在補習班工作也差不多半年了, 我是教小孩子英語和國中英文.
我待的補習班有4個分部; 因為是新人的關係, 所以4個地方我都要跑. 有2個分部在鳳山, 2個在明星校區, 可以很簡單就發覺到這2個地方的不同之處.
鳳山那邊的父母大部份是做生意的, 賣吃的, 穿的, 用的, 我還有1個學生家裡是開神壇的, 祀奉三太子. 鳳山的父母把孩子交給補習班, 期望孩子能讀書, 不過他們沒時間能關心孩子的成績, 想說孩子如果可以讀上去就繼續讀; 不然, 也不要緊的, 是比較消極的父母. 他們的孩子也必較不重視讀書, 說直接一點, 就是比較不喜歡讀書. 對我們來說, 孩子也比較難教.
但是在明星學區那邊的父母就不一樣了, 那裡的父母很多都是上班族, 很重視孩子的成績及教育, 孩子從小就送補習班, 所以那裡的補習班才會那麼多, 也很競爭.
我有1個在鳳山讀國中的學生, 他家裡只有媽媽在賺錢, 家裡經濟很困難, 學費常慢交, 不過他很認真, 國中才開始接觸英文, 雖然他的頭腦不靈活, 但是很肯讀書, 進步很多. 最近卻因為錢的問題, 家裡的電話被剪斷, 補習班也沒辦法來了. 我感觸很深.
人在社會的階級為什麼這麼不公平, 都別人替我們分類? 家庭的因素, 影響到孩子的教育, 接下來就是一連串不公平待遇的開始. Toathaulian, 我想我應該可以漸漸了解你為什麼不去當老師了.
Tī 補習班 khang-khòe mā 差不多半冬--a, góa 是教 gín-á 英語 hām 國中英文.
Góa tòa ê 補習班有 4 ê 分部; góa 是新人 ê 關係, 所以 4 ê 所在 lóng ài 走. 有 2 ê 分部 tī 鳳山, 2 ê tī 明星校區, ē-sái 真簡單 tō 發覺 tio̍h chit 2 ê 所在 ê 無 kâng.
鳳山 hia ê pē 母大部份是做 seng-lí--ê, 賣食--ê, 穿--ê, 用--ê, góa koh 有 1 ê 學生 in tau 是開神壇--ê, hōng-sāi 三太子. 鳳山 ê pē 母 kā gín-á 交 hō͘ 補習班, ǹg 望 gín-á tio̍h 讀冊, m̄-koh in 無 êng thang 關心 gín-á ê 成績, 想講 gín-á 若讀 ē 起--lih tō 繼續讀; 無, mā 無要緊, 是 khah 消極 ê pē 母. In ê gín-á mā khah 無重讀冊, 講 khah 直接--ê, tō 是 khah 無愛讀冊. 對 góan 來講, gín-á mā khah pháiⁿ 教.
若 tī 明星學區 hia ê pē 母 tō 無 kâng--lo͘h, hia ê pē 母真 chē 是 office worker (上班族), 真重 gín-á ê 成績 hām 教育, gín-á 自細 hàn tō 送補習班, m̄-chiah hia ê 補習班 chiok chē, mā 真競爭.
Góa 有 1 ê tī 鳳山 teh 讀國中 ê 學生, in tau kan-taⁿ 媽媽 teh thàn-chîⁿ, 厝--nih ê 經濟chiâⁿ ngē-táu, 學費 tiāⁿ 慢交, m̄-koh i 真認真, 國中 chiah 開始接觸英文, i ê 頭殼雖 bóng 無精光, m̄-koh 真肯讀, 進步真 chē. 最近 soah 為 tio̍h chîⁿ ê 問題, 厝--nih ê 電話 hông ka 斷, 補習班 mā 無法 tō͘ 來--a. Góa 感觸真深.
人 tī 社會 ê 階級是 án-chóaⁿ tio̍h-ài chiah 無公平, lóng 別人 teh kā lán 分類? 家庭 ê 因素, 影響 tio̍h gín-á ê 教育, 續--落-來 tō 是 sio 連續無公平待遇 ê 開始. Tōa-thâu-liân, góa 想 góa 應該 ē-sái ta̍uh-ta̍uh-á 了解 lí 是 án-chóaⁿ 無 beh 去做老師--a.
留言列表
