從張銘清來台灣起算，截至11月7日陳雲林離台為止的整個過程，可以總結為「馬氏王朝鞏固」的第一場戰役。
中山橋頭被淨空，陳雲林飛回北京。戰果總結為：馬英九所主導的戰役和戰場，果然他是最大贏家。中國共產黨小輸、民進黨大輸。
馬英九很清楚，依照目前的民意支持度，他極有可能在2012年選舉被其他國民黨菁英所取代，美、日對他又沒有明確的背書(甚至還抵制)，馬英九必須亟思策略。
讓陳雲林來，簽了什麼，對台商、兩岸航商或許重要，但對馬英九而言並不是重點，重要的是張銘清和陳雲林來台灣所開闢的戰場。
馬英九讓張銘清在台南被打，然後極度拉高陳雲林來訪的警方戒備。這種準戒嚴式的作法，包括又以象徵性地禁播唱片行的〈台灣之歌〉，都是刻意在激怒台灣社會和群眾。激怒群眾，固然造成群眾對馬英九的忿怒，但更進一步，馬英九是將壓力導向陳雲林、導往北京。陳雲林來台灣，完全被阻絕在各個高級飯店裡，進退完全被台灣官方所控制；保護「特使」是名義，實質則是讓陳雲林坐困愁城，對台灣人民的統戰形象大打折扣。
對陳雲林，馬英九使他灰頭土臉，統戰功能嚴重扣分。對黨內，亦是讓吳伯雄、連戰等與陳雲林所建立的「第一管道」受損。
對北京而言，當然建立愈多「對口」愈有利。但馬英九這次出乎意料地利用群眾動力學，讓陳雲林一干人等形象大傷，讓「國共平台」受損，初步建立其「唯一對口」的地位。這是馬英九的第一個戰果。若這樣的假設成立，不得不說，馬英九鬥爭權謀的佈局，可說是「蔣經國學校」繼李登輝之後的第二把交椅。
就對內統治而言，馬英九更藉此機會擴張「行政權」，將國家暴力強度升高，且以不成比例的鎮壓、逮捕對北京釋放出訊息：「槍桿子在我手上。」也一舉讓民進黨一方面重新披上「暴力在野黨」的標籤；另一方面，民進黨高層的軟弱和虛晃一招，也讓群眾對民進黨又產生「玩假的」的觀感。綠色旗幟的總菁華──「台灣獨立意識」，無法在蔡英文所領軍的民進黨獲得寄託，但目前又無法尋得代理的團體，只能四散流離。
此外，透過馬英九將自己與台灣社會和民眾的切割，反倒使ROC的符號(包括「國旗」、「蔣氏父子」、「救國團」等符號)由「獨派陣營」所接收，打亂了台灣派和中國派的兩種意識形態符號的差異性，讓「本土運動」退化為蔣經國的「保台運動」。這是馬英九第二個戰果。
對美國，馬英九亦深知他們看待台灣問題的基調。台灣的領土定位並非台、美雙方能單獨解決的，既然棘手，拖字為上策。只要沒有法理上「現狀的變更」，台灣問題對美國而言就只是個面子問題。對白宮而言，「誰統治台灣、如何統治並不重要。只要在不提及領土主權的前提下，統治者如何吃香喝辣、如何專制獨裁、如何掏空輸血給中國，都不會是問題。」
若這是前提，馬英九可以進一步將台灣PRC化，遂行「實質統一」(對照獨派愛提的「實質獨立」)：只要不要在法理上更動台灣目前的地位，就繼續這樣「混」下去，沒有法理上的統一並不是問題；台灣，就是「非法理」意義的香港；亦即，中華人民共和國裡沒有「名分」的特別行政區。
Ùi張銘清來台灣開始算, 到11月初7陳雲林離開台灣, che kui-ê過程, ē-sái總結做「馬氏王朝鞏固」ê第1場戰役.
圓山á ê中山橋頭群眾hō͘警察趕走, 陳雲林飛tńg北京. 戰果總結是: 馬英九主導ê戰爭kap戰場, i有影大贏. 中國共產黨小輸, 民進黨大輸.
馬英九真清楚, 若beh照chit-má ê民意支持度, 2012年選舉i真有可能hō͘其他國民黨菁英替代--去, 美國kap日本koh無明確替i背書(甚至koh kā抵制), 馬英九當然mā ē kek頭腦想辦法beh保ka-tī ê權位.
Hō͘陳雲林來, 雙方簽siáⁿ-mih協議, 對台商iah是兩岸通航hōan-sè重要, m̄-koh對馬英九來講che m̄是重點, 重要--ê是張銘清kap陳雲林來台灣hō͘ i phah--開ê戰場.
馬英九hō͘張銘清tī台南hông phah, koh來kā陳雲林來訪問ê維安戒備khiú kôan. Chit種準戒嚴式ê作法, 包括禁播唱片行ê〈台灣之歌〉, lóng真thiau-kang teh刺激台灣社會kap群眾. 刺激群眾, sui-bóng造chiâⁿ群眾對馬英九不滿, m̄-koh mā hō͘馬英九借機會kā壓力sóa tùi陳雲林kap北京. 陳雲林來台灣, 頭到尾lóng hông關tī高級飯店內底, 出入完全hō͘台灣官方控制; 保護「特使」是名義, 實質上是hō͘陳雲林行bē出--來, 對台灣人民ê統戰效果真有限.
對陳雲林, 馬英九hō͘ i thô͘-thô͘-thô͘, 統戰功能無效果. 對黨內, mā hō͘吳伯雄, 連戰chiah-ê人kap陳雲林建立ê「第1管道」受tio̍h破壞.
對北京來講, 建立jú chē「對口管道」當然jú好. M̄-koh馬英九chit-pái出招, 利用群眾ê不滿, hō͘陳雲林chit-tīn人形象大傷, mā hō͘「國共平台」受tio̍h損害, 初步建立i是「唯一對口」ê地位. Che是馬英九ê第1 ê勝利. Chit款假設若成立, lán bē免得tio̍h講, 馬英九鬥爭權謀ê佈局, ē-sái講是「蔣經國學校」tī李登輝後壁, 排第2 khám--ê.
就對內統治來講, 馬英九mā借chit-ê機會擴大「行政權」, kā國家暴力ê強度giú kôan, 大動作來鎮壓lia̍h人, 實際上是teh kā北京表示:「Chhèng tī góa手頭.」同時, mā重新koh kā民進黨phah做「暴力在野黨」ê makhuh; 另外1方面, 民進黨高層nńg-chiáⁿ kap sńg假--ê ê步數, mā hō͘群眾對民進黨koh產生無信任kap不滿. 青旗á ê總菁華──「台灣獨立意識」, 無法度tī蔡英文領導ê民進黨得tio̍h寄託, 目前koh無法度chhōe-tio̍h新ê代理團體, kan-taⁿ ē-tàng sì散bo̍k-bo̍k-siû.
Koh來, 馬英九kā ka-tī hām台灣社會kap民眾án-ni切割, soah顛倒hō͘ ROC chit-ê makhuh (包括「國旗」,「蔣父kiáⁿ」,「救國團」chiah-ê) hō͘「獨派陣營」接收, 進1步kā台灣派hām中國派2種意識形態makhuh ê差別phah亂--去, hō͘「本土運動」退化tńg去蔣經國ê「保台運動」. Che是馬英九第2 ê勝利.
對美國, 馬英九mā真了解in án-chóaⁿ teh看待台灣問題. 台灣ê領土定位m̄是台灣kap美國雙方面tō ē-tàng解決--ê, 既然oh處理, 拖時間pìⁿ做siōng好ê步數. 法理上若無做「現狀ê變更」, 台灣問題對美國來講tō kan-taⁿ是面子ê問題niâ. 就美國白宮ê立場, 「siáng統治台灣, án-chóaⁿ統治lóng無重要. 若無牽涉tio̍h領土主權問題chit-ê前提, 統治者án-chóaⁿ為非sám做, án-chóaⁿ專制獨裁, án-chóaⁿ通中國, che lóng m̄是問題.」
Chit-ê前提若成立, 馬英九tō ē-sái進1步kā台灣PRC化, 來進行「實質統一」(對照獨派hèng講ê「實質獨立」): 法理上若無變動台灣目前ê地位, 繼續án-ne「混」--落-去, 無法理上ê統一無要緊; 台灣, tō是「非法理」意義ê香港; 意思tō是講, 是中華人民共和國內底無「名分」ê特別行政區.
留言列表
