早期黨外是一群反國民黨威權統治者的集結，有不滿國民黨資源分配的地方派系、有自國民黨出走的「青年才俊」、有都市裡的知識份子，思想、理念並不一致，最大公約數也不是反/推翻國民黨，而是要改革/改良那個統治體制，如擴大參政權、落實(殖民體制)憲法的人權與自由保障等，更實際的是在各大小選舉中爭取到更多當選席位。
也就是說，做為台灣反對運動(而不是反抗運動)的集結，黨外─民進黨並不是要打破那個統治體制，也沒有對統治體制做全面、深刻、一致的批判，只是要求、懇求體制的改良與調整，讓經由選舉進入體制參政的台灣人獲得更多的政治席位與資源分配。民進黨代表的只是支持群眾對國民黨情緒性的tu-lan，沒有深入地發展出反抗的思想與價值，因為那不是「反抗」，只是「反對」，而且是「忠誠的反對黨」！
二十年來我們支持著民進黨，重點到底是為了要改變困境，還是民進黨當選與否以及席次、得票率多寡呢？
我舉所謂外省本省、軍公教18%、眷改、軍公教學費補助等的問題來說明，不滿的聲音絕對不是出自「族群情結/矛盾」；但反對者提出的訴求方向，也正反映出台灣人的思考模式與價值取向，以「平等」的口號要求比照，而非要求廢除、結束「特權優待」。我們支持的民進黨只要求體制的改良與調整，而不是否定既有體制的資源分配！
對所謂外省本省的問題炒作得難分難解，到最後就拋出「族群和解」、「包容」等口號，以為就能讓這糾纏不清的燙手山芋自然消失，但只要到了選舉的緊要關頭，「族群矛盾」就又被他們從口袋裡拿出來。可是無論是舉出「族群和解」或「族群矛盾」的牌子，問題就解決了嗎？
這個糾葛不清的問題其實不是很簡單嗎？假如當前這個體制是台灣人的體制，是所謂的本土政權，那麼，若就族群、階層、階級各層面而言，資源分配與族群、階層、階級的人口比例相符合嗎？選舉出的公職比例與不同群體的相對比例相符合嗎？「歷史上」的雙重匯率、「中央民代」選舉以及公務員高普考的「省籍配額」，難道已廢除的制度與當前的不合理結構無關嗎？為什麼被剝削者得包容、體諒資源享受者的感情與歷史記憶？為什麼被壓迫者不能唾棄蔣父子，反而還得顧慮統治集團對「民族偉人」的感情呢？
而民進黨難道不是以選舉考量在處理這些面向的問題嗎？民進黨真的從資源合理分配的立場拋出議題的嗎？若真如此，那麼為什麼民進黨只敢調整18%，卻不敢毅然廢除這種「特權」？大家支持民進黨又究竟是在支持什麼呢？
提出這樣的反省若仍舊會被打為「XX沙文主義做祟」，若依然會被指責是「破壞社會和諧」；又或者批判民進黨會被斥為「受統媒影響」、是「破壞團結的歷史罪人」，那麼請問，當前這個體制到底是什麼人的體制呢？原剝削、壓制台灣人的體制真的結束了嗎？
早期ê黨外是反國民黨威權統治ê 1 tīn人結chò-hóe, 有不滿國民黨資源分配ê地方派系, 有ùi國民黨走--出-來ê政客, 有都市ê智識份子, 思想iah理念lóng無kài kâng, siōng大ê共識mā m̄是beh反iah ián倒國民黨, kan-taⁿ是beh「改革/改良」hit-ê統治體制, 像講hoah擴大參政權, 落實(殖民體制)憲法ê人權kap自由保障chiah-ê訴求, koh-khah實際--ê, 是tī ta̍k-pái選舉當選koh-khah chē席次.
Mā tō是講, 黨外─民進黨chit-ê台灣反對運動ê結合(m̄是反抗運動), m̄是beh kā外來統治體制kiat hō͘倒, 對統治體制mā無全面性, 一致性kap深刻ê批判, kan-taⁿ teh期待kap拜託體制ài改良hām調整, beh透過選舉入去體制ê台灣人, thang得tio̍h koh-khah chē政治席次kap資源分配. 民進黨代表--ê, kan-taⁿ是群眾對國民黨情緒性tū-lān, 無形成反抗ê思想kap價值, 因為in無beh「反抗」, kan-taⁿ「反對」niâ, koh是「忠誠ê反對黨」!
20冬來lán是án-chóaⁿ beh支持民進黨? 是為tio̍h beh改變lán ê困境, iah是為tio̍h beh hō͘民進黨得koh-khah chē票, tiâu koh-khah chē人, chiah來teh kap國民黨chhia拚?
Lán來看外省本省, 軍公教18%, 眷村改建, 軍公教學費補助chiah-ê問題, 對chiah-ê不滿kám是「族群情結/矛盾」引起--ê; m̄-koh反對者提出ê訴求方向, mā tú-tú反映台灣人ê思考模式kap價值觀, 用「平等」ê口號要求ta̍k-ê比照hiah-ê特權待遇, m̄是先要求ài kā「特權優待」廢掉. Án-ne來看, lán支持民進黨是要求體制ài改良kap調整niâ, 無否定既有體制ê資源分配!
先kā外省本省ê問題hut kah bē收煞, 到lō͘尾koh hoah「族群和解」「包容」chiah-ê口號, kioh-sī án-ne hoah-hoah--leh, tō有法tō͘化解chit-ê問題, m̄-koh piān若pōng-tio̍h選舉, in tō koh ùi lak袋á kā「族群矛盾」jîm出來lā. 無論hoah--ê是「族群和解」iah「族群矛盾」, 問題kám tōē解決--a?
Chit-ê問題kám hiah簡單tō thang hú掉? 若準chit-má chit-ê體制是台灣人ê體制, 是所謂ê本土政權, án-ne就族群, 階層kap階級chiah-ê層面來看, 資源分配kap族群, 階層iah是階級ê人口比例kám有sio符合? 選舉--出-來ê公職比例kám有符合chiah-ê比例? 過去ê雙重匯率,「中央民意代表」選舉kap公務員考試ê「省籍配額」chiah-ê雖bóng chit-má已經廢除, m̄-koh kap chit-má社會無合理ê結構kám lóng無關係? 是án-chóaⁿ被剝削者ài容允koh體諒資源享受者ê感情kap歷史記tì? 是án-chóaⁿ被壓迫者bē-tàng phìⁿ-siùⁿ蔣pē-kiáⁿ, 顛倒koh tio̍h顧慮統治集團對「民族偉人」ê感情?
民進黨kám有iáⁿ認真teh面對chiah-ê問題? Iah是kan-taⁿ teh考慮選舉造勢kap輸贏? 民進黨kám有iáⁿ beh kā資源分配chhiâu hō͘合理? 若有iáⁿ是án-ne, 是án-chóaⁿ民進黨kan-taⁿ敢kā 18% sió-khóa調khah kē, soah m̄敢kā chit款「特權」廢掉? Ta̍k-ê支持民進黨到底是teh支持siáⁿ?
提出chit款反省若iû-gôan ē hông批講是「XX沙文主義」, 若iáu-koh ē hông怪罪是teh「破壞社會和諧」; 批判民進黨若ē hông罵做是「受統派媒體影響」, 是「破壞團結ê歷史罪人」, án-ne, chit-má chit-ê體制到底是siáⁿ-mih人ê體制? 舊底thún-ta̍h chau-that台灣人ê體制kám chiaⁿ實結束--a?
留言列表
