19世紀中，歐美國家提出的開國通商要求，使得日本走到時代變局的十字路口。對鎖國200年的日本來講，這是多麼大的衝擊！在歷史的浪潮中，特別是薩摩的下級武士，每一個都努力走尋未來新日本的出路，他們勇敢承擔自己的歷史任務，有著領導歷史潮流的大企圖大氣魄，他們沒被浪潮吞噬，反而更加賣力學習歐美國家的現代化建設，重頭打造新社會的地基，將原本被人侵門踏戶的危機轉換成明治維新的改革契機。
台灣自2008年中國國民黨重新執政之後，和中國的交流、協商便愈來愈頻繁密集，從三通直航、中國觀光客來台、ECFA議題，到承認中國學歷、開放中國學生來台就讀，每項政策都使得台灣人憂愁不安，深怕台灣遲早被國民黨賣給中國。中國透過經濟、文化、教育軟繩牽豬，是他們向來的手法，當台灣的經濟愈來愈得依賴中國市場，技術逐漸被他們取代之後，台灣就有如脖子被架在刀子上的肉雞一樣，任人宰割。
面對這種局面，我們要怎麼辦？實際上台灣和中華民國是愈來愈分不開，現今這種局勢反倒讓台灣人必須重頭來面對中國國民黨這個外來統治者的本質，以及民進黨掩蓋民族問題的角色，同時也深化台灣人和中國人的矛盾衝突。
在中國國民黨佔領統治台灣的60年內，台灣人對外來政權的鬥爭持續在進行，然而卻被民進黨與台派頭人帶到輪流執政的無尾巷去。什麼時候追求台灣獨立變成要求民主開放、台灣人做總統、民進黨執政了？世界有哪一個國家只靠選舉、連署、公投、向聯合國告狀，不用付出代價就可以建國的？什麼時候爭取言論自由、政策公投這些突顯國民黨不公不義的手段變成目的了？我們倚仗台灣是「民主自由」的「國家」，一相情願地認為民進黨就是台獨黨，以為一些改革法案就可以逐漸消除中華民國不公平的統治手法，不願承認結構性問題仍在，才會愈改問題愈多，愈改優勢階層講話愈大聲，國民黨票愈多。我們沒無看到「政黨輪替」背後的利益掛鉤與鬥爭，也不願面對民進黨與台派頭人實際上是在阻擋台獨運動的事實，不論國民黨或民進黨，難道不是早就在和中國「通」了？
要求國民黨馬政權要按照「民主程序」走，不能私底下和中國簽協議，就是承認國民黨在台灣的合法性與正當性。我們在精神上若先投降，放棄思想武裝，再大的變局來到面前我們還是無關緊要。和中國要通不通，ECFA會簽還是不會簽，難道國民黨說了算？劇本難道就照著中國編的走？民進黨除了喊口號，有提出什麼具體方法抵制？
面對變局，台灣人需要的是開創新時代的志氣，替後代子孫打開出路的氣魄，在一次次和政客、買辦的矛盾中，累積我們的經驗，替未來行動作準備。就算無法阻擋國民黨與中國私通的趨勢，也得要有犧牲這代救後代的覺悟，讓台灣成為中國卡在喉嚨的肉骨頭，吞不下去，吐不出來。
19世紀中, 歐美國家提出ê開國通商要求, hō͘日本行到時代變局ê雙叉路口. 對鎖國200冬ê日本來講, che是jōa大ê衝擊! Tī歷史ê大湧--nih, 特別是Satsuma ê下級武士, ta̍k ê to mî-chiⁿ teh走chhōe未來新日本ê出路, in勇敢承擔ka-tī ê歷史任務, 有領導歷史潮流ê大企圖大氣魄, in無hō͘大湧khàm--過, 顛倒koh-khah kut力學習歐美國家ê現代化建設, 重頭起造新社會ê地基, kā本底hō͘人侵門踏戶ê危機轉換做明治維新ê改革.
台灣tī 2008年中國國民黨重新執政了後, kap中國ê交流, 協商tō jú來jú chiap, ùi三通直航, 中國觀光客來台灣, ECFA議題, 到承認中國學歷, 開放中國學生來台灣讀冊, ta̍k項政策to hō͘台灣人bē chia̍h bē khùn, 恐驚台灣早慢ē hō͘國民黨賣hō͘中國. 中國透過經濟, 文化, 教育軟soh牽豬, 是in在來ê手路, 當台灣ê經濟jú來jú tio̍h óa靠中國市場, 技術ta̍uh-ta̍uh-á hō͘ in取代去了後, 台灣tō ná ām-kún hông tēⁿ-tiâu--leh ê肉雞kāng款, 據在人beh thâi beh割.
面對chit款pān勢, lán beh án-chóaⁿ? 實際上, 台灣kap中華民國是jú來jú thiah bē開, chit-má chit ê勢面顛倒hō͘台灣人tio̍h重頭來面對中國國民黨chit ê外來統治者ê本質, koh有民進黨am-khàm民族問題ê角色, mā深化台灣人kap中國人ê矛盾.
Tī中國國民黨佔領統治台灣ê 60冬--nih, 台灣人對外來政權ê鬥爭一直teh進行, m̄-koh soah hō͘民進黨kap台派頭人chhōa tùi輪流執政ê無尾巷去. Tī時追求台灣獨立pìⁿ做要求民主開放, 台灣人做總統, 民進黨執政--a? 世界有toh 1 ê國家kan-taⁿ靠選舉, 連署, 公投, tâu聯合國, 免付出代價tō ē-sái建國--ê? Tī時爭取言論自由, 政策公投chiah-ê突顯國民黨不公不義ê手段pìⁿ做目的--a? Lán靠勢台灣是「民主自由」ê「國家」, kioh-sī民進黨tō是台獨黨, lia̍h準講chi̍t-kóa改革法案tō ē-sái ta̍uh-ta̍uh-á消除中華民國無公平ê統治手路, m̄願承認結構性ê問題原在, m̄-chiah ē jú改問題jú chē, jú改優勢階層講話jú大聲, 國民黨票jú chē. Lán無看tio̍h「政黨輪替」後piah ê利益掛鉤kap鬥爭, mā m̄願面對民進黨kap台派頭人實際上是teh阻擋台獨運動ê事實, 無論國民黨iah民進黨, kám m̄是早tō teh kap中國「通」--a?
要求國民黨馬政權ài照「民主程序」行, bē-sái私底下kap中國簽協議, tō是承認國民黨tī台灣ê合法性kap正當性. Lán tī精神上若先投降, 放棄思想武裝, koh-khah大ê變局來到面頭前lán mā是無要無緊. Kap中國beh通bòai通, ECFA ē簽iah bē簽, kám國民黨講--ê準算? 劇本kám tō照中國編--ê行? Ah民進黨除去hoah口號, 有提出siáⁿ-mih具體方法抵制?
面對變局, 台灣人需要--ê是開創新時代ê志氣, 替後代kiáⁿ孫phah開出路ê氣魄, tī 1 pái koh 1 pái kap政客, 買辦ê矛盾中, 累積lán ê經驗, 替未來ê行動做準備. 準無法度阻擋國民黨kap中國通ê趨勢, mā tio̍h-ài有犧牲chit代救後代ê覺悟, hō͘台灣pìⁿ做中國kéⁿ tī nâ-âu ê肉骨á, 吞bē落--去, phùi bē出--來.
留言列表
