台灣組合

今年TGB生活營進行的方式和以往很不同.

2003年生活營走進社區, 在埔里, 賴牧師的理念, Pazeh及Kahabu的自我認同, 還有TaN米坑重建社區的集體參與, 大家對民間活跳的性命力, 有很深的感動. 去年在西螺埤頭poe, 志勳兄帶我們在庄頭庄尾四處繞, 和田庄作稼人開講, 也給大家有貼近土地的體會.

今年, 沒有安排正式的行程, 也沒有安排任何課程或議題, 在宜蘭員山青松兄那裡, 我們實際下田除草, 掘菜股, 做得腰酸背疼, 汗流浹背, 體驗勞動; 在這個庄腳所在, 大家靜心來看來聽, 讓自己沉澱; 住在不同地方的朋友, 也借這次活動, 有更多時間對話, 談理想, 論時勢; 在美虹姊與青松兄身上, 我們也看到1種性命的步調, 將運動和生活結合, 用沉靜又實在的方式, 追求著人和土地的價值.

運動不是高深的理論, 不是道德的口號, 也不只是利益的鬥爭; 運動是將信念落實在生活裡實踐, 確立自己的方向, 不脫離社會的變化和問題, 不斷加強自己的認知與能力, 找尋出適合自己的定位及方式, 與社會對話, 一直堅持下去, 就能累積出成果, 運動的意義就會自此開展出來.

今年TGB生活營進行ê方式kap éng過真無kâng.

2003年生活營行óa社區, tī埔里, 賴牧師ê理念, Pazeh hām Kahabu ê自我認同, koh有Taⁿ米坑重建社區ê集體參與, hō͘ ta̍k-ê對民間活跳ê性命力, 有chiâⁿ深ê感動. 舊年tī西螺埤頭pòe, 志勳兄chhōa lán tī庄á頭庄á尾kho̍k-kho̍k-se̍h, kap田庄choh-sit人開講, mā hō͘ ta̍k-ê有óa近土地ê體會.

今年, 無安排正式ê行程, mā無按算任何課程iah議題, tī宜蘭員山á青松兄hia, lán實際落田khau草, 掘菜kó͘, 做kah腰酸背疼, 大粒汗細粒汗, 體驗勞動; tī chit ê庄kha所在, ta̍k-ê hioh喘--chi̍t-ē, 靜心來看來聽, hō͘ ka-tī沉底; tòa tī無kāng所在ê朋友, mā借chit pái活動, 有khah chē時間對話, 談理想, 論時勢; tī美虹姊hām青松兄hia, lán mā看tio̍h 1種性命ê tempo, kā運動hām生活結合, 用tiām靜koh實在ê方式, teh追求人kap土地ê價值.

運動m̄是高深ê理論, m̄是道德ê口號, mā m̄是taⁿ-á利益ê鬥爭; 運動是kā信念hē tī生活--nih實踐, kā ka-tī ê方向lia̍h hō͘ tiāⁿ, 無脫離社會ê變化kap問題, 不斷加強ka-tī ê認bat kap能力, chhiâu-chhōe tio̍h適合ka-tī ê定位kap方式, kap社會對話, 直直kā做--落, tōē累積成果, 運動ê意義tō ē tī hia開展--出-來.

──《TGB通訊》第71期(2005/8)