當電視台在播放日本一番偶像劇《女王的教室》廣告片時，聽到那誇張的旁白，原本還以為是搞笑劇。那天晚餐吃飽後，打開電視一看，卻讓我眼睛為之一亮，看上了癮，每晚都準時收看。
內容是說一個六年級班，開學後換了一位新老師。這位老師認為全世界只有6%的人能過好的生活；愚昧與懶惰的人注定要付出代價，終生無法出人頭地；聰明與努力的人，才能享受特權；世間本來就無公平可言。在他的班級，以考試分數代表一切，第一名能夠享受諸多特權；考最後兩名者，必須替全班打雜，下課後也沒資格和老師講話。成績好、順從老師的學生，會得到鼓勵；成績爛，又想反抗的人，將受到處罰。
學生受不了如此高壓又無理的規定，讓家長去找老師理論，老師卻抓到家長的心理(期望孩子成績好, 考取好學校)，家長反而被老師說服。不止如此，老師還利用學生的矛盾與不想被人知道的秘密，讓他們互相監視；孤立、不屑反抗者。老師非常清楚學生的想法與念頭；神出鬼沒，無所不在，就像是喬志‧歐威爾在《1984》一書中所寫的──老大哥正在注視著你。學生只會在私底下表示不滿，漸漸地，有的投降，有的打小報告，只剩下那2~3個敢繼續正面對抗。
看到這裡，卻讓我嚇一跳！這不正是我們的寫照嗎！那位老師就像是我們要對抗的統治者，用它創造出來的歷史神話將我們洗腦，用特權、收買、分化的手段統治我們。我們就是那群學生。階級、頭銜代表一切；同意它的統治，自覺或不自覺當它的統治工具的人，能夠享受特權利益；至於反抗者，不但沒錢、沒名、沒地位，全台灣人還當你是瘋子。我們週遭到處充斥著統治霸權，長期的思想洗腦，使我們信仰什麼能做、什麼不能做的「真理」。
看到戲劇接近尾聲時，卻發現更像是在講台灣的「反對運動」、「民主運動」。要求國民黨要民主開放的反對人士，再怎樣也跳脫不出蔣經國「革新保台」的框架。是統治者在掌握政治、經濟、法律、教育，是它在決定選舉的遊戲規則，如同學生再怎麼作祟搞怪，仍是老師在打分數。戲裡的學生最終認同老師的理念，開始體諒老師的做法。反對人士擁有參選權後，反而維護統治者、肯定體制。李登輝當總統時，經常把「中華民國萬歲」掛在嘴邊，卸任後才又說中華民國是外來政權；陳水扁當總統後，也經常講中華民國就是台灣，遇到執政危機時，才再喊著要制憲正名。
一齣偶像劇，卻點破荒謬可笑的台灣現實。
電視台teh放送日本『一番偶像劇』《女王的教室》ê時, 聽he la-hi la-hi ê口白, 本底kioh是kek-khoe ê戲齣. Hit工暗頓chia̍h飽, kā chūn來看māi, soah hō͘ góa目chiu chi̍t-ē金--起-來, 看kah tiâu--leh, ta̍k暗to準時收看.
Chit齣戲是講1 ê 6年á ê班, 開學了後hō͘ 1 ê新來ê老師chhōa. Chit ê老師認為全世界kan-taⁿ 6% ê人ē-tàng過好ê生活; gōng人kap pīn-tōaⁿ人注定ài付出代價, 無thang出頭; khiáu koh phah拚--ê, tō有thang享受特權; 世間本底tō是無公平--ê. Tī i ê班, 用考試分數代表一切, 考第1名--ê ē-sái享受特權; 考siōng ò͘尾2名--ê, ài替全班piàⁿ掃, 下課mā無資格kap老師講話. 成績好, 聽老師ê話ê學生, ē得tio̍h鼓勵; 成績bái, koh想beh反抗ê人, ài受tio̍h處罰.
學生擋bē tiâu chit款高壓koh無理ê規定, sái-lōng家長去chhōe老師理論, 老師lia̍h tio̍h家長ê心理(ǹg望gín-á成績好, 考tio̍h好學校), 家長soah顛倒頭hō͘老師說服. M̄-tāⁿ án-ne, 老師koh利用學生ê矛盾kap m̄敢hông知ê秘密, hō͘ in互相監視; 孤立, phìⁿ-siùⁿ反抗者. 老師lóng知影學生teh想siáⁿ, teh pìⁿ siáⁿ báng; tī lí siōng想bē到ê時chūn, ē hiông-hiông出現tī lí面頭前, 親像George Orwell tī《1984》寫ê──The Big Brother is Watching You. 學生kan-taⁿ ē私底下tū-lān, ta̍uh-ta̍uh-á, 有ê投降, 有ê做jiàu-pê-á, kan-taⁿ chhun hit 2~3 ê敢繼續正面對抗.
看到chia, soah hō͘ góa chhoah--tio̍h! Che kám m̄是teh講lán! Hit ê老師tō ná親像lán beh對抗ê統治者, 用i創造--出-來ê歷史神話kā lán洗腦, 用特權, 收買, 分化ê手路kā lán統治. Lán tō是hit tīn學生. 階級, 頭銜代表一切; 同意i ê統治, 自覺iah無自覺做i ê統治工具ê人, ē-tàng享受特權利益; ah若反抗者, m̄-tāⁿ無chîⁿ, 無名, 無地位, 全台灣ê人koh kā lí當做siáu--ê. Lán ê身軀邊, sì-kè lóng是統治霸權ê iáⁿ-jiah, 長期ê思想洗腦, hō͘ lán信仰siáⁿ-mih ē-tàng做, siáⁿ-mih bē-tàng做ê「真理」.
看到尾--á, soah發現chit齣koh jú sêng是teh講台灣ê「反對運動」,「民主運動」. 要求國民黨ài民主開放ê反對人士, koh khah án-chóaⁿ mā走bē出蔣經國「革新保台」ê籠á. 是統治者teh掌握政治, 經濟, 法律, 教育, 是in teh決定選舉ài án-chóaⁿ選, tō ná學生koh án-chóaⁿ pìⁿ鬼pìⁿ怪, iáu是老師teh phah分數. 戲齣內底ê學生lō͘尾認同老師ê理念, 開始體諒老師ê做法. 反對人士sa tio̍h參選權了後, 顛倒頭維護統治者, 肯定體制. 李登輝做總統ê時, 不時teh hoah「中華民國萬歲」, 落任了後chiah koh講中華民國是外來政權; 陳水扁做總統了後, mā不時teh講中華民國tō是台灣, tú tio̍h執政危機ê時, chiah koh hoah beh制憲正名.
1齣『偶像劇』, soah thuh破hàm-ko̍ah-ko̍ah ê台灣現實.
留言列表
