這不是心情告白, 是現實告白.
我們一家三口千里迢迢, 離開「歹賺食」的南方, 來新竹科學園區當人人稱羨, 傳說裡的「竹科新粿」, 這到底是什麼碗糕粿? 是甜粿? 芋粿? 還是菜頭粿呢?
從南部搬來新竹5個多月了, 除了適應氣候的差異外, 也觀察到這個佔有就業優勢的科技城, 有什麼荒謬, 混亂的過客現象.
我在宜蘭出生, 在台北淡水求學4年, 在台北西區及東區工作生活4年, 在大高雄地區住了六年, 現在住在新竹市東區, 這是我住過最爛的都市(新竹東區)2.
在這裡, 生活費用真的是貴死人, 房租貴(爛房子一堆, 採光差, 通風差, 設計差), 保母費貴(三節獎金加應盡的禮數要做到), 幼稚園學費貴(南部的1倍以上), 來這裡工作, 多出的薪水都被生活費吃掉了, 東西貴就貴, 服務品質卻與價格成反比, 更別想什麼人情味了, 真的是「無語問蒼天」, 為什麼要來做「被剝削」的「新粿」?
如此高的生活費, 請問, 我是住在台北市嗎? 為什麼沒看見捷運? 為什麼沒有四通八達的公車網? 為什麼到處都是機車? 為什麼沒有寬寬的人行道(地磚還會常換形狀跟顏色)? 為什麼美美的花草樹木綠地和幽靜的人工湖, 得「爬進」園區或校園內才看得到? 從園區寬闊的大路走到光復路, 為什麼會感覺是從租界走進難民營, 從規劃完善的美國社區走入貧民窟?
光復路塞車的情形就像台北忠孝東路正在挖捷運時, 塞給你死!
為什麼「新粿」這麼顧人怨? 原因是過客心態吧. 他們工作時間來園區賺錢, 下班時間, 特別是週末, 像逃難似地往台北, 台中和高雄去消費, 「來來來, 來新竹; 去去去, 去台北」, 新竹是他們賺錢的地方, 講白一點, 他們就像『掏金客』, 新竹是他們暫時的地方啦.
對「新粿」來說, 什麼反焚化爐? 恁兜的代誌啦! 什麼交通規劃的願景? 若有是應該的, 沒有也不強求! 選舉? 蝦米人做攏共款, 反正我們「新粿」戶籍又不在這裡!
這個芋粿太多的地方, 就是我目前居住的科技重鎮, 落後的城市.
1「舊過客」(老芋仔) +「新過客」(科技新貴) = 芋粿
2 西區市區交通太塞, 不喜歡去.
Che m̄是心情告白,是現實告白.
Góan 1家伙á 3 ê人千里迢迢,離開「pháiⁿ thàn食」ê南方, 來新竹科學園區做人人欣羨, 傳說內底ê『竹科新粿』, che到底是siáⁿ-mih óaⁿ-ko粿? 是甜粿? 芋粿? Iah是菜頭粿--leh?
Ùi南部搬來新竹5個外月--a, 除了適應氣候差別以外, mā觀察tio̍h chit ê有就業優勢ê科技城, 有jōa-nī-á混亂koh過頭hàm ê過客現象.
Góa tī宜蘭出世, tī台北淡水讀冊4年, tī台北西區kap東區食頭路生活4年, tī大高雄地區tòa 6年, chit-má tòa tī新竹市東區, che是góa tòa--過siōng àu ê都市(新竹東區)2.
Tī chia, 生活費用真正是貴--死-人, 厝稅貴(àu厝1堆, 光線bái, 通風bái, 設計bái), 保母費貴(3節獎金kap該有ê禮數ài做kah到), 幼稚園學費貴(南部ê 1倍以上), 來chia食頭路, ke ê薪水lóng hō͘生活費食食--去, mi̍h件貴tō貴,服務品質soah kap價siàu bē比--得, koh khah mài siàu想siáⁿ-mih人情味--a, 真正是beh哭無目屎, 是án-chóaⁿ beh來做「hông剝削」ê「新粿」?
Chiah-nī kôan ê生活費, 請問, góa kám是tòa tī台北市? 是án-chóaⁿ無看見捷運? 是án-chóaⁿ無方便ê公車網? 是án-chóaⁿ sì-kè lóng是o͘-tó͘-bái? 是án-chóaⁿ無闊闊ê人行道(地磚koh ē tiāⁿ-tiāⁿ換形kap色)? 是án-chóaⁿ有súi-súi ê花koh樹á ê草埔kap清幽ê人工湖, ài「pê」入去園區iah是校園內chiah看ē tio̍h? Ùi園區khòng闊ê大路行到光復路, 是án-chóaⁿ ē感覺是ùi租界行入難民營, ùi規劃完善ê美國社區行入貧民窟?
光復路塞車ê情形tō ná像台北忠孝東路tng teh挖捷運ê時, 塞hō͘ lí死!
是án-chóaⁿ「新粿」chiah-nī顧人怨? 原因應當tō是in ê過客心態. In工作時間來tī園區thàn錢, 下班時間, 特別是拜6禮拜, 像逃難kāng款ǹg台北, 台中kap高雄去消費, 「來來來, 來新竹; 去去去, 去台北」, 新竹是in thàn錢ê所在, 講khah白--leh, in tō像『掏金客』kāng款, 新竹是in暫時ê所在--lah.
對「新粿」來講, siáⁿ-mih反焚化爐? Lín tau ê tāi-chì--lah! Siáⁿ-mih交通規劃ê『願景』? 若有是應該--ê, 無mā bē ke想--lah! 選舉? Siáⁿ-mih人做lóng kāng款, 橫直lán「新粿」戶籍ia̍h無tī chia--lah!
Chit ê芋粿siuⁿ chē ê所在, tō是góa目前teh tòa ê科技重鎮, 落伍ê城市.
留言列表
