台灣組合

有1對ang-á-bó͘, 有1工kha-báng hông搶--去, 去報案. 過1段時間了後, 搶匪因為其他案件hō͘警察lia̍h--tio̍h, 警察通知in去警察局指認, mā kā hông搶--去ê kha-báng kap內底ê mi̍h-kiāⁿ領--tńg-去. 警察kā kha-báng phah--開, kap chit對ang-á-bó͘ hām搶匪1項1項點交, 發現ke 1 ê皮包á出--來, 搶匪講hit ê皮包á是i ê, in ang-á-bó͘清點了後, kā mi̍h-kiāⁿ lóng koh lok落kha-báng內底, thèng-hāu手續辦好勢, tō kā kha-báng拖--leh tńg厝--a.

經過1段真久時間, 搶匪接受法律制裁了出獄--a, chit對ang-á-bó͘聽講當年搶in kha-báng ê人其實真hó-gia̍h, koh有人風聲講, 當年hit ê皮包á內底té--ê lóng是鑽石. In ang-á-bó͘真m̄甘願, chi̍t-sì-kè kā人tâu講當年hit ê皮包á mā是in ê. 人kā in ang-á-bó͘講, 是lín ê, tō去kā討--tńg-來ā; m̄-koh chit對ang-á-bó͘ m̄敢, kan-taⁿ一直放風聲, koh煽動別人去替in討——che tō是釣魚台ê真相.

台灣有chi̍t-kóa人講釣魚台是台灣ê, 原因是: 日本時代釣魚台是宜蘭頭城管--ê. Tī日本時代, kui-ê台灣, 澎湖lóng是日本ê, 日本政府想beh kā釣魚台行政範圍畫tī toh位, he是日本人ê tāi-chì. 二次大戰結束, 日本kā台灣, 澎湖hām附近島嶼ê範圍交hō͘盟軍, 是根據〈馬關條約〉當初時得--tio̍h hām佔領ê部份, 釣魚台無tī當年〈馬關條約〉割讓ê範圍內, 當然tō脫離宜蘭頭城, tńg去日本ê管轄--a. 台灣人nah ē hiah-nī gōng, soah koh有台灣人跳出來要求馬英九tio̍h ngē--起-來.

China人一直真討厭台灣人kap日本siuⁿ óa近, 一直chhōe問題beh hō͘台灣人kap日本人oan-ke, 為beh煽動台灣人kap in kāng款bē kiàn-siàu去『保釣』, tō講釣魚台有真chē石油, kā釣魚台the̍h--tńg-來, ta̍k ê人ē-tàng pun kúi-nā千萬chit款siáu話. 最近koh-khah hàm, khah早台灣sông kan-taⁿ知石油值chîⁿ, chit kúi年來『稀土』chit ê名詞chhiâng-chāi出現, in tō koh講釣魚台有大量ê『稀土』. Kán, 保釣船chi̍t-ē óa近釣魚台tō hông lia̍h--去--a, nah有法度去研究kap探測? 若無正經實地做過研究kap探測, nah有資料thang好證明hia有『稀土』? Toh 1工屎若值chîⁿ, in māē講kui-ê釣魚台lóng是屎做--ê.

Kā台灣裝siáu--ê到chit款地步, 犧牲--ê是台灣ê漁民.

有一對夫妻，有一天行李箱被搶了，去報案。過一陣子，搶匪因其他案件被警察抓到，警察通知這對夫妻到警局指認歹徒，並領回被搶的行李箱和裡面的物品。警察打開行李箱，和這對夫妻及搶匪一一點交，發現多出一個小皮包，搶匪說那個小皮包是自己的，夫妻清點物品無誤後，把東西裝進行李箱，辦完手續就拖著行李箱回家。

隔了好久，搶匪接受法律制裁完了出獄，這對夫妻聽說當年搶他們行李箱的人其實是有錢人，還有人傳說當年那個小皮包裡面其實都是裝鑽石。夫妻心有不甘，到處向人說當年那個皮包也是他們的，人家跟這對夫妻說，是你們的，那去要回來啊；但是這對夫妻不敢，只是一直放風聲，並煽動別人幫他們追討——這就是釣魚台的真相。

台灣有部份人說釣魚台是台灣的，原因是日治時期釣魚台歸宜蘭頭城管轄。在日治時期，整個台灣、澎湖都是日本的，日本政府想把釣魚台行政範圍畫進哪裡，那是日本人的事。二戰結束，日本向盟軍歸還的台灣、澎湖及其附近島嶼的範圍，是根據〈馬關條約〉當初所割讓並佔領的部份，釣魚台並不在當年〈馬關條約〉的割讓範圍內，當然就脫離宜蘭頭城回歸日本了啊。台灣人怎麼那麼笨，竟還有台灣人跳出來要求馬英九硬起來。

支那人一直很討厭台灣人與日本接近，一直找問題要讓台灣人和日本人吵架，為了煽動台灣人和他們一起不要臉地「保釣」，就說釣魚台有很多石油，拿回釣魚台每人可以分幾千萬的這種瘋話。最近更誇張，以前台灣土包子只知道石油值錢，近幾年「稀土」這個名詞常出現，所以就又說釣魚台有大量的稀土。幹，保釣船一接近就被抓走了，哪輪得到妳研究、探測？如果沒有實地研究、探測過，又哪來的資料證明有稀土？哪天大便值錢了，他們也會說整個釣魚台都是大便做的。

愚民台灣到這種地步，犧牲的是台灣的漁民。

──《TGB通訊》第157期(2012/10)