這天，大家相約去詹益樺自焚的地點──中華民國總督府前，記念詹益樺。
連續的大太陽，好似7月天。這天一早，反而起風下雨。在關渡橋上，遠遠望去，烏雲籠罩在台北上空。
鼓著風，下著雨，愈接近約好見面處，天色愈黑，黑得幾乎看不見來往車輛。到了，厚重的烏雲覆蓋在總統府5樓尾端。
「阿樺，阮來啊！」
點燃一盞火，周遭才亮了起來。
鐵絲網、鎮暴警察、遊行群眾、送葬車隊，都和1989年同一模樣。一支打火機、一本聖經、一團火、一個人。
遊行來到總統府前，鐵絲網將群眾與外來統治權力中心隔開。要走不走，要衝不衝。突然，一團火球，撲向總統府，趴在鐵絲網上。
「打火啦！」
「趕緊救人啦！」
「叫他們噴水啦！」
一個人的重量將鐵絲網壓得變形。界線消失了。
「咱大家坐落來......」
「跟著我祈禱......」
噴水車的水來了，周圍的人幫著潑水，有人拿著衣衫幫忙救火。然而，火，卻怎麼也澆不熄。
有人跪在地上大喊：「台灣獨立萬歲！」
火球動了一下，雙手指向前方的目標。
一道閃電，雷公鳴。
1989年5月19的雕刻，矗立在獨立後的「記念詹益樺──獨立廣場」。
Chit 1工, ta̍k-ê sio招去詹益樺自焚ê所在──中華民國總督府頭前, 去siàu-liām詹益樺.
Sio連續ê大炎日, bē-su 7月天. Chit工透早, 顛倒teh透風sap雨. Tī Kan-tāu橋頂, hn̄g-hn̄g看--去, 烏雲罩tī台北面頂.
風ná透, 雨ná來, jú óa近約好見面ê所在, 天色jú烏, 烏kah kiōng-beh看bē-tio̍h來來去去ê車輛. 來到tè, 重hôaiⁿ-hôaiⁿ ê烏雲khàm tī總統府5樓尾.
「A樺, góan來--a!」
點1 pha火, sì-kho͘-ûi-á chiah光--起-來.
鐵絲網á, 鎮暴警察, 遊行群眾, 送葬車隊, lóng kap 1989年kāng款. 1支lài-tah, 1本聖經, 1 pha火, 1 ê人.
遊行來到總統府頭前, 鐵絲網á kā群眾hām外來統治ê權力中心隔--開. Beh行m̄行, beh衝m̄衝. Hiông-hiông, 1丸火球, 行ǹg總統府, phak tī鐵絲網á頂kôan.
「Phah火--lah!」
「趕緊救人--lah!」
「叫in chōaⁿ水--lah!」
1 sian人ê重量kā鐵絲網á teh kah變形--去. 界線無--去.
「Lán ta̍k-ê坐--落-來......」
「Tòe góa祈禱......」
Phùn水車ê水chōaⁿ--來, 邊--á ê人tàu hò͘水, 有人hiaⁿh衫去khàm. 火, soah siān phah to phah bē-hoa.
有人跪tī邊--á hoah:「台灣獨立萬歲!」
火球tín動1 ē, 雙手比tùi頭前ê目標.
1 sûn sih-nah, 雷公tòe leh tân.
1989年5月19 ê雕刻, chhāi tī獨立了後ê「記念詹益樺──獨立廣場」.
留言列表
