Tek-hôa~2004.2.28

 

Góa ê朋友, 同學, góa ê sianpai koh有厝--nih ê, ta̍k-ê to熱情走去參加228手牽手ê活動, á像所有「愛台灣」--ê lóng出門--a.

 

電視ê畫面--nih, tī群眾tânghoah口號ê, góa目屎kiōng beh liàn---, chiokbeh kap éngkāng, hām群眾khiā tàu-tīn, chò-hóehoah, chò-hóe怨嘆, chò-hóe激動, mā chò-hóetháu心內êkhùi.

 

M̄-koh góa選擇坐電視頭前, 心肝底真矛盾, mā lio̍h-á有孤單ê感覺, góa無選擇kap熱情ê台灣人khiā tàu-tīn!

 

Kāng 1 kang, góa mā tī電視看--tio̍h: tī台北市228公園, 馬英九用ROC台北市長ê身份受難者家屬道歉, hit-chūn政府確實『處理不當』; kāng 1 kang, tī臭頭á, 宋楚瑜目kîⁿ kâm目屎, 228是歷史ê不幸, tī hit個『兵荒馬亂』ê時代, tio̍h台灣ê安全, che是無法tō͘避免ê悲劇.....

 

Góa kám有聽m̄-tio̍h? Góa kám是神經錯亂--a?

 

Lán tiām-tiām放棄歷史公道ê訴求, 歷史ê解說soah hō͘ China權力集團偷the̍h去合理化in ê壓迫, 歧視kap剝削--a! 統派the̍h「族群仇恨」ê罪名kā lán侮辱, --ê the̍h歷史ê悲情kā lán洗腦, lán soah乖乖á接受頭人ê「苦勸」, kā「武器」tàn! Góatio̍h 228失敗ê經驗teh重演! Góatio̍h lán hām反擊ê立場to放棄--a!

 

政客學客頭人嘴角全波ê口號hoah煞了後, 320 ê選票統計煞了後, 群眾ê熱情chhun siáⁿ? 群眾ê期待koh ē變做siáⁿ? 繼續替3黨政客ê政治分贓背書niâ!

 

Lán接受無公義ê體制kap歷史是「合理--ê(若是ē-tàng改名做台灣); lán接受投機nǹg-chhǹg ê價值是正常--ê (若是lán pun ē tio̍hiù-á); lán接受hông蹧躂是應該--ê (若是lán ê頭人ē-tàng繼續當選)......

 

Che tō是「台灣人出頭天」teh ǹg--ê?



 

Taco~2004.2.29

 

本來góa mā有報名「228手牽手」ê活動, m̄-koh góa無法tō͘ koh說服ka-tī去為hit-kóa bē kiàn-siàu ê政客ê利益輸贏來出力!

 

Khah, góa siōngtàu鬧熱, siōng愛行人群內底, m̄-koh cha-hng góa「背叛」身軀邊死忠, 愛台灣êchiâⁿ朋友, góakap in tàu-tīn去牽手, góa làu-phâu--a, 真無hông諒解.

 

Góa選擇ka-tī 1 ê--nih siūⁿ-khì, 看電視, bóngtio̍h 1堆人kā in ê手牽---, 有老歲á, gín-á-phí, chiok chē chiok chē--ê, 真正chiok團結--ê, tī電視頭前góa soah為台灣人ê kó͘-chui kap可憐teh流目屎, lí mā kap góa kāng!

 

Aih! 實在ē--, góa iáu無法tō͘講出1-kóa道理, kan-taⁿ ē-tàng tī電視頭前流目屎, kek-khùi, koh hō͘--nih êkap朋友誤會, kháu! lín koh khah!

 


 

Tōa-thâu-liân~2004.3.1

 

228 hit-kang góa tī電視看tio̍h民進黨ê手牽手活動kap連宋ê心連心活動, góa正港錯亂---a, 民進黨chit-pêng完全無beh228, kan-taⁿ ē-hiáu hoah hit-kóa空虛ê口號, soah顛倒換國民黨teh228, 換『宋楚瑜』tehin mā228受難者, 換『馬英九』替政府台灣人會失禮......

 

Kámhông thâi--ê teh慶祝 lán tau有死人? Iahkâng thâi--ê teh哀悼thâi無夠chē?

 

229 góa kāng電視頭前看謝長廷kap『李敖』ê公投辨論, 結果『李敖』開始tō teh教示chiah-ê台派政客, i強調 i chit-ê外省人為台獨案hông--, 民進黨檯面上chiah-ê政客顛倒無人為台獨hông lia̍h--(美麗島事件是台獨案).

 

I:Hoah beh台獨ê政黨chit-má執政--a, soah顛倒無beh台獨, 根本sńg--ê; beh kap中國談判, 無對等beh án-chóaⁿ談判?I koh:「公投題目內底無"對等" chit 2, 若用中華民國ê身份去談, án-ne lánin其中1niâ, behsiáⁿ? 若用台灣共和國ê身份去談, 根本to iáu-bōe有台灣共和國, beh有台灣共和國siōngê時機chit-má辦公投, 陳水扁koh m̄!」「民進黨éngteh批判李登輝, i是出賣者, chit-má beh nah ē teh肯定李登輝?」「公投題目是beh kap "中共"談判, "中共"是黨是中國政府neh....

 

『李敖』出手tō kā台派政客ê死角講破--a, 1 ê外省á tehlán教示民進黨, 台灣人soah teh肯定陳水扁kap李登輝, 正港是是非不分, kui-ê lóng錯亂---a, 台灣人êchiu m̄tangchiahē清楚? Ta̍k-ê kan-taⁿ ē-hiáu chhoh『李敖』chit-ê外省áhe a-sá-put-luh--ê, soah無人beh去想iêta̍kto tu̍h kah民進黨應--, i--ê kám m̄是事實? I--ê kám m̄lán m̄願去面對--ê? Ta̍k-ê kan-taⁿ teh爽手牽手活動替陳水扁ke giú jōa chē.

 

228是台灣人ka-tī behhō͘--ê, beh清算, beh追究, chit-máChinateh解說228, in mā有死人, 講是台灣人先thâi外省á, 軍隊chiah ē---, 結果, 228變做是Chinaê 228! 台灣人ka-tī放棄228 ê歷史解說權! Koh來少年人對228 ê認知China支那人in chit套講法, in變做是受害者, hit-chūn ê屠殺者變做是維持正義kap和平, 台灣人soah變做是228 ê兇手...... che tō是陳水扁kap李登輝叫lán『擺脫悲情, 向前看, 不要向後看』, chiah ē kā歷史讓hō͘ Chinateh解說!

 


 

N.C.U.~2004.3.4

 

228手牽手ê活動, góan tau kan-taⁿ góa無去, góan pa-pahit-kang iáu一直叫góa tàu-tīn, m̄-koh góa tō, góan pa-pa真無歡喜. Hit-kang e-po͘ góa kap Kek-iûⁿ走去228爆發ê所在──延平北路kap南京西路口,算是用ka-tī ê方式來追念228.

 

國民黨chit-pái--êm̄-tioh, 民進黨是利用228 teh bú選舉造勢, 若無, 應當ài tī台北市ê公賣局(228 hō͘台灣人放火燒), 行政院(228 tī hia用機關chhèng phah台灣人), 總統府, 基隆港, 埔里(二七部隊), 台南市圓環, 嘉義水上機場, 高雄要塞, 高雄中學....同時辦追思活動chiah tio̍h. 手牽手了後,ta̍k-ê到底知iáⁿ 228對台灣人ê意義是siáⁿ--? Hit-chūn中國人是án-chóaⁿ beh thâi台灣人? 台灣人為chóaⁿbeh反抗? kan-taⁿiáⁿ 228 ê時真chē中國人thâi台灣人, 其他--ê lóng m̄, bú kah hiah大場有siáⁿ-mih意義?

 

Góa認為檯面上ê政黨lóng是「執政黨」, 國親新iah是民進黨台聯, lóng khànglih台灣人頭殼頂, kám m̄? Líê hegemony (文化霸權), góain lóng!

 

最近去se̍h台北冊展, hiah-ê出版社掌握lánchit-ê世界ê方式, lán kan-taⁿ ë-tàng透過inê冊了解chit-ê世界, --tio̍h tō ē. Koh, che 1~2góaê電影siōng無有100, kan-taⁿ 2齣是「國片」, soah是唯二góa看了想beh退票--ê, 比第三世界ê電影khah àu, 根本知是tehtoh 1ê故事.

 

台灣人án-chóaⁿ teh反抗--ê? 手牽手了後, tńgkāngchūn開電視, kāng款看統派媒體ê nōa節目, kāng款訂統派報社ê報紙, 看統派出版社ê雜誌kap, tō算民進黨koh再連任kúi-nā pái, tō算隨宣布改名做「台灣共和國」, to bē改變siáⁿ-mih! Lán慣勢人chhī ê mi̍h-kiāⁿ--a, lán kohka-tī ê mi̍h-kiāⁿhàu-ko͘, beh án-chóaⁿ起造ka-tī ê文化kap國家?

 

若相信權力kap命運掌握tī ka-tī手頭, nah tio̍h煩惱siáng ē tiâu? 愈來愈chē人相信陳水扁若無贏, 台灣--a, ta̍k-ê煩惱『泛藍』親中國, ë三通......, m̄-koh陳水扁kāngē án-ne? 制憲? Behtoh 1ê? siáⁿ-mih? 清國êài林爽文朱一貴反清復明, 日本人來ài祖國救, 中國人來ài民進黨kap李登輝來救, 世界有toh 1國是án-ne獨立--ê? Chit-pái手牽手講是學Baltic (波羅的海) 3, 拜託, mài kā人侮辱好--?

 

另外, góabeh寫勞工運動ê論文, chiâⁿ chē工運ê文獻, ta̍kto講台灣ê工運bú bē--, 是因為hiah-ê勞工團體是國民黨飼來控制--lán-ê, m̄-chiah無法tō͘形成自主ê工運. 台灣ê工運已經ùi基層nōa到全國--a, 靠既有ê體系發展是死路, 無論siáⁿ-mih社會運動, 一定ài chhōe-tio̍hê戰場, 開新ê陣地.

 


 

Gî-chēng~2004.3.12

 

228 hit-kang, góa mā走去苗栗參加手牽手ê活動. Tī現場, tio̍h台灣人對未來iáu是充滿希望, 無受tio̍h hiah-ê媒體kap政客ta̍k-kang『唱衰』台灣ê影響, án-ne來對台灣ê未來失望. 2:28 ê, ta̍k-ê tàu-tīn kā手牽---, hit-chūn, góa真正chiok感動--ê!

 

M̄-koh góa mā teh, chit場活動像是為tio̍h選舉造勢辦--ê, 媒體iáukā chit場活動報導kahteh『嘉年華會』, tī藍綠選舉決戰愈來愈óaê chit-chūn, behche kap選舉造勢無關係, 實在是siuⁿ hau-siâu--a.

 

M̄-kohē-sáichit-ê機會加強社會教育, hō͘無了解iah是無機會知iáⁿ 228 ê大眾, tī chit-ê活動--nih koh khah了解228 ê意義, góaē koh khah功德圓滿.

 


 

Î-kun~2004.3.22

 

228 chit-kang, góa九如路kap延吉街路口ê服務台tàu-saⁿ-kāng. Góa ùi e-chái-á 10到位--a. 一直到活動結束, e-po͘ beh 3chiah離開.

 

開始kan-taⁿ kúi-êtī hiatàⁿ, 來往ê人無論是騎車經過iah是行--lóng一直kā góan金金看. 其中有1a, io͘-tó͘-bái經過êkā góan:「少年--ê lín bē-bái--o͘. 加油. 加油.Góa聽了真歡喜. Chegóa1 pái參與chit種活動.

 

Iáu-bōe12, tō陸陸續續有經過ê人來問講kúi點開始牽手. Mā有真chēē kā góan討旗á, 布條iah是帽á. Chit, góa感覺tio̍h台灣人ê熱情kapchit-ê活動ê重視. chiah chē人支持chit-ê活動. Iáu-bōe12點半有人來報到--a. 愈接近2:28, chē. 主辦單位準備êá, 布條kapá iáu-bōe2tō lóng pun--a. Ta̍k-ê熱情ê台灣人, 面容lóng是歡喜, 期待--ê, 無悲傷, 無艱苦.

 

高雄中tàu實在真熱, m̄-koh lóng無人想beh離開. 2:28, ta̍k-ê to tòe連長大聲hoah出「台灣Yes」「China No」「支持公投」. 1 ê人手牽手, 心連心, ta̍k-ê khiā chò-hóe, 無論是toh ê, 是客人, Hō-lóiah是原住民, 全部lóng手牽手, ta̍k-ê lóng是愛護台灣chit-te土地ê. 因為lán ê目標lóng kāng, 「反飛彈」「愛和平」.

 

Chit-kang góatio̍h chiah chē愛台灣ê, ta̍k-ê lóng用行動來證明愛台灣ê, góa感覺真感動. 2004年以後換lán台灣人做主--a. 台灣是lán ê寶貝.

 


 

Bō͘-chin~2004.3.28

 

台灣ê228事件」是20世紀世界3大政治屠殺之1, tī台灣人心內, 1 ê iáu-bōe kian-phí ê孔嘴, mā1段永遠bē-tàng bē--ê歷史. M̄-kohgóan chit輩受國民黨教育洗腦e一般少年人來講,228事件」猶原是『模糊』--ê. Góa自細hàn tō bat大人講過「228, m̄-koh正經ka-tī思考, chhōe228ê資料來看已經是大學以後--a.

 

入來成大ê, góa tō tiāⁿ-tiāⁿ聽學姊學長講, 學校ê『榕園』是「228hit-chūn chhèng殺真chē台南人ê所在, 所以「陰氣」chiâⁿ. tio̍h chit-ê原因, cha-po͘宿舍chiok chē「人」字型起---, thang增加『陽氣』. chit段歷史êlóng親像teh講恐怖êá故事kāng, 勸人暗時siōngmài經過『榕園』, 若不得已ài經過, 一定àikhah--ê, êmā lóngkah. Góa tútio̍h chit-ê tāi-chì ê, 心內chiokShock--ê, 1 kái hiah具體感受tio̍h身軀邊有1 ê所在是「228ê歷史現場. --ta̍k-kang上課經過『榕園』, góa lóng ēkhah--leh, 斟酌, chia tō57冬前chē-chē台灣人, góa ê祖先hông thâi--ê所在. M̄-koh, chit-má當做是講「校園鬼故事」ê 1 ê題材, iáu kohjōa chē少年人知iáⁿ i ê歷史意義?

 

今年ê 227, góa有機會參與「228記念座談會」ê活動, 透過1-kóa成大退休ê教授, in本身228受難家屬iah是親身經歷過228 ê前輩, in講「228 tī台南, tī成大 (hit-chūn是「工學院」)ê經過kap in ê經驗, 其中王克紹醫師 (i228受難者王育霖ê後生) kap chē-chē前輩lóng:228事件是族群ê問題, 是統治者kap被統治者ê問題.Chit種講法確實已經phahKMT教育體制228」簡化做「族群衝突」ê講法. M̄-koh, ùi歷史事實來看, ē-tàng講是China人惡意, 有意識--ê teh殘殺, 侮辱台灣人ê經過, hit種殘忍ê手法已經kan-taⁿ單純對付「被統治者」niâ, koh khah是對被統治ê台灣人充滿「恨」(kā台灣人當做hō͘日本人「奴化」ê種族)來糟蹋, 發洩. 座談會尾--á, chiah-ê前輩呼籲ta̍k-ê參加過tńg kang228手牽手保護台灣」ê活動, in內底有--ê已經teh beh 90--a, --ê行動chiâⁿ無方便, m̄-koh in lóng beh去參加, kohgóan chiah-ê少年人mā lóng ài.

 

228 hit-kang, 因為台南市已經有夠額ê人報名「牽手」, góa kap老師kohkúi ê同學phahbeh chò-hóe去人khah chió ê善化支援, 老師駛車, góano͘-tó͘-bái, beh出發ê, góan kā粉紅á, 青色ê「手護台灣」布條ákoho͘-tó͘-báikôan, koh chhahá, ákap2~3條布條, tō 1ǹg善化騎--. Tī--nih, góatio̍h chē-chē kap góan kāng款縛布條á, chhahá ê, 有送gah-suh ê o͘-tó͘-bái, 載菜蔬ê發財á, kohkha踏車, 沿路已經有真chēkhiā出來teh排隊準備--a, koh有遊覽車ùi góa面頭前駛--, 內底lóngaa-má年歲ê老大人, in mābeh去「牽手」--ê, tio̍h góan, chiok熱情--ê kāchhun---, góan比「chán(1) ê手勢. Kui-chōa「台1線」lóng是人, 1 ê1 ê, ùi基隆到屏東, tī chhia-iāⁿ ê日頭ē-kha, hiah-nī chē台灣人準備beh chò-hóe kā手牽---, 準備beh大聲hoah---. Góa 1面騎, 沿路ê影像, 11幕親像電影刻tī góa ê腦海, hō͘ góa感覺心chiok sêng teh beh---, --leh ê布條á kapá tī 2--ê風中飛kah愈來愈kôan......

 

台灣人ê台灣意識kap國家認同「手護台灣」ê活動確實已經提高, 凸顯出來--a, chit-ê活動形成ê氣氛kap意義góa相信ē一直台灣人心內生thòaⁿ. M̄-koh mā因為án-ne, tī台灣人hoah「族群大團結」,「和諧」,「和平」ê口號ē-kha,228ê歷史真相 kaptì choaⁿ-á失去ka-tī ê主體性, chiâⁿ228ê兇手政黨並無消失--, in改名做「泛藍」, 本質猶原無變, 57冬後iáu koh tī lán ê社會繼續chhàng-chhiu, iáu koh想孔想phāng teh蹧躂lán台灣人, 是用歷史ê真相kap社會ê公理正義做肥底, lán tō無可能發展出真正--ê, 長遠ê「族群大團結」,「和諧」kap「和平」.

 

──TGB通訊》55(2004/4)


arrow
arrow
    全站熱搜

    台灣組合 發表在 痞客邦 留言(0) 人氣()