10月底，東北季風正吹得呼呼叫，傍晚5點多，接到小弟的電話，他說他們工地那裡像在颳颱風。小弟在高雄大寮一間做鍋爐的公司食頭路，8月開始被派去麥寮六輕出差，預計要在那邊一年的時間。剛去不久，就遇到他支援的case正在趕工結案，使得他連續三個禮拜沒有休息(禮拜六日也接著做)。前一陣子有六輕毒氣外洩的新聞，問他，小弟說那裡的空氣每天都很糟，不用外洩他就已經聞得快要中毒了。在麥寮人封路抗議六輕那幾工，他們有受影響停工一天，接著他們就提早上班，想不到隔天麥寮人比他們還早封路，只是三天一個禮拜就散場了。
有得休息的日子，小弟就會在禮拜五晚上回家，禮拜一早上再和同事前往麥寮，然而六日還是經常被公司叫去加班。像上禮拜五，小弟下午早早就回到大寮公司，卻一直接著做到隔天下午5點才回家。問他，小弟說剛好有一個case即將到期，又遇到禮拜五，才會趕在那天收工結案。他說，連續做30幾個小時沒休息，累得要死！其實他還沒有到麥寮出差前就時常得加班了，每天都早早出門晚晚才回來，六日更是常常要工作。看他這樣，又想到「過勞死」的新聞那麼多，實在是讓人很煩惱有高血壓的他，身體早晚會受不了。
前一陣子國光石化的事情媒體炒得熱鬧滾滾，李遠哲連署反對聲明後，也許是受到企業界的壓力，隨即表示說他是反對國光石化設廠，不是反對石化產業。真的是前後矛盾的廢話！石化產業上下游算一算，影響層面可以說是包山包海的廣，不過也確實是頭號汙染產業，在石化產業界工作的人，比如說我小弟，是出賣自己的健康替公司賺錢。台灣要有好的競爭力，要有好的生活品質，勞工要有好的勞動條件，產業升級是無法逃避的。產業升級不是加工變代工，是確實的產業轉型、技術提升。台灣的問題不是無法拒絕石化業跟石化產品，是我們沒有第二種選擇！
知道小弟的情形，堂妹一直說要去勞工局申訴啦，我笑著問小弟，「要替你去申訴嗎？」他也笑笑，無奈地說，「免啦，我們做工程的本來就是這樣。」電話中，我好像聽到有如颱風的東北季風正在呼呼叫。
10月底, 東北季風tng透kah sngh-sngh叫, 暗頭á 5點外, 接tio̍h小弟ê電話, i講in工地hia ná teh做風颱--leh. 小弟tī高雄大寮1間做火爐ê公司chia̍h頭路, 8--月開始hông派去麥寮六輕出張, àn-sǹg ài tī hia 1冬ê時間. Chhím去無jōa久, tō tn̄g tio̍h i支援ê case tng teh趕工結案, hō͘ i連續3禮拜無thang hioh(拜6禮拜mā lóng續leh做). 前chi̍t-chām-á有六輕毒氣漏洩ê新聞, 問i, 小弟講hia ê空氣ta̍k工lóng chiok bái--ê, 準無漏洩, i tō phīⁿ kah kiōng-beh中毒--a. Tī麥寮人封路抗議六輕hit kúi工, in有受影響停工1工, koh來in tō提早上班, 想bē到隔tńg工麥寮人phēng in koh-khah早封路, 是講3工1禮拜tō soah戲--a.
有thang hioh-khùn ê日子, 小弟tō ē拜5暗tńg厝, 拜1 chái chiah koh kap同事去麥寮, m̄-koh拜6禮拜iáu是不時ē hō͘公司叫去加班. 親像頂禮拜5, 小弟e-po͘早早tō tńg到大寮公司, soah一直koh做到翻tńg工e-po͘ 5點chiah tńg厝. 問i, 小弟講tú好有1 ê case teh-beh到期, koh tú tio̍h拜5, m̄-chiah趕tī hit工kā收--起-來. I講, 連續30 kúi點鐘做無停khùn, thiám kah beh死! 其實i iáu-bōe去麥寮出張chìn前tō ta̍k不時tio̍h加班--a, ta̍k工lóng早早出門òaⁿ-òaⁿ chiah tńg--來, 拜6禮拜mā tiāⁿ-tiāⁿ ài去做. 看i án-ne, koh想tio̍h『過勞死』ê新聞hiah-nī chē, 實在是hō͘人chiâⁿ煩惱有高血壓ê i, 身體早慢ē bē堪--chit.
前chi̍t-chām-á國光石化ê tāi-chì媒體炒kah lāu-jia̍t滾滾, 李遠哲連署反對ê聲明了後, hōan-sè是bē堪chit企業界ê壓力, sûi koh表示講i反對國光石化設廠, m̄-koh無反對石化產業. 有影是前後矛盾ê廢話! 石化產業頂ē頭算算--leh, 影響層面ē-sái講是包山包海ê闊, m̄-koh mā是頭號ê汙染產業, tī石化產業界chia̍h頭路ê人, 可比講góan小弟, 是出賣ka-tī ê健康替公司thàn-chîⁿ. 台灣beh有好ê競爭力, beh有好ê生活品質, 勞工beh有好ê勞動條件, 產業升級是無thang走閃--ê. 產業升級m̄是加工pìⁿ代工, 是確實ê產業轉型, 技術提升. 台灣ê問題m̄是無法度拒絕石化業kap石化產品, 是lán無第2種選擇!
知影小弟ê情形, 叔伯小妹直直講ài去勞工局申訴--lah, góa笑笑問小弟,「Ài替lí去申訴--無?」I mā笑笑, chiâⁿ無奈講,「免--lah, góan做工程--ê本底tō是án-ne.」Tī電話中, góa ká-ná聽tio̍h ná風颱ê東北季風teh háu.
留言列表
