4月25日馬英九和蔡英文針對ECFA議題進行辯論。媒體將這場辯論聚焦在誰贏誰輸,誰的民調提升多少。中國國民黨將這場場辯論視為馬英九的民調保衛戰,辯論會後,國民黨和他們的名嘴大力強調馬英九的口才與辯論技巧。
民進黨則是肯定蔡英文沒有用政治語言來操作,理性討論的方式能夠吸引民進黨欠缺的中間選票認同。然而,要如何阻止國民黨和中國簽ECFA、又該如何來面對台灣社會將產生的損害,似乎只有公投和繼續投票支持民進黨兩種方法。
這場辯論不是候選人的政見交鋒,也不是舉辦公民投票前的政策攻防,和中國簽署ECFA後,對台灣會有什麼樣的影響才是重點,辯論輸贏或辯論者表現好壞,難道就能改變ECFA對我們的影響?
國民黨擺明了就是要橫柴夯入灶,進口美國牛內臟、開放中國學生、承認中國學歷……等都是他們當初保證不會開放的,後來卻都大力推動立法通過,最近放出風聲說健保考慮將中國醫院納入,也許再過不久就會成為正式的政策來推行。
面對這種趨勢,當然不必冀望國民黨回頭,榨乾台灣的資源來服務他們的政治經濟利益,本來就是國民黨集團的本質,期待他們回過頭來顧台灣,根本是「請鬼拆藥單」。不過民進黨就值得我們相信嗎?
民進黨雖然嘴裡喊著ECFA一定反對到底,但是這些政客最在意的仍舊是個人的政治前途,他們腦袋裡只考慮著選票,ECFA還未簽署,民進黨的政治操作已在算計2012中華民國總統選舉,強調2012年他們若當選總統,將發動撤銷ECFA的公投。6月ECFA就要簽了,卻先想2012年的選舉,難道ECFA對台灣的傷害,也只是成就選舉班仔政治前途的工具?2012年即使民進黨當選總統,他們難道就真的會撤銷這項協議?
ECFA既然對台灣有害,我們的立場應該明確地就是反對到底,沒有什麼伸縮的空間,為什麼牽往「公投」去呢?公投結果若贊成簽ECFA,我們就必須「有風度」地接受嗎?台派團體現在動不動就喊公投,公投救台灣是解決問題的萬靈丹嗎?不明確表明立場,總是牽拖到「應由台灣人民決定」,將手段操作成為目的,「台灣式民主」這種款自我閹割實在是歹戲拖棚。
既然知道讓國民黨與中國簽下ECFA後,對台灣會產生難以補救的敗害,那麼就應該從現在開始全力阻擋,甚至抗爭,何必再談公投或是2012年選舉呢?
4月25馬英九kap蔡英文針對ECFA議題進行辯論.媒體kā重點hē tī chit場辯論siáng贏siáng輸, siáng ê民調提升jōa chē.中國國民黨kā chit場辯論看做馬英九ê民調保衛戰, 辯論會了, 國民黨kap in ê政論者大力強調馬英九ê口才kap辯論技巧.
民進黨chit pêng, o-ló蔡英文無用政治語言來操作, 理性討論ê方式ē-sái吸引民進黨欠缺ê中間選票認同. M̄-koh beh án-chóaⁿ阻擋國民黨kap中國簽ECFA, beh án-chóaⁿ來面對台灣社會tō beh產生ê損害, bē-su kan-taⁿ有公投kap繼續投票支持民進黨2種方法niâ.
Chit場辯論m̄是候選人ê政見辯論, mā m̄是beh舉辦公民投票chìn前ê政策辯論, kap中國簽ECFA了後, 對台灣ē有siáⁿ款影響chiah是重點, 辯論輸贏iah是辯論者表現好bái, kám tō ē改變ECFA對lán ê影響?
國民黨thiah明--ê tō是beh橫柴giâ入灶, 進口美國牛腹內, 開放中國學生, 承認中國學歷……chiah-ê lóng是in chìn前保證bē開放--ê, lō͘尾soah lóng大力beh立法通過, 最近pàng出風聲講健保kā中國病院mā la̍p--入-來, hōan-sè koh過無jōa久tō ē chiâⁿ做正式ê政策來推行.
面對chit款勢面, 當然m̄免ǹg望國民黨khah chiâⁿ樣--leh, kā台灣ê資源suh hō͘ chīn-pōng來服務in ê政治經濟利益, 本底tō是國民黨集團ê本質, beh ko͘-chiâⁿ in se̍h翻頭來顧台灣, 根本是chhiàⁿ鬼thiah藥單. M̄-koh民進黨kám tō ē hō͘ lán靠--得?
民進黨sui-bóng chhùi--nih hoah講ECFA in反對到底, m̄-koh chiah-ê政客siōng要意--ê iáu是個人ê政治前途, in kui頭殼內kan-taⁿ teh考慮選票, ECFA to iáu-bōe簽--leh, 民進黨ê政治操作tō kā 2012年中華民國總統選舉搬--出-來-a, 強調講2012年若hō͘ in tiâu總統, beh來發動撤銷ECFA ê公投. 6--月ECFA tō beh簽--a, bē-chēng戰tō先想到2012年去, kám講ECFA對台灣ê傷害, mā kan-taⁿ是成就選舉班á政治前途ê工具? 2012年準hō͘民進黨tiâu總統, in kám tō有影ē來撤銷chit項協議?
ECFA kah若對台灣有敗害, lán ê立場真明確tō是反對到底, 無siáⁿ-mih thang chhun-kiu ê空間, 是án-chóaⁿ tio̍h-ài牽tùi「公投」去? 公投結果若贊成簽ECFA, lán m̄ tio̍h-ài tiām-tiām接受? 台派團體chit-má kha̍p bē tio̍h tō hoah公投, 公投有影tō ē-tàng救台灣?無beh明確表明立場, 總是牽拖tùi「ài hō͘台灣人民決定」, kā手段操作kah pìⁿ做目的, 「台灣式民主」chit款自我洗腦實在是àu戲拖棚, .
Kah若知影若hō͘國民黨kap中國kā ECFA簽--落, 對台灣ē有真oh補救ê敗害, án-ne ùi chit-má開始tio̍h-ài全力阻擋, 甚至抗爭, nah tio̍h koh等公投iah是2012年選舉?
留言列表