可以不要這麼累嗎／Kám ē-tàng mài chiah thiám?@Noya @ 台灣組合

「可以不要這麼累嗎？」堂妹在msn上這麼寫著。她在高雄一間區域教學醫院當護士，原本計畫11月要排休假來淡水玩，前幾天通知說她的假沒辦法放，邊說邊罵著醫院愈來愈不合理的規定。

堂妹他們三班制在輪，平均一個月有6到7天的一般休假，如果沒休，就累積成「積休時數」，隔月結算換錢(例如10月領8月的錢)。假設她這個月可以休6天，又用了2天特休，理應可以休8天，然而她實際上只放6天，那麼剩下的那兩天就變成16小時的積休。她今年有14天的特別休假，到現在只放3天而已，而且這3天也是被算在當月應休假天數裡，剩下的11天特休，被迫在年底前逐月以積休方式抵銷，若不從則視同放棄特休權利。

11月護理站人手不夠，使得她沒得休假，只好請特休，換時數，以致於她11月的班表看起來就是都沒有放假。又為了要合乎勞基法員工不得超過7天上班日的規定，院方絞盡腦汁鑽漏洞，單位主管會計算班表的上班天數，若超過7天時，便將第8天在書面上改成一般休假，實際上員工是出勤上班的，當天上班則以加班簽到退的方式打卡，而這樣的加班積休時數，是否會依照勞基法規定的倍數換算，到時候可能又要依院方多變的說詞而定了！這樣下來，時數就累積得很快，她們的積休常常是破百在算的。目前，她已經又有200多小時的積休了。問她醫院若是缺人手，為什麼不再找人？她說不是沒再找，而是工作條件和福利太差，留不住人。

8月開始，醫院又發明「時數銀行」，強制將她們的積休時數存60小時進去。存在銀行的時數，院方要到明年3月才要結算換錢給她們。11月開始，又變成全部的時數都要放進銀行裡。堂妹質疑說，放那麼久，醫院又不照銀行那樣算利息，而且也沒人會記得自己到底累積了多少時數。況且，如果這段期間醫院在裡面動手腳，給你扣個60小時，也沒人知道。這樣一來，也會使得她們明年所得稅要多繳許多，帳面上看來好像這間醫院的員工薪水不錯，實際上是沒放假換來的。這些錢，醫院若是拿去投資或放銀行，光利息就賺很多了。醫院為了省開銷、賺錢，真的是想盡辦法，花招百出。

雖然說醫院護士人手不夠，造成她們事情做不完，大家的工作量都很大，不過醫院抓時數抓很嚴，會以病人數去調整上班人力，動不動就叫她們「借休」，就是把累積休假的時數借掉的意思。比方說，目前的病人數只需要5.5個人力，來上班的有6個人，醫院就會請其中一個借休4小時，從她的積休時數裡面扣掉，這樣一來就剩5.5個人力了。問題是，被借休4小時，還是必須把沒做完的事情做完，所以很有可能其中的兩個小時是還在「上班」的狀態。

另外，堂妹最不爽的就是半年一次的員工考核，考核項目列了一堆加分、扣分的配分基準，像是「樂意接受主管臨時交辦工作(每次加1分)」、「為主動提出需求而出現抱怨言語(每次扣0.5分)」、「其他主管、APN、醫師抱怨態度不佳(每次扣0.25分)」、「能按規定穿著整齊、清潔，打扮得體適當使用化妝品」、「能做事合乎倫理規範」、「不尊重同仁(每次扣0.5分)」，很多是主管主觀認定的，把她們當小學生似的在評比。

堂妹說，錢都醫院和醫生在賺，而護士卻得做得要死不活受剝削，愈想愈生氣，她準備跳槽了。看她經常性的倦容，我知道她這次是說真的了。

「Kám ē-tàng mài chiah thiám?」叔伯小妹tī msn àn-ne寫. I tī高雄1間區域教學病院做護士, 本底àn-sǹg 11--月beh排假來淡水chhit-thô, 前kúi工á通知講無法度pàng, koh ná講ná kàn-kiāu病院jú來jú無合理ê規定.

小妹in 3班制teh輪, 平均chhé 1個月有6工到7工ê一般休假thang hioh, 若無hioh, tō累積tī「積休時數」內底, 隔tńg月結算1 pái換chîⁿ (10--月領8--月ê chîⁿ). 可比講, i chit個月若是ài hioh 6工來講, koh請2工特休, 照講是ē-sái pàng 8工, m̄-koh i實際chiah pàng 6工niâ, án-ne chhun ê hit 2工tō sǹg 16點鐘ê積休. I今年有14工ê特別休假, 到taⁿ chiah pàng 3工niâ, chit 3工koh是hông算tī hit個月應該ài pàng ê假--nih, chhun ê 11天特休, 被迫tī年底chìn前ta̍k個月用積休ê方式抵銷, 若bòai tō當做放棄特休權利.

11--月護理站欠kha手, 造chiâⁿ i無假thang hioh, kan-taⁿ ē-tàng請特休, 換點鐘, pìⁿ-chiâⁿ i 11--月ê班表看--起-來lóng無hioh-khùn. Koh, kha̍h tio̍h勞基法有規定員工bē-sái連續上班超過7工, 病院tō想khang想phāng nǹg法律phāng, 單位主管ē去算班表ê上班日, 若超過7工, tō ē kā第8工書面改做一般休假, 實際上員工是有去上班--ê, hit工上班tō算加班額, ah chit款ê加班積休時數, kám ē照勞基法規定ê加班費計算方式去算, 時到可能ài koh看病院án-chóaⁿ講--a! Án-ne來, 積休時數tō ē累積kah chiok緊--ê, tiāⁿ-tiāⁿ, in ê積休是破百teh算--ê. Taⁿ, i已經koh有200外點鐘ê積休--a. 問i病院kah若欠kha手, nah bòai koh chhiàⁿ人? I講m̄是無koh chhiàⁿ, 是工作條件kap福利siuⁿ bái, 留人bē-tiâu.

8--月開始, 病院koh發明「時數銀行」, 強制kā in ê積休khiām 60點鐘入--去. Khiām tī銀行ê時數, ài到明年3--月chiah有beh結算換chîⁿ hō͘ in. 11--月開始, koh pìⁿ做全部ê時數lóng ài khǹg tī銀行--nih. 小妹質疑講, khǹg hiah久, 病院a̍h bē照銀行ê步算利息ah, mā無人ē記得ka-tī到底累積jōa chē點鐘. Koh, chit段時間病院若tī內底做kha手, kā lí扣chē 60點鐘, mā無人知. Án-ne來, mā ē害in明年所得稅ài ke la̍p chiok chē, 帳面看--起-來bē-su chit間病院ê員工薪水bē-bái, 實際上是無pàng假換--來-ê. Chiah-ê chîⁿ, 病院若是the̍h去投資iah khiām銀行, kan-taⁿ利息chîⁿ tō thàn bē-chió--a. 病院為tio̍h beh省開銷, thàn-chîⁿ, 有影是想khang想phāng, 步數盡展.

Sui-bóng講病院ê護士kha手無夠, 造chiâⁿ in tāi-chì做bē了, ta̍k-ê khang-khòe量lóng chiok大, m̄-koh病院lia̍h時數lia̍h chiok ân, ē以病人數去調整上班ê人額, kha̍p-bē-tio̍h tō叫in「借休」, 意思tō是kā累積休假ê點鐘借掉. 可比講, chit-chūn ê病人數kan-taⁿ需要5.5 ê人力, 來上班--ê有6 ê人, 病院tō ē請其中1 ê借休4點鐘, ùi i ê積休時數內底扣掉, án-ne tō chhun 5.5 ê人力--a. 問題是, hông借休4點鐘, iáu是tio̍h kā tāi-chì做hō͘了, 所以chiâⁿ有可能其中ê 2點鐘是iáu teh「上班」ê狀態.

另外, hō͘小妹siōng kàn-kiāu--ê是半冬1 pái ê員工考核, 考核項目列1堆加分扣分ê配分基準, 親像『樂意接受主管臨時交辦工作(每次加1分) 』,『為主動提出需求而出現抱怨言語(每次扣0.5分) 』,『其他主管、APⁿ、醫師抱怨態度不佳(每次扣0.25分) 』,『能按規定穿著整齊、清潔，打扮得體適當使用化妝品』,『能做事合乎倫理規範』,『不尊重同仁(每次扣0.5分) 』, chiok chē是主管主觀認定--ê, bē-su kā in當做是小學生teh phah分數.

小妹講, chîⁿ lóng病院kap醫生teh thàn, ah in護士soah tio̍h做kah beh死beh活受剝削, jú想jú gêng, i準備beh跳槽--a. 看i不時to teh haiⁿ thiám, 氣色jú來jú bái, góa知影i chit-tàu是有影beh走--a.