結婚後到現在，住竹圍已快20年了，看著竹圍的發展與變化，也看著捷運外那片綠地，從濕地到濫倒廢土、垃圾成堆的荒地，再到現在恢復成為乾淨的生態綠地，夏天甚至看得到螢火蟲，更是生活品質極差的竹圍人，難得享有的休閒公園。
7月時，朋友跟我說政府要在那片綠地闢建淡北道路，邀我一起參與他們組成的「反淡北道路聯盟」，希望努力把那塊綠地保留下來。起初參與的人不多，但大家利用工作外的時間輪流排班，擺連署攤位、發傳單，好讓更多人了解、關心這件事。應該反映民意的地方民意代表也沒有人要幫我們，我們只能自己出錢出力，淡水、紅樹林、關渡、捷運公園、自行車道……，只要有空，幾個人相約就四處去發傳單。
8月初聽說鎮公所要辦興建淡北道路的說明會，幾個朋友就相約去參加，希望能表達反對開路的意見給政府知道。但是一到達會場，到處都是警察，會場內更是有一群穿黑衣、嚼檳榔的少年家，當我們發言表達反對意見時，立刻會被干擾，令人心生恐懼。我很生氣，辦說明會不就是要讓各方意見充分表達與溝通嗎？為什麼政府是用這種方式來對付人民？
一次幾個朋友一起到紅樹林捷運站對面發傳單，竟然有警察跑來要對我們開罰單，我實在很生氣，為什麼不能發傳單表達反對開路的立場？政府掌握那麼大的權力和資源，卻不容許人民有不同的意見，這就是所謂的「民主時代」嗎？人民連發傳單表達立場都不行嗎？
又有一次，在竹圍捷運站前發傳單，把布條綁在欄杆上，也有公所的職員找管區要來取締，我生氣地大聲罵他們說，要拆可以，但先把天橋上、電線桿上賣屋的廣告全部都拆掉！不久後，官方又發動支持興建淡北道路的遊行，遊行前一天的氣氛很奇怪，我做生意時發現有一些生面孔在附近走動，其他聯盟成員也遭嗆聲。支持開路那方掌握了優勢、掌握了資源，還發動遊行來向人民抗議，這到底是什麼世界？
台北縣舉辦「無車日」活動，我們也跑去抗議，虛偽的政府官員，一面宣傳「節能減碳」的環保口號，一面卻堅持淡北道路一定要興建。清晨4點我們便騎著腳踏車出發，騎了兩個小時才到達會場，大家集結套上抗議標語，腳踏車也插上旗子。面對我們的卻是一大隊警察與便衣，還動手搶我們的傳單、旗子和布條，我還被7~8個便衣手拉手圍住，限制我的行動，直到縣長領頭的車隊出發遠離了，才放我們走。我們只想利用機會表達反對的立場，希望政府重視我們的訴求，為什麼不可以？為什麼要派那麼多警察來阻擋我們？為什麼警察可以搶走我們的東西？我們到底違反了什麼法？
後來，從媒體看到縣長宣稱要開條運河把淡海變成離島，好來爭取在淡海設博奕特區，這根本是超級大笑話。我總算明白，政府不是為一般人民服務的，為了龐大的開發利益，縣長可以公開表示淡北道路違法也要興建，地方勢力可以對反對者施加壓力，人民卻連反對的意見都是不被允許的。
12月時，心情真得很差，離縣長堅持一定要開工的日期愈來愈近，也聽到不少政府運作的消息，聯盟的參與者也因為地方勢力的干擾，氣氛低迷，參與的人力也愈來愈少。難道政府的政策不能反對，反對的就是「刁民」、「暴民」？我當時心裡想著，假如淡北道路真的開工，我一定要找大家一起站出來抗議、阻擋。人民違法政府就開單、抓人，萬一政府違法，人民要怎麼辦呢？難道只能眼睜睜地坐視政府為所欲為嗎？
後來，聽到開路預算將被收回、淡北道路暫時不蓋的消息，心裡很意外但也很欣慰，至少我們的努力沒有白費，但明年呢？他們當官的如果再次計畫要蓋這條路，我們一定會再站出來，反對到底！
我只是個很單純、很平常的一般人，會參與反淡北道路聯盟，只是不願意看到那片綠地被破壞。半年來，見識到了官、商、地方勢力的各種壓制，在參與這個「反政府」的運動過程，當然也會擔心自己的生活、工作、家人會不會受到影響、受到傷害。不過，愈是強壓，我會愈生氣；愈是用不公平、不合理的手段壓制，我會愈反彈。我不甘心就這樣屈服，即使最後沒有成功，也要堅持做到最後，至少以後也才能對子孫交代說，我們努力過了！
這半年來的經歷，也讓我心裡不禁想著，台灣是不是要沈淪到谷底，才能一切重新再來過？
*記反淡北道路聯盟成員的心聲。
Ùi結婚到taⁿ, tòa tī竹圍á beh oá 20冬--a, 看tio̍h竹圍ê發展kap變化, mā看tio̍h捷運外口hit-phiàn溪埔地, ùi làm地到hông烏白倒廢土, pùn-sò kui堆, koh到chit-má恢復做chheng-khì ê生態綠地, jo̍ah--人甚至看ē tio̍h火金姑, 對生活品質真bái ê竹圍人來講, koh-khah是ài好好á珍惜ê公園.
7--月ê時, 朋友kā góa講政府beh tī hit-phàin溪埔起淡北道路, 招góa chò-hóe參與in組ê「反淡北道路聯盟」, ǹg望ē-sái kā hit-phiàn地保留--落-來. Chhím頭á參與ê人無chē, m̄-koh ta̍k-ê lóng利用khang-khòe以外ê時間, 輪流排班, 顧連署tàⁿ-á, pun傳單, thang hō͘ koh-khah chē人了解kap關心chit項tāi-chì. 照理tio̍h-ài反映民意ê地方民意代表無人beh kā góan tàu-saⁿ-kāng, góan tō ka-tī出chîⁿ出力, 淡水, 紅樹林, Kan-tāu, 捷運公園, 腳踏車道....., 若時間ē to͘-ha̍p, kúi-ê人招--leh tō sì-kè去pun傳單.
8月初聽講鎮公所beh辦起淡北道路ê說明會, góan tō sio招去參加, 想beh去表達反對起路ê意見hō͘政府知影. M̄-koh去到會場, 警察kui大堆, 會場內底koh有1 tīn chhēng烏衫, pō͘檳榔ê少年家, góan若gia̍h手表達反對ê意見, sûi tō hō͘ in chhiⁿ, koh ē出聲干擾, bòai hō͘ góan講話, hō͘人心內加減ē驚, ē顧慮. Góa真siūⁿ-khì, 辦說明kám m̄是tō beh hō͘ ta̍k種意見有thang來表達kap溝通? 是án-chóaⁿ政府soah用chit款方式來對付人民?
1 pái kúi-ê朋友tàu-tīn去tī紅樹林捷運站對面pun傳單, lō͘尾警察soah走來beh kā góan開紅單, góa實在chiâⁿ siūⁿ-khì, 是án-chóaⁿ bē-tàng pun傳單表達反對起路ê立場? 政府掌握hiah大ê權力kap資源, soah無容允人民有無kâng ê意見, che kám tō是所謂ê「民主時代」? 人民連pun傳單表達立場to bē-sái--tit?
Koh 1 pái, góan tī竹圍á捷運站頭前pun傳單, kā布條á pa̍k tī鐵欄杆頂á, mā有公所ê人叫管區--ê來beh取締, góa氣kah大聲kā in罵講, beh thiah ē-sái, m̄-koh先kā天橋, 電火thiāu-á hiah-ê賣厝ê廣告lóng-chóng thiah掉! 無jōa久了後, 官方koh發動支持起淡北道路ê遊行, 遊行前1工氣氛真奇怪, góa做seng-lí ê時發現有chi̍t-kóa chheⁿ-hūn人tī邊--á行過來行過去, mā有聯盟成員hō͘人chhiàng聲. 支持起路--ê掌握優勢, 掌握資源, koh發動遊行來kā人民抗議, che到底是siáⁿ-mih世界?
台北縣辦「無車日」活動, góan mā走去抗議, 虛偽ê政府官員,『節能減碳』ê環保口號hoah kah hiah好聽, soah koh堅持淡北道路一定beh起. 透早4點góan tō騎鐵馬出發，騎beh 2點鐘久chiah到位, ta̍k-ê óa chò-hóe teh kat抗議標語, 鐵馬mā kā chhah旗á. 面對góan--ê soah是kui大tīn警察kap便衣, koh kā góan ê傳單, 旗á kap布條搶搶--去, góa koh hō͘ 7~8 ê便衣手牽手圍tiâu--leh, bòai hō͘ góa sóa tín-tāng, 一直到縣長chhōa頭ê車隊出發--a, chiah pàng góan走. Góan kan-taⁿ是beh利用機會表達反對ê立場, ǹg望政府重視góan ê主張, 是án-chóaⁿ bē-sái--tit? 是án-chóaⁿ ài派hiah chē警察kā góan阻擋? 是án-chóaⁿ警察ē-sái搶góan ê mi̍h-kiāⁿ? Góan到底犯tio̍h siáⁿ-mih法?
Lō͘尾, tī媒體看tio̍h縣長講beh開1條運河kā淡海變做離島, thang好來爭取tī淡海設kiáu場, che根本hàm kah有chhun. Góa mā總算了解, 政府m̄是為lán一般人民服務--ê, 為tio̍h hiah大ê開發利益, 縣長ē-sái公開表示淡北道路準違法mā beh開工, 地方勢力ē-sái kā反對者pàng-tiau威脅, 人民soah連反對ê意見to bē-tàng講.
12--月ê時, 心情正經chiok bái--ê, 離縣長堅持年底一定beh開工ê期限jú來jú oá近, mā聽tio̍h bē-chió政府運作ê消息, 聯盟ê參與者mā因為地方勢力ê干擾, 氣氛真bái, 參與ê kha手mā jú來jú chió. Kám講政府ê政策bē-tàng反對, 反對--ê tō是「刁民」, tō是「暴民」? Góa hit-chūn心內teh想, 淡北道路若真正khai工, góa一定beh招ta̍k-ê tàu-tīn khiā出來抗議, 阻擋. 人民違法政府tō開單, lia̍h人, 萬一政府違法, 人民beh án-chóaⁿ? Kám kan-taⁿ目chiu金金據在政府為非sám做?
後--來, 聽tio̍h起路預算hông收--tńg-去, 淡北道路暫時bē起ê消息, 心內真意外mā真安慰, siōng無góan ê phah-piàⁿ無做白工, m̄-koh môa年--leh? In做官--ê若koh提計畫beh起chit條路, góan iû-gôan ē koh khiā--出-來, 反對到底!
Góa kan-taⁿ是真單純, 真普通ê一般人, ē參與反淡北道路聯盟, 是m̄願看tio̍h hit-phiàn溪埔地破害--去. 半冬來, 看tio̍h官方, seng-lí人, 地方勢力一再壓制, 參與chit-ê「反政府」ê運動過程--nih, 當然mā ē煩惱ka-tī ê生活, khang-khòe, 親人kám ē受tio̍h影響, kám ē受tio̍h傷害. M̄-koh, jú beh ngē ah, góa ē jú siūⁿ-khì; jú beh用無公平, 無合理ê手段壓制, góa ē jú反彈. Góa m̄願án-ne tō屈服, 準siōng尾--á無成功, mā tio̍h堅持piàⁿ到底, siōng無mā chiah有thang對子孫交代講, lán確實phah-piàⁿ--過-a!
Che半冬來ê經驗, mā hō͘ góa心內teh想, 台灣kám是ài chhê到底, 一切lóng重頭koh來--過leh?
*記反淡北道路聯盟成員ê心聲.
留言列表
