All of TGB:
Tī chia (Hái-kun Ki-su̍t Ha̍k-hāu) tē 2 lé-pái í-keng khah kòan-sì--a, téng lé-pái phòa-pēⁿ, kui-ê lâng siān-tauh-tauh, bē-su beh sí--a, chit lé-pái koh o̍ah--khí-lâi-a.
Tī chia tō ká-ná tī ha̍k-hāu teh siōng-khò, 6:00 khí-chhn̂g, piàⁿ-sàu, chia̍h chái-khí, 8:00~12:00 siōng-khò, e-po͘ siōng kàu 16:20, e-àm ū-tang-á『晚自習』, ū-tang-á sī "piàⁿ-sàu", ē-tàng lō͘-iōng siōng-khò ê khang-phāng khòaⁿ-chheh, siá-phoe iah sī khòaⁿ pò-chóa.
Cha-hng 12/17, China Sî-pò ê phiau-tê sī:『國親不反獨, 民進黨主打組織戰』, khòaⁿ 1-ē soah gāng--khì, éng-kòe lóng sī Kok-bîn-tóng teh phah cho͘-chit-chiàn, chín soah ōaⁿ Bîn-chìn-tóng? Kok-bîn-tóng ūi-tio̍h sóan-phiò, chin-chiàⁿ ǹg to̍k ê chit-pêng sió sóa--kòe-lâi-a, in kóng ê『台獨也是台灣人未來的選擇之一』, hām Bîn-chìn-tóng ê "Tâi-to̍k Tóng-kong"『5個如果』, koh ka-siōng kong-tâu ê ì-sù kám m̄-sī chiok sio-siâng? Kám m̄-sī lóng beh sêng-jīm China Bîn-kok? Lóng sī beh î-chhî hiān-chōng, beh tán sí?
Chōe-kīn, Kok-bîn-tóng ê sóan-kí chhek-lio̍k hóan-èng ke chin o̍ah, ùi kong-tâu li̍p-hoat, kàu bô hóan Tâi-to̍k, hōan-sè ū 1 kang, chin-chiàⁿ ē chhiūⁿ Chhoan-peh--á kóng--kòe-ê, ōaⁿ Kok-bîn-tóng hoah Tâi-to̍k, ōaⁿ gōa-séng-lâng teh hoah Tâi-to̍k!
Ùi Bîn-chìn-tóng hôe-èng Kok-bîn-tóng ê kóng-hoat (Tân Kî-māi kóng--ê), lán ē-tàng khòaⁿ-chhut 2 tóng lóng sī teh sńg sóan-kí chhek-lio̍k, Tân Kî-māi kong-kek Liân Chiàn taⁿ-á kóng Bîn-chìn-tóng siōng hó hòng-khì Tâi-to̍k, kòe kúi-kang-á niâ, koh kóng ē-tàng chiap-siū, piáu-sī i sī bú ké--ê.
Bîn-chìn-tóng mā kóng beh sêng-jīm China Bîn-kok--a, án-ne kám m̄-sī kāng-khóan teh bú ké--ê? In liân kēng-sóan kóng-kò to chhiùⁿ ROC kok-koa--a, án-ne koh káⁿ kóng pa̍t-lâng? Si̍t-chāi sī "Ku chhiò pih bô bóe"!
Chit-kóa kám-sióng hām ta̍k-ê hun-hióng, hoan-gêng lâi thó-lūn chí-kàu.
留言列表
