再進到淡水的這所大學，已不太熟悉的校園裡，歡樂的氣氛依舊。進到L406，舉辦「漂流河岸影展」以及三鶯、溪洲部落座談會的教室，看著主辦的年輕學生生澀、靦腆地訴說這個影展和都市原住民部落面對的命運，回想起好多年前還在這裡當學生時，不也曾做著相似的事嗎？只要還有壓迫，還有不公義，這種「食飽太閒」的年輕人就不會消失吧。
說出「把你們當人看……」的那個政客，被對手陣營緊咬這句話攻擊，但對手陣營憑藉著社會翻轉不義的熱情與期待得到了「政黨輪替」的機會，掌握行政權8年，除了選舉的口號和政治操作的手段，他們如何回應社會的熱情與期待？8年來，行政院原住民委員會的冷氣房裡，那些曾經是原住民運動頭人的高官們，心中可還記得被壓迫、被剝削的原住民同胞？
當影片放送出那個政客說出「你們來到這裡，就要遵守這裡的遊戲規則……」，這句話顯露出的心態，比「把你們當人看……」更為鴨霸、更為傲慢！原住民為了工作機會遷徙來都市，就得遵守都市人的遊戲規則？誰的遊戲規則？都市裡的優勢階級、掌握公權力的官僚、政客，大部份不也是從別的地方遷徙到都市的嗎？遊戲規則是為了他們的生活、他們的利益、他們的需要而訂的，不是嗎？
為了經濟發展，為了土地開發，為了營造都市的休閒景觀，為了都市中產階級舒適、文明的生活，同樣來到都市討生活的弱勢者就必須是犧牲者？數十年來，基隆河、大漢溪、新店溪沿岸，多少個流浪來到都市的原住民聚落被強制拆除？多少個提供都市勞動力的家園，反被「文明」的都市驅趕與蔑視？這不只是原住民的處境，桃園石門水庫、高雄小港、台北艋舺、新莊的樂生療養院……，不同的族群，為了都市和經濟的發展被驅趕、家園被拆除的戲碼，不也一再地重播？
假如今天換成你、我被迫離開生活幾十年的地方，我們作何感受？被強制遷離自己熟悉的土地，失去的不只是位於那個社區、那個聚落裡的那棟房子，累積數十年來的生活習慣、社會關係、活動場域和生命記憶，也都將隨著改變，每天醒來，打開門看見的景物或建築甚至呼吸的空氣都不再一樣了，那不只是對新環境、新空間的適應問題，更必須克服自我文化、心理和精神上的壓迫。
我們必須被迫接受的驅趕，到底是為了誰的利益、誰的發展？影片裡，在被拆除的部落土地上，活跳的原住民孩子說著，「今天來了很多怪手和警察，把我們的房子拆掉了，沒關係，我爸爸很會蓋房子……」「房子被拆了，可是很快就又會有新房子了……」誰聽了這話，不會滿腹心酸與憤慨？
都市光鮮亮麗的「文明」和「現代化」，是用多少人的血汗與痛苦造就的？
如果沒有用一輩子的努力來讓這個吸食人血的體制付出代價，lin-pe就m是人！
Koh來tī淡水chit間大學, tī已經chheⁿ-hūn ê學校內底, éng-kòe hit款快樂ê氣氛iû-gôan無變. 入去到L406, 舉辦「漂流河岸影展」hām三鶯溪洲部落座談會ê教室, 看tio̍h主辦ê少年學生, pì-sù pì-sù teh說明chit-ê影展kap都市原住民部落ê運命, soah回想tio̍h kúi-nā冬前iáu tī chia teh做學生ê時, mā bat做過kāng款ê tāi-chì. 若iáu有壓迫, iáu有不義, chit種「chia̍h飽siuⁿ閒」ê少年人tō bē無--去.
Hit-ê政客講1句『把你們當人看......』, hō͘對手lia̍h chit句話一直phah, m̄-koh tō是有社會反抗不義ê熱情kap期待, 對手陣營chiah有thang khioh-tio̍h「政黨輪替」ê機會, in hōaⁿ 8冬行政權--a, 除去選舉ê口號kap政治操作ê手段, in án-chóaⁿ teh回應社會ê熱情hām期待? 8冬--a, 行政院原住民委員會--nih, hiah-ê bat bú過原住民運動ê大官, kám iáu ē記得被壓迫, 被剝削ê原住民同胞?
影片放送hit-ê政客講『你們來到這裡, 就要遵守這裡的遊戲規則....』, chit句話講kah比『把你們當人看......』koh-khah ah-pà koh-khah驕狂! 原住民為tio̍h chia̍h頭路搬sóa來到都市, tio̍h-ài遵守都市人ê規則? He是siáng ê規則? 都市hiah-ê優勢階級, hiah-ê有公權力ê官僚政客, 大部份kám m̄是mā ùi別位搬sóa來到都市--ê? 訂hit-kóa規則, 是為tio̍h in ê生活, in ê利益, in ê需要, kám m̄是?
為tio̍h經濟發展, 為tio̍h土地開發, 為tio̍h都市人hioh-khùn時ê享受, 為tio̍h都市中產階級sù-sī文明ê生活, pêⁿ-pêⁿ來到都市討thàn ê弱勢者tio̍h-ài hông犧牲? Kúi-nā 10冬來, 基隆河, 大漢溪, 新店溪溪岸, 有jōa chē流浪來台北ê原住民部落hông強制thiah掉? 有jōa chē人提供勞動力起造台北城了後, soah hō͘「文明」ê都市hò͘走kap phìⁿ-siùⁿ? Che m̄-tāⁿ是原住民ê處境, 桃園石門水庫, 高雄小港, 台北Báng-kah, 新莊ê樂生療養院......, 無kāng所在ê無kāng族群, lóng為tio̍h都市kap經濟ê發展, 人hông趕走, 厝hông thiah掉, chit款tāi-chì nah ē一直發生?
Ká-sú今á日換做lán tú--tio̍h, 被迫tio̍h離開生活kúi-nā 10冬ê所在, lán感受siáⁿ款? 被迫離開ka-tī tòa ê土地, 失--去-ê m̄-tāⁿ是起tī hia hit棟厝niâ, kúi-nā 10冬ê生活慣勢, 社會關係, 活動空間kap性命ê記tì, mā lóng tio̍h án-ne來改變, ta̍k工cheng-sîn, 門開--開看--tio̍h-ê無kâng--a, hām suh ê空氣lóng無kâng--a, m̄-tāⁿ ài適應新ê環境新ê空間, koh tio̍h面對自我文化, 心理kap精神ê壓迫.
Lán被迫離開ka-tī ê所在, 到底是為tio̍h siáng ê利益, siáng ê發展? Tī影片--nih, 厝hông thiah了了, 活跳跳ê原住民gín-á講,『今天來了很多怪手和警察, 把我們的房子拆掉了, 沒關係, 我爸爸很會蓋房子......』『房子被拆了, 可是很快就又會有新房子了......』聽tio̍h chiah-ê話, siáⁿ人bē滿腹ê心酸kap憤慨?
都市súi-tang-tang ê「文明」kap「現代化」, 是用jōa chē血汗kap痛苦換--來-ê?
若無用chit世人ê khùi力來hō͘ chit-ê suh人血ê體制付出代價, lín-pē tō m̄是人!
留言列表
