《德黑蘭的囚徒》(Prisoner of Tehran)，這是一本真人真事的回憶錄，作者Marina Nemat是經歷伊朗革命且曾被關進監獄的政治犯，出生於1966年國王時期(親西方的巴勒維掌權)的德黑蘭，成長於一個在伊朗的俄國東正教家庭，其特殊的宗教信仰異於大多數的伊朗人，小時後過著如大多數孩子般無憂無慮的生活，直到1979年伊朗革命前後，生命有了重大的改變。
初戀情人在推翻國王的政治示威遊行被殺，她的幼小心靈受到巨大衝擊。而後伊斯蘭革命成功後，從海外流亡回來的何梅尼上台掌權，專制獨裁、高壓的恐怖統治，肅殺的氣氛更甚於國王時期。1982年16歲時她被捕入獄，因為抗議學校老師上課只做政令及宗教宣導，而不上有關學業內容，而後又因緣際會變成罷課並張貼批判學校文字等，與其他同學都變成了政治犯，被關進德黑蘭從國王時期就赫赫有名的Evin監獄(如台灣早期的警備總部、景美監獄)。
她在Evin被刑求，甚至險些被槍斃，因為愛上她的審問官搭救而免於一死，刑期由死刑變為無期徒刑，代價是改信伊斯蘭教並嫁給這位審問官；而後因著審問官丈夫特殊關係，再改判3年有期徒刑。最後，「有良心」的審問官在決定辭職其職務的前一週，遭到政敵刺殺身亡。作者在審問官家人的大力奔走下，服刑兩年多後假釋出獄，回到父母的身邊。因為政治犯的身分無法回到學校，她只好獨自進修取得高中學歷，後來更無懼風險再婚生子，終於在1991年逃離伊朗，逃離政治黑牢的陰影，抵達加拿大展開新的生活，在速食餐廳當服務生。2000年她開始以英文寫回憶錄。2003年發生一位加拿大裔的伊朗女子返回德黑蘭，在Evin監獄外拍攝示威遊行的抗議活動被捕，而後被刑求致死，她的遭遇讓作者決定透過文字向世界發聲，終於在2007年出版回憶錄──《德黑蘭的囚徒》。
從作者的遭遇，她並不是熱中政治改革的政治活耀份子，也沒有加入反政府組織，只是當時的政治氛圍使她「不小心」成為所謂的政治犯。20多年後，這個16歲的女學生政治犯開始將她囚禁的記憶化作文字，打破沉默，訴說自已的伊朗故事。故事出版後，作者堅稱這不是小說情節，而是真實的個人遭遇，反倒被許多當時也在Evin監獄服刑而後倖存，也來到西方國家的政治犯嚴厲批評、質疑，認為作者美化了監獄的劊子手，甚至認為這是作者從其他政治犯的故事拼湊而成的，以政治犯的遭遇變成她成名的墊腳石。一部個人回憶錄，也因立場、意識形態問題，開始角力，讀者在網路上可以看到彼此的回應。
從作者的故事、中東其他作家以及中南美洲的作家，透過文學向世界發聲時，台灣能嗎？我想到一個人物，呂秀蓮，她是個女性，出國留學，坐過政治黑牢，早期也寫小說，她的英文也行，她的親身經歷緊扣台灣民主運動的發展，透過文學形式也可以舖成一部偉大、驚世、令人矚目的小說或回憶錄。她的故事不遜於這位伊朗作家或一些中南美洲出身的作家，她一樣可以透過文學的力量，以西方強勢語言，用她的故事向世界發聲，為台灣發聲，讓台灣因而被世界看見。然而她不幸成為副總統，更重要的是政治力淹沒了一切想像力、創造力，政治抹煞了一切的可能性。除了將力氣用在組織太平洋連線、展現外交能力，或者到處視察、接受白目記者的白痴問題，並藉機大發議論外，還有什麼作用？或許她已經離開文學太久了，或許是掌握權力的想望遠大於創作的慾望，或許台灣政治人物的光環遠遠超過小說家，所以比較台灣產生了一位國際重量級的作家和產生第一位女性副總統，在典型台灣人的價值天平上，答案已經很清楚了。
《德黑蘭的囚徒》(Prisoner of Tehran), che是1本真人真事ê回憶錄, 作者Marina Nemat是經過Iran革命mā坐過監ê政治犯, 1966年出世tī國王時期(親西方ê Pahlavi掌權) ê Tehran, tī 1 ê Russia東正教家庭大hàn, i特殊ê宗教信仰kap大多數ê Iran人無kâng, kap一般gín-á kāng款--ê是, chēng細hàn tō是無煩無惱ê生活, 一直到1979年Iran革命前後, i ê性命chiah有大改變.
初戀愛人tī推翻國王ê政治示威遊行hông thâi了後, hō͘ i ê心肝íⁿ-á有chiok大ê shock. Iran革命成功了後, ùi海外流亡tńg--來ê Khomeni chiūⁿ台掌權, 專制獨裁kap高壓ê恐怖統治, hit款氣氛無輸國王時期. 1982年i 16歲ê時, 因為抗議學校老師上課kan-taⁿ teh做政令kap宗教宣導, lóng無教課程內容, 接續koh罷課, 貼批判學校ê文字, hō͘ i kap其他同學lóng pìⁿ-chiâⁿ政治犯, hông關入去Tehran ùi國王時期tō chiok出名ê Evin監獄(親像台灣早期ê警備總部iah是Kéng-bóe監獄).
I tī Evin hông刑, koh險á hông chhèng-sat, ka-chài愛tio̍h i ê審問官kā救chiah無死, 刑期ùi死刑pìⁿ無期徒刑, m̄-koh代價是ài改信Islam, 嫁hō͘ hit-ê審問官; 後--來因為審問官ang-sài ê特別關係, koh改判3年有期徒刑. Lō͘尾,「有良心」ê審問官tī i決定辭頭路chìn前1禮拜, soah hō͘ i ê對敵暗殺khiau--去. 作者透過審問官厝--nih ê人走chông, 坐監2冬外了後假釋出獄, tńg去父母身軀邊. I ê政治犯身分無法tō͘ tńg學校繼續讀冊, choaⁿ-á ka-tī進修the̍h-tio̍h高中學歷, 尾手koh結婚生kiáⁿ, 總算tī 1991年離開Iran, mā走離開政治烏牢ê暗影, 去到Canada過新ê生活, tī速食餐廳做服務生. 2000年i開始用英文寫回憶錄. 2003年發生1 ê加拿大裔ê Iran cha-bó͘ tńg Tehran, tī Evin監獄外口hip示威遊行ê抗議活動hông lia̍h ê tāi-chì, lō͘尾chit-ê cha-bó͘人hông刑kah khiau--去, i ê tai-chì hō͘作者決心beh透過文字對世界發聲, 2007年出版回憶錄──“Prisoner of Tehran”.
Ùi作者ê故事看--起-來, i m̄是注神tī政治改革ê政治積極者, mā無加入反政府組織, kan-taⁿ是hit-chūn ê政治氣氛hō͘ i pìⁿ-chiâⁿ政治犯. 20外冬後, chit-ê cha-bó͘政治犯kā ka-tī ê記tì化做文字, 無beh koh kek-tiām-tiām, 開始講i ê Iran故事. 冊出版了後, 作者堅持講che m̄是小說, 是實在發生--過ê tāi-chì. M̄-koh chiok chē當初時mā tī Evin監獄坐監活--落-來ê人, 了後mā去tī西方國家ê政治犯, 對chit本冊提出嚴格ê批評kap質疑, 認為作者替監獄hiah-ê執行者講好話póe-hōe責任; 有ê人認為che是作者kā其他政治犯ê故事tàu-tàu chò-hóe, 用政治犯ê故事去換ka-tī出名. 1本個人ê回憶錄, 為tio̍h立場kap意識形態ê問題, 開始kà力, 讀者tī網路ē-sái看tio̍h雙pêng ê回應.
Ùi作者ê故事, koh有中東其他作家kap中南美洲ê作家, in透過文學對世界發聲, 台灣kám有châi-tiāu? Góa想tio̍h 1 ê人, 呂秀蓮, i是cha-bó͘人, bat出國留學, 坐過政治監, 早期mā寫小說, koh ē-hiáu英文, i ê經歷tòe台灣民主運動ê發展teh進行, 透過文學ê形式thang寫做1本偉大koh hō͘人目chiu金ê小說iah是回憶錄. I ê故事bē輸chit-ê Iran作家iah是chi̍t-kóa中南美洲出身ê作家, i kāng款ē-tàng透過文學ê力量, 用西方強勢ê語言, 用i ê故事對世界發聲, 為台灣發聲, hō͘台灣hông看--tio̍h. M̄-koh不幸i chiâⁿ-chò副總統, 政治力kā想像力kap創造力lóng am-khàm tiâu--leh, 政治mā hō͘ chiok chē可能性lóng無--去. 除去kā khùi力khǹg tī組織太平洋連線, 展現外交能力, iah是sì-kè出巡, 接受白目記者ê白痴問題, 借機會講話, iáu有siáⁿ-mih作用? Kiám-chhái i離開文學siuⁿ久--a, mā hōan-sè是掌握權力ê欲望khah大過創作, 台灣政治人物ê光環khah大過小說家, m̄-chiah teh比較台灣有1 ê國際重量級ê作家iah是有頭1 ê cha-bó͘副總統ê時, tī台灣人ê價值秤盤頂kôan, 答案已經真清楚--a.
留言列表
