。在現代的社會,電視是主要的資訊來源與娛樂放鬆最直接的工具。但是我們的電視台提供給我們什麼樣的資訊,又給了我們什麼樣的娛樂品質?
像連續劇,特別是那些標榜本土劇的節目,製作費用不充裕導致佈景、道具粗糙,隨便不要緊,劇本內容卻都違反常理,也不符實際社會和人性的表現,劇情的編排實在太不用心了,例如有一齣正在上演的八點檔本土劇,有一段劇情是手術後馬上自己走出手術房。
這些本土劇的內容,無論背景是商場、夜市或演出球員、醫生、工程師、雜貨店頭家的故事,劇情流程千篇一律沒有區別,也看不出不同職業的差別,一些要害人、設計人的安排,也都誇張到爆,在真實的世界有可能發生嗎?若再稍微認真看,就會發現那些主角人物的性格和表現,根本不像台灣人。脫離實際社會,人物也不符合具體的台灣人,這是什麼「本土劇」?這種品質又粗糙又低路的戲劇,每天卻吸引了那麼多人準時坐在電視機前等著看,很多人平常互動的話題又都圍繞著這些劇情內容,我們對實際、具體的生活、教養、環境轉變和社會變化的討論對話,都被這些電視劇替代和轉移了。
我們常責怪現在的年輕人價值觀混亂、行為偏差或人情冷漠時,我們常常收看的綜藝節目在做什麼?有裝瘋賣傻的,有整天在教人打麻將的,有年輕女孩穿著清涼暴露的。我們指責年輕世代時,就是綜藝節目把我們的年輕人引領到奢華、空虛和物化女性的價值,我們卻仍坐在電視機前,打開這些節目,腦袋空空看得笑哈哈,不是嗎?又像流行有段時間的歌唱比賽節目,成為多少人的共同話題,參加者若得名,馬上能夠出名賺大錢,這種價值錯亂扭曲的「教化」功能,又有多少人警覺到?
去年日本福島大災難,日本媒體安定人心的功能給我們留下很深的印象。台灣呢?台灣的新聞台到底能夠給我們什麼有用的資訊?新聞報導有如綜藝節目,不時播出的專題報導也好像變成某間餐廳、某間高消費店的廣告一樣。新聞報導前一則報導低收入者的困境,下一則新聞立刻歌頌著某個有錢人的「消費品味」;才剛報導台灣貧富差距愈來愈擴大,緊接著卻報導某一遍「豪宅」多美多高價位;剛報導官商勾結很可惡,報完下一條新聞卻在美化某個企業的形象;一下子報導台灣核電廠問題叢生,一下子又強調台灣若沒有核電,經濟將摔至谷底。台灣的新聞是反映著社會實際的困境和問題源頭,或是用來麻痹人,轉移人們對權勢結構不滿的情緒?
新聞台的評論性和談話性節目,那些主持人和來賓每個都無所不知,即使是錄節目前才看到討論主題的資料,依然能夠講得口水四射,無論是政治、經濟問題,無論是天文、地理或天災地變,連外星人問題都有能力口沫橫飛。對於政治議題或選舉評估,他們發表的觀點更是有特定的立場與利益,像一樣的事發生在他們支持和反對的陣營,他們的論點和結論絕對完全相反,他們評斷事件的標準隨時能夠為了特定條件來轉換。
每晚,各別的支持觀眾打開電視,總是習慣性地轉台到這些節目頻道,聽那些名嘴空嘴哺舌、畫烏漆白,看一個影生一個囡,支持者對討厭對象的觀點一律排斥與否定,對崇拜對象的講法全盤接受,即使許多說法自相衝突與矛盾他們也不會在意,還會四處放送,心思都被這些新聞名嘴的議題拉著跑。演戲的沒瘋,他們講什麼樣的話都有他們特定的立場和考慮,然而看戲的聽得確信無疑,這有影是「空」啊。
留言列表