1月12日立委選舉，決定還是得回去投廢票。
阿伯照常忙著替民進黨立委候選人奔走、拉票，想不到這次連老爸也一起去「行路」(陪候選人在村內拜訪)。
11日晚上，邊看選舉公報，邊和父母親談選舉。我問他們政黨票要投給哪一黨？「國民黨」，老爸這樣說，接著便開始罵陳水扁，說他讓台灣人的希望破碎了。
隔天投票日，阿伯在投票所外顧著，看見我有回去投票，還跟我說謝謝，我不好意思跟他說民進黨得不到我這張票。那晚開票，一片藍。
晚上堂弟來問身分證弄丟了該如何處理，因為這件事，他還被我阿伯罵，講到這，我才知道我弟也沒去投票。他說：「民進黨和國民黨一樣爛！台灣就是這麼爛，沒希望。」
我弟他們平常不看報紙、新聞，也不談政治，對政治不只沒興趣還厭煩，但是因為阿伯是民進黨樁腳的關係，再怎麼說還是會去投票，投給民進黨。這一次，兩個弟弟一個要上班沒去投，一個是故意不投。為什麼一個沒有政治意識的年輕人，會說出這種話──「台灣沒希望」？
接下來要換這些出社會工作的年輕人承擔社會責任了，有多少人像我弟這樣看不到未來的希望？一群沒希望的人在支撐這個社會，那麼台灣會走到哪裡去？是誰把台灣搞爛的？我們是不是會怨恨上一代交給我們沒有希望的台灣？
大家都說民主就是人民做主，透過選舉選出人民代表，然而再怎麼選，不是國民黨就是民進黨，還是那些人/世家在輪，再怎麼選還是被限制住，「在爛蘋果裡挑個比較不爛的」。這次立委選舉，雖然有所謂的「第三勢力」參選，不過還是那些人，他們平常有做什麼？累積什麼？值得大家支持？
每次選舉民進黨都操作成「最後一戰」，台派也在旁敲邊鼓，好像不支持民進黨就是不愛台灣。難道愛台灣、要台獨、要建國、要尊嚴、要正義，非得支持民進黨不可？30年選舉下來，結果是失望、鬱卒、不滿、不爽、死心。國民黨至今仍「健在」，民進黨卻快要信用破產。
別再說什麼愛台灣就是愛民進黨、支持本土政權、民進黨若選輸外來政權就復辟了，民進黨不是台灣的獨生子。
重要的是我們該如何生存下去，我們要什麼樣的生活，我們在找尋什麼價值，未來的希望在哪裡？
Chiaⁿ月12立委選舉, 決定iáu是tio̍h tńg去tǹg廢票.
A伯照常無閒teh替民進黨立委候選人走chông, 想bē到chit-tàu連老父mā chò-hóe去「行路」(chham候選人tī庄內拜訪).
11暝, ná看選舉公報, ná kap sī大人講選舉. Góa問in政黨票beh投hō͘ toh 1黨?「國民黨」, 老父án-ne講, 續--落-去開始kiāu陳水扁, 講i kā台灣人ê希望lóng phah-pháiⁿ--去.
隔tńg工投票日, A伯顧tī投票所外口, 看góa有tńg--去, koh kā góa說多謝, góa pháiⁿ-sè kā講民進黨the̍h無góa chit票. Hit暗開票, kui盤藍.
Eng暗叔伯小弟來teh問身分證phàng見beh án-chóaⁿ處理, 為tio̍h án-ne, i koh hō͘ góan a伯--á罵, 講tio̍h che, góa chiah知影góan小弟mā無去tǹg. I講:「民進黨kap國民黨kāng款爛! 台灣tō是chiah-nī爛, 無希望.」
Góan小弟普遍時á無teh看報紙, 新聞, mā無teh講政治, 對政治m̄-nā無趣味koh ià-siān, m̄-koh a伯是民進黨thiāu-á-kha ê關係, koh án-chóaⁿ iáu是ē去tǹg票, tǹg hō͘民進黨. Chit-kái, 2 ê小弟1 ê ài上班無去tǹg, 1 ê是thiau-kang bòai去tǹg. 是án-chóaⁿ 1 ê無政治意識ê少年人, ē講出chit款話──「台灣無希望」?
Koh來是換chiah-ê出社會chia̍h頭路ê少年--ê taⁿ社會責任, 有jōa chē像góan小弟án-ne看bē tio̍h未來ê ǹg望? 1 tīn無ǹg望ê人teh keng chit-ê社會, án-ne台灣ē行tùi toh位去? 是siáng kā台灣bú kah chiah-nī àu? Lán是m̄是ē怨chheh頂1代交hō͘ lán無ǹg望ê台灣?
Ta̍k-ê lóng講民主tō是人民做主, 透過選舉選出人民代表, m̄-koh kiàn-pái選m̄是國民黨tō是民進黨, lóng是hit-kóa人/世家teh輪, koh-khah án-chóaⁿ選iáu是hông限制tiâu--leh, 「kéng 1 ê khah無hiah àu--ê.」 Chit-piàn立委選舉, sui-bóng有所謂ê「第3勢力」, m̄-koh iáu是hit-kóa人, in普通時á teh做siáⁿ-mih tāi-chì? 有累積siáⁿ? Ta̍k-ê beh án-chóaⁿ ē支持?
Kiàn-pái選舉民進黨to操作做「最後1戰」, 台派mā tòe leh tī邊--á hoah燒, bē-su無支持民進黨tō是無愛台灣. Kám講愛台灣, beh台獨, beh建國, ài尊嚴, ài正義, tio̍h-ài支持民進黨? 30冬選舉--落-來, 結果是失望, ut-chut, 不滿, bē爽, chheh心. 到taⁿ國民黨iáu kui-châng好好, 民進黨soah kiōng-beh信用破產.
Mài koh講siáⁿ-mih愛台灣tō是愛民進黨, 支持本土政權, 民進黨若選輸外來政權tō koh tńg--來-a, 民進黨m̄是台灣ê孤kiáⁿ.
重要--ê是lán beh án-chóaⁿ生存--落-去, lán beh ài siáⁿ-mih款ê生活, lán beh走chhōe siáⁿ-mih款價值, 未來ê ǹg望tī toeh?
留言列表
